ኦሮሜ ኣሳስ 1:21 - Geeshsha Maxaafa

²¹ Istti Xoos erikkoka iza Xoossateththaa mala iza bonchchibeettenanne galatibeettenna; gido attiin istta qofay mela go7ay bayndaaz gididessinne yuushshi qoppontta mala istta wozinay dhumides.

ጋሞ ማጻፋ

²¹ ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

Gamo Geesha Maxxafa New Testamen

²¹ Istti Xoossu erikoka iza, iza Xoossatetha mala bonchibeytenane galatibeyttena. Gido attin istta qofay mela go7ay baynidazi gididesine yuushi qopontta mala istta wozinay dhumides.

ኦሮሜ ኣሳስ 1:21 ပူးပေါင်းရင်းမြစ်များ

ሜቴ ማጻፋ 6:5

GODAY he wode biitta bollan diza asaa iitateththi daridayssanne istti ba wozinan qoppizayssi wuri ubba wodekka iita xalala gididayssa be7ides;

ሜቴ ማጻፋ 8:21

Histtiin GODAY yarshoza peeno sawizayssa singidi ba wozinan, «Yelagateththafe doommiin asi wozinan qoppizayssi wuri iita gidikkoka tani asa gishshas gaada nam7anththo mulekka ha biitta qanggike. Qasse tani ha7i ooththida mala paxa diza medheteth ubbaa nam7anththo mulekka dhayssike.

1ካዎታ ማጻፋ 20:23

He wode Aaraame kawo zoriza shuumeti, «Istta xoossati zuma xoossata; istti nuus wolqqamidaykka hessassa. Nuni isttara demban olaa gayttizaakko sidhey baynda istta xoonana.

2ካዎታ ማጻፋ 17:15

Iza maara, izi istta aawatara gelida caaqo qaalanne izi isttas minththi yootida qaalaa kadhida; hada gidida eeqa xoossata kaallida; banttaska hada gidida; GODAY isttas, «Istti ooththizayssa intte ooththofte» giidi azaziinkka istti bantta yuushon diza kawoteththata kaallida; istti ooththontta mala GODAY diggidayssa polida attiin aggibeettenna.

ዬ ማጻፋ 50:23

Taas galata immiza asi tana bonchchees. Suure ogera biza as tani atoteththaa bessana» gees.

ዬ ማጻፋ 81:12

Hessa gishshas tani istti ba wozina muumeteththaaththo ba dosoyssa hanana mala aggaagadis.

ዬ ማጻፋ 86:9

Abeet Godawu! Neni medhdhida kawoteththay ubbay neekko yiidi nees goynnana; ne sunththaaka bonchchana.

ኤራንቻታ ማጻፋ 7:29

Tani hayssa ubbaafe issi miish tamaaradis; Xoossi as suure histti medhdhides; gido attiin asi daro gitettidaaz giigsides» gides.

ኢሳያሳ ቲንቢቴ 60:2

Be7a, dhumay sa7aa kammana; sakkanna dhumay deraa goozi oykkana; gido attiin GODAY nees gakkana; ba bonchchoka ne bolla poo7isana.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 17:9

Asa wozinay ubbaa miishshafekka gene; izas paxateththika deenna; iza eranaas ooni dandayanee?

ኤርማሳ ቲንቢቴ 2:5

GODAY, «Kase intte aawati taappe haakkiday, hada yo7o kaalliday, ba hu7esikka go7ay bayndayta gididay taappe ay mooro demmidii?

ኤርማሳ ቲንቢቴ 9:14

Histtidi istti bantta wozina muumeteththan biidi bantta aawati tamaarsida malakka Ba7aale geetettiza eeqa xoossa kaallida» gides.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.

ሂዚቄላ ቲንቢቴ 20:25

Hessa gishshas tani istta lo7o gidontta maarasinne istta shemppora paxa woththontta wogas aaththa immadis.

ሆሴኤ ቲንቢቴ 2:8

Tani izis kase kath, woyne ushshinne wogara zayte immidayssanne qasseka iza ba7aale geetettiza eeqa xoossas yarsho biranne worqqa izis darssiday tana gididayssa iza shaakka erabeekku.

ዮሃኒሳ ሚሺራቾ 3:19

Pirdayka hayssa mala, poo7oy ha alame yides shin asaas oosoy iita gidida gishshas asay poo7oppe keehi dhuma dosides.

ሃዋሬታ ኦሶ 26:18

Ne istta ayfe doyana malanne dhumappe poo7on kessana mala qasseka Xala7es haarettizasoppe Xoossako ne zaarana mala ooththana; isttika tana ammanida gishshas ba nagarappe maarettana; qasse doorettidayta giddon istti xinxxo demmana› gides.

ኦሮሜ ኣሳስ 1:19

Istti eranaas bessizaaz Xoossi ubbaa isttas qonccisida gishshas istti Xoos eranaas qoncce gidides.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ኦሮሜ ኣሳስ 11:10

Istta ayfey xeellofo; goozetto; istta zokkoy mernaas kuunno» gides.

ኦሮሜ ኣሳስ 15:9

Hessaththoka Ayzaabeti iza maaroteththaa gishshas Xoos galatana mala; hessika, «Ta nena dere giddon galatana; ne sunththaaska galata mazamure yexxana» geetetti Geeshsha Maxaafan xaafettida mala.

ዛሬ ማጻፋ 28:29

Gallassa seetan neni qooqey tattafettiza mala tattafettana; ne ooththiza ubbay nees giigontta ixxana; neni ne de7o ubbaan un7etashenne bonqqettashe daana; nena maaddiza asekka demmaka.

2ጺምቶሳስ 3:2

Asay bana dosizaade gidana; miish siiqizayta, banan ceeqettizayta, otoranchchata, cashshanchchata, bana yelidaytas azazettonttayta, galatonttaytanne geeshshateththi bayndayta,

1ጴጽሮሳ ኪታ 1:18

Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

ዮሃኒሳ ኣጁታ 14:7

Izikka ba qaalaa dhoqqu histtidi, «Xoossas babbitenne iza bonchchite; iza pirda wodey gakkides; Salonne Sa7a, abbanne haaththa, pulttotakka medhdhida Xoossaas goynnite» gides.

ዮሃኒሳ ኣጁታ 15:4

Godoo, nees babbontta asinne ne sunth bonchchontta asi oonee? Neni nerkka geeshsha; ne tumaa pirday qonccida gishshas dereti wuri yiidi ne sinththan nees goynnana» gi yexxida.