ዮሃኒሳ ኣጁታ 22:20 - Geeshsha Maxaafa

²⁰ Haytantta ta markkattizayssi, «Tani addafe eeson yaana!» gees. Amiin! Godaa Yesusa haa ya.

ጋሞ ማጻፋ

²⁰ ሃይታንታ ታ ማርካቲዛይሲ፥ «ታኒ ኣዳፌ ኤሶን ያና!» ጌስ። ኣሚን! ጎዳ ዬሱሳ ሃ ያ።

ዮሃኒሳ ኣጁታ 22:20 ပူးပေါင်းရင်းမြစ်များ

Siiqo Saba 8:14

«Ta siiqozoo! Taakko eeson haa ya! Sawo atakilteti mokkiza zumata bollara guppiza genessa woykko Wusha laaqqa misata» gadus.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ዮሃኒሳ ሚሺራቾ 21:25

Yesusi ooththida hara daroti deettes; taas misatiza mala izi ooththida miishshata ubbaa issi bolla xaafizaakko xaafettida maxaafata hayssi alamey tookkana dandayenna.

1ቆሮንቶሴ ኣሳስ 16:22

Godaa dosonttaadey diikko izi qanggettidaade gido! Godoo haa ya!

2ጺምቶሳስ 4:8

Sinththafe taas akililey giigi uttides; hessika xilloteththa; hessaka tumu pirdiza Goday he gallas taas immana; hessika taas xalla gidontta iza yuussaa laamotizaytas ubbaasikka immana.

Ibirawe 10:37

Gaasoykka guuththa wodeppe kaallidi, «Yaanayssi izi yaana; gam7enna;»

Ibirawe 9:28

Kirstoosi daro asa nagara digganaas issito yarshettides; nam7anththoka izi qonccana; hessi iza naagizaytas atoteth ekki yaanaas attiin nam7anththo zaari nagara tookkanaas gidenna.

ዮሃኒሳ ኣጁታ 1:18

Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.

ዮሃኒሳ ኣጁታ 1:2

Yohannisikka Xoossa qaalaa gishshassinne Yesus Kirstoosi tamaarsida tumaa gishshas qasseka izi ba ayfen be7idayssaka ubbaa markkattides.

ዮሃኒሳ ኣጁታ 2:16

Hessa gishshas maaroteththan gela; akkay giikko tani eeson neekko baada nena ta doonappe keziza mashsha misatiza qaalara olana.

ዮሃኒሳ ኣጁታ 22:10

Qasseka, «Wodey matida gishshas neni hayssa maxaafazan xaafettida tinbite qaalaa maatamen gordofa.

ዮሃኒሳ ኣጁታ 22:12

«Hekko! Ta eeson yaana! Issaades issaades iza ooso mala ta izas izas immana waaga tani ta kushen oykka uttadis.

ዮሃኒሳ ኣጁታ 22:18

Hekko tani hayssa maxaafazan xaafettida tinbite qaalaa siyizayti naagettana mala yootays. Oonikka hayssa ha qaalaa bolla aykkoka gujjiko hayssa ha maxaafazan xaafettida boshata Xoossi iza bolla gujjana.

ዮሃኒሳ ኣጁታ 22:7

Yesusikka, «Hekko ta eeson yaana; hayssa maxaafaza tinbite qaala naagizaadey izi anjjettidaade» gides.