ዮሃኒሳ ኣጁታ 9:2 - Geeshsha Maxaafa

² Izikka he ciimma ollaza doydes; he ciimma ollaafe wolqqama tama cuwa mala cuway kezides; he ollaafe kezida cuwaza gaason arsheynne saloy dhumides.

ጋሞ ማጻፋ

² ኢዚካ ሄ ጪማ ኦላዛ ዶይዴስ፤ ሄ ጪማ ኦላፌ ዎልቃማ ታማ ጩዋ ማላ ጩዋይ ኬዚዴስ፤ ሄ ኦላፌ ኬዚዳ ጩዋዛ ጋሶን ኣርሼይኔ ሳሎይ ሚዴስ።

Gamo Geesha Maxxafa New Testamen

² Izika he ciimma ollaza doyidees. He ciimma ollafe wolqama tama cuwa mala cuway kezidees. He ollafe kezida cuwaza geedon awa arisheyne saloy dhumida.

ዮሃኒሳ ኣጁታ 9:2 ပူးပေါင်းရင်းမြစ်များ

ሜቴ ማጻፋ 15:17

Arshey wulliin gadey dhumidaappe guye cooce tama lacoynne cuway beettidi he nam7u nam7u kezi shaakettida ashota giddora kanththides.

ሜቴ ማጻፋ 19:28

Izi Sodoomenne Gamoora he shoobbaan diza biitta ubbaa duge xeelliza wode wolqqama cuway xuussa tama mala he biittaafe tullu gizayssa be7ides.

ኬሳ ማጻፋ 19:18

GODAY Siina zumaa bolla tamara wodhdhida gishshas gita cooceppe keziza mala cuway tullu gi kezidi zumaa kumeth kammides; zumazi kumeth keehi qaaxxides.

ኢሳያሳ ቲንቢቴ 14:31

«Nenoo pengezoo! Wuu! Wuy ga; Nenoo katamazoo! Waassa; Intteno Filisxeeme asatoo! Intte ubbayka hirgan seerite! Gaasoykka pudeha baggafe cuway intte bolla yides; he cifraappe duuxxi attanay deenna.

ዳኔላ ቲንቢቴ 3:6

Biittan gufannidi goynnonttay oonikka diikko laciza itoone taman yegettana» gi awajjides.

ኢዩኤሌ ቲንቢቴ 2:10

Biittay istta sinththan kokkorana saloykka qaaxxana; awa ayfeynne aginay dhumana; xoolintteyka poo7o immenna.

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

ኢዩኤሌ ቲንቢቴ 2:30

Saloninne sa7an malalisiza miishshata ta bessana; suuththi, tamaynne cuwa tuussi beettana.

ሃዋሬታ ኦሶ 2:19

Bolla Salon malalisiza hanota ta bessana, garsa sa7an malaatata ta bessana; suuththi, tamaynne tulalay hanana.

ዮሃኒሳ ኣጁታ 14:11

Istti izan xuugettiza tamaappe keziza cuwazi merippe mernaas pude kezishe daana; he do7azassinne iza mislezas goynnizayti woykko iza sunththaa malata ba bolla woththidayti wurikka wonttaninne qamman isttas shempoy deenna.»

ዮሃኒሳ ኣጁታ 16:10

Ichchashanththa kiitanchchay ba xuu7a do7aza alga bolla gussides; he do7aza kawoteththi dhumides; asay waayezappe dendidayssan barkka ba inxars garccides.

ዮሃኒሳ ኣጁታ 8:12

Oydanththo kiitanchchay ba zayeza punnides; arshes cigoy, aginas cigoy, xoolinttetas cigoy shocettides; hessa gishshas heytantta poo7oppe cigoy dhumides; hessa malankka gallassaafe cigoy omars gidides; hessaththoka omarsafe cigoy poo7oy baynda dhuma gidides.

ዮሃኒሳ ኣጁታ 9:1

Ichchashanththo kiitanchchay ba zayeza punnides; ta qasse saloppe kase duge biitta bolla kundida xoolintteza beyadis; izas qasse ciimma olla doyza qulpey imettides.

ዮሃኒሳ ኣጁታ 9:11

Kawoykka isttas dees; he izikka ciimma olla kiitanchchaza; iza sunththayka Ibraaweta qaalara, «Abadoone» geetettees. Qasse Girike qaalara, «Aphiliyoone» geetettees; hessa guussika pitti dhayssizayssa guussa.

ዮሃኒሳ ኣጁታ 9:17

Paratinne he parata toggida asata tani ajjuutan be7idayti hayssafe kaallizayssa malakko! Isttas tira bolla diza xururezi tama bonqo mala zo7o; salo mala kareththinne galal7o misatees. Parata hu7ey gaammo hu7e misatees; istta doonappe tamaynne cuway diine geetettiza miishshi kezees.