ዮሃኒሳ ኣጁታ 20:11 - Geeshsha Maxaafa

¹¹ Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.

ጋሞ ማጻፋ

¹¹ ሄሳፌ ጉዬ ኢሲ ጊታ ቦ ኣልጋኔ ሄ ኣልጋ ቦላ ኡቲዳይሳ ቤያዲስ፤ ቢታይኔ ሳሎይ ኢዛ ሲንፌ ባቃቲዳ ሺን ኢስቲ ቢዲ ጌላናሶይ ቤቲቤና።

Gamo Geesha Maxxafa New Testamen

¹¹ Hessafe guye issi gita bootha algane he alga bolla uttidayssa, biittayne saloy iza sinthafe baqatida shin istti biidi gelanasoy beettibeyna.

ዮሃኒሳ ኣጁታ 20:11 ပူးပေါင်းရင်းမြစ်များ

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

ኢዮቤ ማጻፋ 9:6

Xoossi biitta dizasoppe kokkorsana; biitta tuussatakka qaaseththana.

ዬ ማጻፋ 102:26

Heyti ubbay dhayana; gido attiin neni minna daana; istti ubbayka afala mala wurana; neni istta carqqa mala laammana; isttika aadhdhana.

ዬ ማጻፋ 47:8

Xoossi kawoteththata bolla kawotides; ba geeshsha araata bollaka uttides.

ዬ ማጻፋ 89:14

Xilloteththinne suure pirday ne kawoteththa araataas yochcha; maaroteththinne ammaneteththi neeppe sinththara beettes.

ዬ ማጻፋ 97:2

Shaaraynne sakkanna dhumay iza yuuyi aadhdhides; xilloteththinne tumateththi iza kawoteththa araataas yochcha.

ኢሳያሳ ቲንቢቴ 6:1

Kawo Ooziyay hayqqida layth GODAY dhoqqa araata bolla uttidayssa beyadis; izi may7ida afala macaray Xoossa Keeth kumi uttides.

ዳኔላ ቲንቢቴ 2:35

Heerakka biratazi, mana urqqazi, xarqimalazi, birazinne worqqazi wuri meqeretti wodhdhida; bone kaththa balen diza suulla mala gidida; carkoy istta issinokka ashshontta pitti efides; misleza bolla kundida shuchchazi gidikko izi biitta kumanaashe gakkanaas gita zuma gidides.

ዳኔላ ቲንቢቴ 7:10

Iza sinththara tama haaththi pultti goggees; izas daro shiyan qoodettiza oosanchchati deettes; qooday baynda derey iza sinththan eqqides; pirda shilotaykka uttides; maxaafatikka doyettida.

Maatosa 11:22

Hessa gishshas tani inttes gizay pirda gallas inttefe aadhdhi Xiroosessinne Sidoonas qixaatey kawuyana.

Maatosa 24:35

Saloynne sa7ay aadhdhana shin ta qaalay gidikko mulekka aadhdhenna.

Maatosa 25:31

«Asa Nay ba kiitanchchata ubbaara bonchchon yiza wode ba bonchcho alga bolla uttana.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

2ጴጽሮሳ ኪታ 3:7

Hessaththoka ha7i diza saloynne biittay nagaranchchati dhayana diza pirda gallas gakkanaas tamas giigi uttida.

ዮሃኒሳ ኣጁታ 12:8

Gido attiin dawezinne iza kiitanchchati xoonettida; hessafe guye isttas salon daanasoy beettibeenna.

ዮሃኒሳ ኣጁታ 16:20

Abba giddon diza dereti wurikka baqatida; zumatikka beettibeettenna.

ዮሃኒሳ ኣጁታ 19:11

Hessafe guye saloy doyettidayssa ta beyadis; qasseka booththa parakka beyadis; he paraza toggidayssi ammanettidaadenne tumanchcha geetettizaade; izi qasse tuma pirdeessinne olettees.

ዮሃኒሳ ኣጁታ 20:2

He daweza oykkidi shii layth qachchides; hessi dawezi Daabulosa woykko Xala7e geetettiza kase beni shooshshaza.

ዮሃኒሳ ኣጁታ 21:1

Hessafe guye tani ooraththa salonne ooraththa sa7a beyadis; kase saloynne kase sa7ay aadhdhi bida; hayssafe guye abbayka deenna.

ዮሃኒሳ ኣጁታ 21:5

He algaa bolla uttidayssika, «Hekko tani wursaka oorath kessana!» gides; qasseka tana, «Hayssi qaalazi ammanettida tumu gidida gishshas ne hayssa xaafa!» gides.

ዮሃኒሳ ኣጁታ 4:2

Tani heerakka Ayanan liphiphi gaada salon diza alga beyadis; he algaza bollaka issaadey uttides.

ዮሃኒሳ ኣጁታ 6:14

Saloykka waraqata mala xaaxetti kichchides; zumatinne abba giddon diza gadeti wurikka ba dizasoppe dhayda.