ዬ ማጻፋ 74:18 - Geeshsha Maxaafa

¹⁸ Abeet GODAWU! Ne morkketi ne bolla wostti qilccidaakko, qasse eeya asati ne sunththaa wostti kadhidaakko qoppa.

ጋሞ ማጻፋ

¹⁸ ኣቤት ጎዳዉ! ኔ ሞርኬቲ ኔ ቦላ ዎስቲ ቂልጪዳኮ፥ ቃሴ ኤያ ኣሳቲ ኔ ሱን ዎስቲ ካዳኮ ቆፓ።

ዬ ማጻፋ 74:18 ပူးပေါင်းရင်းမြစ်များ

2ካዎታ ማጻፋ 19:4

De7o Xoossaa kawushshanaas ba goda Asoore kawoy yeddida gadawaa qaala ubbaaka GODAA ne Xoossay siyidaa gidana; izi siyida qaalaa gishshas GODAA ne Xoossay iza hanqana mala neni shemppora paxa diza asaas Xoossa woossarkkii!› gides» gida.

2ታሪኬ ማጻፋ 32:19

Asaa kushen oosettida eeqa xoossata bolla haasayda mala Yerusalaame Xoossaa bollaka haasayda.

ዬ ማጻፋ 137:7

Abeet GODAWU! Yerusalaamey kundiza gallas Eedoome asati ooththidayssa qoppa; istti, «Laallite! Laallite! Yochchaafe dhoqalli dhayssite!» gidayssa baloppa.

ዬ ማጻፋ 39:8

Ta mooro ubbaafe tana ashsha; eeyata miichchas tana kessofa.

ዬ ማጻፋ 41:1

Hiyeesas qoppiza asi anjjettidayssa; meto gallas GODAY iza ashshees.

ዬ ማጻፋ 74:22

Abeet Xoossawu! Denda! Neni ne sunththas mootetta; eeyati gallas ubbaan nena kadhizayssa qoppa.

ኤርማሳ ዚላስ 5:1

Abeet GODAWU! Nu bolla gakkidayssa ne qoppa; nu kawushshateththaka xeella.

ሂዚቄላ ቲንቢቴ 20:14

Gido attiin tani istta Gibxeppe kessishin be7ida kawoteththata sinththan ta sunththi tunontta mala ta sunththaa gishshas genccadis.

ሂዚቄላ ቲንቢቴ 35:13

Neni ta bolla otorettadasanne xalateththan haasayadasa; tanikka hessa siyadis.

ዛሬ ማጻፋ 32:27

Gido attiin istta morkketi, ‹Nuni nu wolqqan istta xoonidos attiin Xoos gidenna› giidi otoreteththan ceeqettidi tana hanqeththanaakko gaada qoppays.

ዛሬ ማጻፋ 32:6

«Intteno eeyatoo! Qasseka wozinay bayndaytoo! Intte GODAAS immiza zaaroy hayssee? Inttena medhdhida intte aaway iza gidennee? Inttena medhdhidi hayssas gaththiday iza gidennee?

ዮሃኒሳ ኣጁታ 16:19

Wogga katamaya heedzdzu keza shaaketta wodhdhadus; ayzaabeta katamati laalettida Xoossi wogga katamayo Baabiloone zaari qoppides; mino hanqo xuu7an kumi attida woyne cajje ushshu uyana mala ooththides.