ዮሃኒሳ ኣጁታ 7:12 - Geeshsha Maxaafa

¹² «Amiin! Sabay, gitateththi, erateththi, galatay, bonchchoy, wolqqaynne minoteththi nu Godaas Xoossaas mernaappe mernaas gido. Amiin!» gida.

ጋሞ ማጻፋ

¹² «ኣሚን! ሳባይ፥ ጊታቴ፥ ኤራቴ፥ ጋላታይ፥ ቦንቾይ፥ ዎልቃይኔ ሚኖቴ ኑ ጎዳስ ጾሳስ ሜርናፔ ሜርናስ ጊዶ። ኣሚን!» ጊዳ።

Gamo Geesha Maxxafa New Testamen

¹² Hizgida “Amin7i! sabay, gitatethi, erateth, galatay, bonchoy, wolqayne minotethi nu Godas Xoossas medhinape medhinas gido amin7i”

ዮሃኒሳ ኣጁታ 7:12 ပူးပေါင်းရင်းမြစ်များ

ናሂሚያ ማጻፋ 12:46

Kase kawo Dawitapenne Aasaafe wodeppe doommidi mazamure yexxizaytassinne galata mazamuren Xoossa bonchchiza asata kaaleththizayti deettes.

ናሂሚያ ማጻፋ 12:8

Leweta, Galata mazamure yexxissizaytas alaafe gididi leweti, Iyaaso, Binuwe, Qadim7eele, Sherebiya, Yuhudanne Maataaniya.

ዬ ማጻፋ 100:4

Iza penge galatara, iza zago sabara gelite; iza galatite; iza sunththaaka anjjite.

ዬ ማጻፋ 106:48

GODAY, Isra7eele Xoossi mernaappe mernaa gakkanaas galatetto! Asay ubbay, «Amiin» go. GODAA galatite!

ዬ ማጻፋ 107:22

Istti izas galata yarsho yarshetto; qasseka ufayssa yeththan izi ooththida ooso qonccisetto.

ዬ ማጻፋ 116:17

Abeet GODAWU! Tani galata yarsho nees yarshana; histtada ne sunththaa xeygana.

ዬ ማጻፋ 147:7

GODAAS galata mazamure yexxite; nu Xoossas maasinqo shocishe galatite.

ዬ ማጻፋ 41:13

GODAA Isra7eele Xoossay mernaappe mernaa gakkanawu galatetto. Amiin! Amiin!

ዬ ማጻፋ 50:14

Xoossas galata yarsho shiishsha; ne adina Ubbaafe Dhoqqa Xoossas gaththa.

ዬ ማጻፋ 72:19

Iza bonchcho sunththay mernaas galatetto; biitta ubbay iza bonchchon kumo. Amiin! Amiin!

ዬ ማጻፋ 89:52

GODAY meri mernaas galatetto! Amiin! Amiin.

ዬ ማጻፋ 95:2

Ane iza sinth galatara shiiqoos; galata mazamure ufayssan yexxoos.

ኢሳያሳ ቲንቢቴ 51:3

«GODAY Xiyoono tumu minththeththana; izi laaleteththaa qadhetan xeellana; izi bazzo biittaza Edene mala, izi bazzo biittaza GODAA atakiltesoho mala ooththana; ishaloynne ufayssi, galataynne yeththa cenggurssi izin seetettana.

ኤርማሳ ቲንቢቴ 33:11

Ufayssa cenggurssi, mishirata cenggurssi hessaththoka bullachchizayssanne bullachchettizaari qaalay, « ‹GODAY kiya; iza maaroteththayka mernaassa; GODAA Ubbaafe Wolqqama Xoossaa galatite› giza galata yarsho ekkidi Xoossa Keeth yiza asata cenggurssi seetettana; he biittayfe di7ettida miish kase dizasota zaarana» gees.

ኤርማሳ ቲንቢቴ 33:9

Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.

ዮናሳ ቲንቢቴ 2:9

Gido attiin ta galata nees yarshana; ta adinettidayssa ubbaaka gaththana; ays giikko atoteththi GODAAPPE yees» gi woossides.

Maatosa 6:13

Iitappe nuna ashsha attiin nuna paacen gelththofa; bonchchoy merippe mernaa gakkanaas neyssa. Amiin› gi woossite.

ኦሮሜ ኣሳስ 11:36

Wurikka izappe, izan, izassa; izas bonchchoy mernaappe mernaas gido! Amiin.

1ቆሮንቶሴ ኣሳስ 14:16

Hessaththo gidontta aggiko ne Xoos Ayanan galatiza wode hessa erontta issi imaththa asi ne galata woosaa wostti, «Amiin» gaanaas dandayzee?

2ቆሮንቶሴ ኣሳስ 4:15

Daro asaa gakkishe diza kiyateththi Xoossa bonchchos galata bolla galata gujjana mala hayssi wurikka inttena go7anaas hanides.

ቆላሲያሴ ኣሳስ 2:7

Intte izan tokettidinne keexettidi intte tamaarda mala ammanon minnidi daro tirpa galata izas shiishshishe diite.

ቆላሲያሴ ኣሳስ 3:17

Iza baggara Xoossaa Aawaas galata shiishshishe qaalan gidiin woykko ooson intte ooththizayssa ubbaa Godaa Yesusa sunththan ooththite.

ዩሁዳ ኪታ 1:25

izi xalla nuus Xoossanne dhale gidida Godaa Yesus Kirstoosa baggara benippe doommidi ha7i gakkanaassinne mernaaskka bonchchoynne gitateththi, wolqqaynne godateththi izas gido. Amiin.

ዮሃኒሳ ኣጁታ 1:18

Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.

ዮሃኒሳ ኣጁታ 19:4

Nam7u tammanne oyddu cimatinne oyddu do7ati alga bolla uttida Xoossaas gufannidi, «Amiin, Hale luuya!» gishe izas goynnida.