ዬ ማጻፋ 83:2 - Geeshsha Maxaafa

² Be7a! Ne morkketi ne bolla dendida; nena ixxizayti ne bolla ba qoodhe qaaththida.

ጋሞ ማጻፋ

² ቤኣ! ኔ ሞርኬቲ ኔ ቦላ ዴንዲዳ፤ ኔና ኢጺዛይቲ ኔ ቦላ ባ ቆ ቃዳ።

ዬ ማጻፋ 83:2 ပူးပေါင်းရင်းမြစ်များ

2ካዎታ ማጻፋ 19:28

Ne ta bolla hanqettida gishshassinne ne kadhey ta hayththan wodhdhida gishshas tani ne siidhen dafo yeggana; tani nena bixala barsana; ne yida ogera nena guye zaarana.

ዬ ማጻፋ 109:1

Abeet tani galatiza Xoossawu! Neni taas co7u gooppa.

ዬ ማጻፋ 74:23

Ne morkketi ne bolla waassiza waasoza, nena ixxizayti ne bolla ceeqettiza ceeqeteththaanne istta wocama dogoppa.

ዬ ማጻፋ 74:4

Ne morkketi ne soon, «Nuni xoonidos» giidi gerereettes. Xoono malata giidi bantta bandira essida.

ዬ ማጻፋ 81:15

GODAA ixxizayti iza sinththan kundana; istti mernaas qaxxayettana.

ዬ ማጻፋ 93:3

Abeet GODAWU! Ciimma abbay guummides; ciimma abbay ba gunththa dhoqqu histtides; ciimma abbay dambala guunth dhoqqu ooththides.

ኢሳያሳ ቲንቢቴ 17:12

Be7a, daro asaa hanqo giirissi abba dambala mala giirees; be7a, asaa waaso daroy wolqqama haaththa mala guummees.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

ኤርማሳ ቲንቢቴ 1:19

Istti nenara olettana; gido attiin tani ashshanaas nenara issife diza gishshas nena xoonettenna. Tani GODAY hayssa nees yootays» gides.

Maatosa 27:24

Philaxoosi hanizayssi wurikka asay ba giddon bul7aketeththafe attiin hara ay go7ay bayndayssa yuushshi xeellidi, «Hayssa addeza suuththaa gomeppe ta geeshsha; hayssafe guye intte shene» giidi haath ehisidi dereza sinththan ba kushe meecettides.

ሃዋሬታ ኦሶ 16:22

Dereykka issi bolla gididi Phawuloosa bollanne Sillaase bolla dendides; deraa ayssizayti Phawuloosantta may7o qaari ekkidi durqqara qoxxana mala azazida.

ሃዋሬታ ኦሶ 17:5

Ayhudati qasse istta qanaatidi giyan diza wordo asata shiishshidi kumeththa dereza istta bolla denththeththidi katamaan shiro medhdhida. Phawuloosanne Sillaase shiishshidi deraa sinththan essanaas issi Iyaasoone geetettizayssaso koyanaas eleli bida.

ሃዋሬታ ኦሶ 21:30

Kumeththa katamay ba giddon shirotides; derey wuri issife woxxi koyidi Phawuloosa oykki ekki Xoossa Keeththa gibbefe gooshechchi kessides; Xoossa Keeththa pengeti heerakka gordettida.

ሃዋሬታ ኦሶ 22:22

Asay hinno gakkanaas Phawuloosa haasaya wozinappe lo7eththi siyishe aggidi ba qaala dhoqqu histtidi, «Hayssa mala asi nu biittaafe dhayo; hayssa mala asi nu biittaan shemppora paxa daanaas bessenna» gishe waassides.

ሃዋሬታ ኦሶ 23:10

Palamay minni minni bida gishshas asay Phawuloosa tarshereththontta mala babbidi halaqata azazizayssi, «Duge wodhdhidi Phawuloosa asaa giddofe haa kessi ekki yiidi wottadarati dizaso efte!» giidi wottadarata halaqata azazides.

ዳናታ ማጻፋ 8:28

Hessa mala hanidi Midiyaame asay Isra7eele asaas haarettides; istti Isra7eele asaa bolla nam7anththo dendibeettenna. Geedooni shemppora paxa diza oyddu tammu layth kumeth biittay woppa demmides.