ኦሮሜ ኣሳስ 10:15 - Geeshsha Maxaafa

¹⁵ Kiitettontta wostti sabbakandettoo? Hessika, «Mishiraachcho qaala ekki yizayta yuussi ay mala lo7oo!» geetetti Geeshsha Maxaafan xaafettida mala hanides.

ጋሞ ማጻፋ

¹⁵ ኪቴቶንታ ዎስቲ ሳባካንዴቶ? ሄሲካ፥ «ሚሺራቾ ቃላ ኤኪ ዪዛይታ ዩሲ ኣይ ማላ ሎኦ!» ጌቴቲ ጌሻ ማጻፋን ጻፌቲዳ ማላ ሃኒዴስ።

Gamo Geesha Maxxafa New Testamen

¹⁵ Kitetonita wositi sabakanideto? Hesikka “mishiracho qaala ekkii yizayta yuus ay mala loo7o” geeteti geesha maxaafan xaafetida mala hanides.

ኦሮሜ ኣሳስ 10:15 ပူးပေါင်းရင်းမြစ်များ

ኢሳያሳ ቲንቢቴ 40:9

Nenoo mishiraachcho Xiyoones yootizaysso, dhoqqa zuma bolla keza; nenoo mishiraachcho Yerusalaames yootizaysso, ne cenggurssaa dhoqqu histta waassa; dhoqqu histta, babbofa; Yuhuda katamatas, «Hekko intte Xoossaa» gaada yoota.

ኢሳያሳ ቲንቢቴ 52:7

Zuma bolla eqqida tohoti, mishiraachcho ekki yiza tohoti, saroteth yootizayti, lo7o mishiraachcho yootizayti, atoteth awajjizayti, Xiyoonokka, «Ne Xoossay kawotides» giza tohoti ay mala lo7o!

ኢሳያሳ ቲንቢቴ 57:19

Isra7eele biittan yeekkizayta doonan ta galata woththana. Mataninne haahon dizaytas saroynne woppay gido. Tani istta paththana» gees.

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኤርማሳ ቲንቢቴ 23:32

GODAY, «Tani wordo agumo kaallidi tinbite yootiza nabetara eqettays; ta kiittontta dishin woykko ta shuumontta dishin xalateththan wordo yo7o yooteettes; ta derezakka baleththeettes; hayssa ha dereza aykkoka go7ettenna» gees.

ናሆሜ ቲንቢቴ 1:15

Hekko mishiraachcho yootizayssi, saroteth awajjizayssi zumaa bollara yuussan dees. Yuhuda ne ba7aaleta bonchcha; ne adinettidayssa gaththa; hayssafe guye iitati ne dere worajjettenna; istti mulera dhayana.

Maatosa 9:38

Hessa gishshas kaththaa Goday kaththaako oosanchchata yeddana mala woossite!» gides.

ሉቃሳ ሚሺራቾ 10:1

Hessafe guye Goday hara laappun tammanne nam7u as dooridi sunththides; isttaka nam7u nam7u histtidi izi baana sohotanne katamata wursika istti kasetidi baana mala kiittides.

ሉቃሳ ሚሺራቾ 2:10

Kiitanchchay istta, «Babbofte! Tani asa ubbaas gidiza gita ufayssa mishiraachcho ekka yadis.

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

ሉቃሳ ሚሺራቾ 8:1

Hessafe guye Yesusi Xoossa Kawoteththa Mishiraachcho sabbakishe dumma dumma katamata giddoranne gutata giddora aadhdhides. Aadhdhi biza wode iza kaalliza tammanne nam7ati izara deettes.

ዮሃኒሳ ሚሺራቾ 20:21

Hessafe guye qasseka Yesusi istta, «Inttes saroy gido! Ta Aaway tana kiittida mala tanikka inttena kiittays» gides.

ሃዋሬታ ኦሶ 10:36

Xoossi ubbaas Godaa gidida Yesus Kirstoosa baggara Isra7eele asas kiittida saroteththa Mishiraachcho kiitay hayssa.

ሃዋሬታ ኦሶ 13:26

«Intteno Abrahaame zereththafe yelettida nu ishatoo! Qasseka intte giddonkka Xoossas yayyizayti wuri hayssi atoteththa kiitay kiitettiday nuus ubbatassa!

ሃዋሬታ ኦሶ 22:21

Godaykka, ‹Haahon diza Ayzaabetakko ta nena kiittiza gishshas dendada ba!› » gides.

ሃዋሬታ ኦሶ 9:15

Godaykka izas, «Ne ba! Hayssi addezi Ayzaabeta sinththaninne kawota sinththan hessaththoka Isra7eele dere sinththan ta sunth tookkana mala izi taas doorettidayssa.

ኦሮሜ ኣሳስ 1:15

Inttes Oroomen dizaytaska tani mishiraachcho qaala yootanaas ta amottizay hessassa.

ኦሮሜ ኣሳስ 15:20

Hara asi kase ooththidason ta gelontta mala gaada kase Kirstoosa sunththi xeygetti eronttason Mishiraachcho qaalaa sabbakanayssi taas amo.

ኤፌሶኔ ኣሳስ 2:17

Izi yiidi inttes haakki dizaytassinne matan dizaytas gaththi saroteth sabbakides.

ኤፌሶኔ ኣሳስ 3:8

Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides.

ኤፌሶኔ ኣሳስ 6:15

saroteththa Mishiraachcho qaalaa tohon caamma mala aaththidi giigetti eqqite.

1ጴጽሮሳ ኪታ 1:12

He kase nabeti inttes ooththida attiin istti baas ooththonttayssi isttas qonccen erettides. Istti inttes ooththiday bolla saloppe kiitettida Xillo Ayana baggara ha7i inttes Mishiraachcho qaala yootida asati inttes yootidayssa qonccisanaassa; hessa he qaalaa kiitanchchatikka beyanaas amottida.