ዬ ማጻፋ 8:1 - Geeshsha Maxaafa

¹ Abeet GODAWU! Nu Godawu ne sunththi biitta ubbaan keehi bonchchettides; neni ne bonchcho salotappe bollan dhoqqu dhoqqu histta woththadasa.

ጋሞ ማጻፋ

¹ ኣቤት ጎዳዉ! ኑ ጎዳዉ ኔ ሱን ቢታ ኡባን ኬሂ ቦንቼቲዴስ፤ ኔኒ ኔ ቦንቾ ሳሎታፔ ቦላን ቁ ቁ ሂስታ ዎዳሳ።

ዬ ማጻፋ 8:1 ပူးပေါင်းရင်းမြစ်များ

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

ዬ ማጻፋ 145:1

Abeet ta kawo Xoossawu! Tani nena dhoqqu dhoqqu histtana; ne sunththa mernaaskka galatana.

ዬ ማጻፋ 148:13

Iza sunththi ubbaa bolla dhoqqa; iza bonchchoy sa7appenne saloppe bolla; hessa gishshas hayti ubbay iza sunth galatetto.

ዬ ማጻፋ 36:5

Abeet GODAWU! Ne mernaa siiqoy salo gakkees; ne tumateththayka bolla shaara mala dhoqqees.

ዬ ማጻፋ 57:5

Abeet Xoossawu! Neni salotappe bollara dhoqqu dhoqqu ga; ne bonchchoy sa7a ubbaa kumo.

ዬ ማጻፋ 63:1

Abeet Xoossawu! Neni ta Xoossa; ta nena wozinappe koyays; ta ashoykka nena amottees. Haaththi baynda mela biittay haath koyza mala ta asateththay nena saamettees.

ዬ ማጻፋ 68:4

Xoossas yexxite; iza sunththas galata mazamure yexxite. Shaara bollara hemettizayssa dhoqqu dhoqqu histtite; izas sunththay GODAA; intteka iza sinththan keehi ufayettite.

ዬ ማጻፋ 8:9

Abeet nu GODAA Xoossawu! Ne sunththi biitta ubbaa bolla keehi bonchchettides.

ዬ ማጻፋ 81:1

Nuus wolqqa gidida Xoossas ufayssan yexxite; Yaaqoobe Xoossas ililite!

ዬ ማጻፋ 84:1

Abeet medheteththa GODAWU! neni de7izasoy ay mala lo7osoo!

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

Siiqo Saba 5:16

Iza qaalay eessa mala mal7ees; iza bollay mulera kayshees; Intteno Yerusalaame geela7otoo, ta siiqozinne ta laggezi hayssa misatees» gadus.

ኢሳያሳ ቲንቢቴ 26:13

Abeet GODAWU Nu Xoossawu! neeppe hara allaga xoossati nuna haarida; nuni gidikko ne sunththaa xalla bonchchoos.

ኢምባቆ ቲንቢቴ 3:3

Xoossi Temaaneppe Geeshshayka Paaraane zuma bollafe yides; Iza bonchchoy salo kammi oykkides; Iza galataykka biitta bolla kumides.

Maatosa 22:45

Hessa gishshas Dawiti iza, ‹Ta Godaa› giidi xeygikko waanidi izas naa gidana dandayzee?» gides.

ዮሃኒሳ ሚሺራቾ 20:28

Toomaasi, «Ta Godoo! Ta Xoossoo!» gides.

ኤፌሶኔ ኣሳስ 4:10

Izi duge garse wodhdhidayssi kumeth alame medheteth kumana mala saloppeka bolla keziday iza.

ዛሬ ማጻፋ 28:58

Hayssa ha maxaafan xaafettida Xoossa wogaa intte lo7eththi naagontta aggiko qasse malalisizanne yashissiza GODAA intte Xoossa sunththaa intte bonchchontta aggiko,

ፒሊጲሲዮሴ ኣሳስ 3:8

Hessafekka ta Godaa Yesus Kirstoosa eroppe aadhdhizay haray aykkoyka bayndayssa ta ammaniza gishshas ubbaaka go7ay baynda miishsha mala qoodadis; tani iza gishshas gaada ubbaaka aggadis; ta Kirstoosa demmana gaada ubba miishshaakka wora wodhdhida iita miishsha mala qoodadis.

Ibirawe 7:26

Hessa gishshas nuus koshshiza qeeseta halaqay hessa mala geeshshinne wosoy iza bolla baynda xillonne nagaranchchatappe shaakettidi salotappe bollara bonchchettida qeeseta halaqa.

ዮሃኒሳ ኣጁታ 19:6

Daro asa qaala giiris misatizay, shaafa haaththa giiris misatiza giiris, wolqqama daada giiris misatiza giirissi, «Hale luuya! Ubbaa Dandayza Goday Kawotees!