ዮሃኒሳ ኣጁታ 11:17 - Geeshsha Maxaafa

¹⁷ Qasseka, «Kasekka, ha7ikka dizayssoo! Ubbaaka dandayza Godaa Xoossoo! Neni ne gita Godateththaa ne kushen oykkida gishshassinne kawotida gishshas nuni nena galatoos.

ጋሞ ማጻፋ

¹⁷ ቃሴካ፥ «ካሴካ፥ ሃኢካ ዲዛይሶ! ኡባካ ዳንዳይዛ ጎዳ ጾሶ! ኔኒ ኔ ጊታ ጎዳቴ ኔ ኩሼን ኦይኪዳ ጊሻሲኔ ካዎቲዳ ጊሻስ ኑኒ ኔና ጋላቶስ።

Gamo Geesha Maxxafa New Testamen

¹⁷ Qasseka hizgida “Kaseka, ha7ika dizaysso, Wurisaka danda7iza Goda Xoosso, Neni ne gita Godatetha ne kushen oykida gishshine kawotida gishshi nuni nena galatosu.

ዮሃኒሳ ኣጁታ 11:17 ပူးပေါင်းရင်းမြစ်များ

ሜቴ ማጻፋ 17:1

Abraame layththi uddufun tammanne uddufun gidishin GODAY izas qonccidi, «Tani Ubbaa Dandayza Xoossa; ne ta sinththan suure hemetta.

ዬ ማጻፋ 21:13

Abeet GODAWU! Ne minoteththay dhoqqu dhoqqu go; ne gita wolqqaa gishshas galata mazamure yexxoos.

ዬ ማጻፋ 57:11

Abeet Xoossawu! Neni salotappe bollara dhoqqu dhoqqu ga; ne bonchchoy sa7a ubbaa kumo.

ኢሳያሳ ቲንቢቴ 52:10

GODAY ba geeshsha qesaa kawoteththata ubbaa sinththan qonccisana; qasse biittaa gaxan diza ubbayka nu Xoossaa atoteththaa be7ana.

ዳኔላ ቲንቢቴ 2:23

Kase ta aawata Godawu! Ta nena galatays; ta nena bonchchays; ne taas aadho erateththinne wolqqa immadasa; nu woosaakka siyadasa; kawoza agumozakka nuus qonccisadasa» gi galatides.

ዳኔላ ቲንቢቴ 6:10

Daaneeli awajjazi paramettidi kezidayssa erida mala baso bides; pooqe bolla maskootey Yerusalaame bagga simmidi doyetti diza kifilezan kase woossizayssaththo gallas gallas heedzdzuto gulbatidi woossides; ba Xoossaaka galatides.

Maatosa 11:25

He wode Yesusi, «Salonne sa7a Godoo! Ta Aawawu! Hayssa daro eranchchatappenne cinccatappe qottada qeeri naytas ne qonccisida gishshas ta nena galatays.

ሉቃሳ ሚሺራቾ 10:21

He wode Yesusi Xillo Ayanan ufayettidi, «Salossinne sa7as Godaa gidida Aabboo! Hayssa wursaka aadho eranchchatappenne eranchchatappe qottada qeeri guuththa naytas ne qonccisida gishshas tani nena galatays; ee, ta Aawawu! Hayssi ne lo7o sheney hanides.

ዮሃኒሳ ሚሺራቾ 11:41

Hessa gishshas shuchchaa denththida; Yesusikka pude salo xeellidi, «Ta Aawawu! Ne ta gizaaz siyida gishshas ta nena galatays.

2ቆሮንቶሴ ኣሳስ 2:14

Gido attiin Kirstoosa baggara ubba wode nuna xoono ogen kaaleththi yuushshizanne ba lo7o erateththaa nu baggara ubbason qonccisiza Godaas galatay gakko.

2ቆሮንቶሴ ኣሳስ 9:15

Asa qaalan qoncciseththafe bolla gidida Xoossa imoteththaa gishshas Xoossi galatetto.

1ጺምቶሳስ 1:12

Tana ba oosos shuumidinne ammanettizaade histti ekkidinne taas minoteth immida nu Godaa Yesus Kirstoosa ta galatays.

ዮሃኒሳ ኣጁታ 1:4

Iisiyan diza laappun Woosa Keeththatas kasekka dizayssafe, ha7ikka dizayssafenne burokka yaana Xoossaafe iza alga sinththan diza laappun ayanatappe hessaththoka hayqoppe denththan bayra gididayssafe, ha biitta kawotas kawonne ammanettida markka gididayssafe, nuna siiqizayssafenne ba suuththan nuna nu nagaraappe geeshshida Yesus Kirstoosappe kiyateththinne saroteththi inttes gido.

ዮሃኒሳ ኣጁታ 1:8

Kasekka, ha7ikka dizayssi buroppeka Yaanayssi ubbaa dandayza Godaa Xoossi, «Alfaynne Oomegay, Koyroynne Wurseththi tana» gees.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 15:3

Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

ዮሃኒሳ ኣጁታ 16:14

Heyti malaatata ooththiza daydanththa ayanata. Heyti ayanati Ubbaa Dandayza Godaa gita gallas hanana olas asaa shiishshanaas alame kawoti dizaso ubbaa baana.

ዮሃኒሳ ኣጁታ 16:5

Haaththa bolla izas godateththi diza kiitanchchazi, «Kasekka ha7ikka diza geeshsha Godoo! Neni hessaththo pirdida gishshas neni tumanchcha.

ዮሃኒሳ ኣጁታ 16:7

Yarsho yarshizasozappe, «Ee wursa dandayza Godaa Xoossoo! Ne pirdati wurikka tumanne likke» giza qaala siyadis.

ዮሃኒሳ ኣጁታ 18:8

Hessa gishshas izi bolla boshay wurikka issi gallas gakkana; hayqoy, muuzoteththinne gafay izo gakkana; iza taman xuugettana; izi bolla pirdiza Goday Xoossi izi mino» gishin tani siyadis.

ዮሃኒሳ ኣጁታ 19:11

Hessafe guye saloy doyettidayssa ta beyadis; qasseka booththa parakka beyadis; he paraza toggidayssi ammanettidaadenne tumanchcha geetettizaade; izi qasse tuma pirdeessinne olettees.

ዮሃኒሳ ኣጁታ 19:6

Daro asa qaala giiris misatizay, shaafa haaththa giiris misatiza giiris, wolqqama daada giiris misatiza giirissi, «Hale luuya! Ubbaa Dandayza Goday Kawotees!