ዬ ማጻፋ 72:10 - Geeshsha Maxaafa

¹⁰ Tarseese kawotinne harurota kawoti izas giira ehana. Saabanne Saaba kawoti izas kushe genththo ehana.

ጋሞ ማጻፋ

¹⁰ ታርሴሴ ካዎቲኔ ሃሩሮታ ካዎቲ ኢዛስ ጊራ ኤሃና። ሳባኔ ሳባ ካዎቲ ኢዛስ ኩሼ ጌን ኤሃና።

ዬ ማጻፋ 72:10 ပူးပေါင်းရင်းမြစ်များ

ሜቴ ማጻፋ 10:7

Kuushe attuma nayti Seeba, Hawila, Saabite, Eraa7imenne Sabiteka. Eraa7ime attuma nayti Saabanne Dadaane.

1ካዎታ ማጻፋ 10:1

Saaba kawoya GODAY Solomoones immida aadho erateththaa siyada deexo oyshata ekkada iza paaccanaas yadus.

1ካዎታ ማጻፋ 10:10

Histtada kawoya 4,000 kilo giraame deexxiza worqqaa, keehi daro shittonne al7o shuch kawozas immadus. Saaba kawoya Kawo Solomoones immidayssa keena daro shitto hessafe simmiin oonikka ehibeenna.

1ካዎታ ማጻፋ 10:2

Gita azhaban shitto, keehi daro worqqanne al7o shuchchaa daro gaamellatan caanada Yerusalaame gakkidaappe guye Solomoonekko gelada ba wozinan diza oysha ubbaa shiishshadus.

1ካዎታ ማጻፋ 10:25

Layththan layththan izakko yiza asi ubbay birappenne worqqafe oosettida miish, may7o, ola miish, shitto, paratanne baqulota izas imota ekki yees.

2ታሪኬ ማጻፋ 9:21

Kawozas Huraame asati laggiza zal7e markabeti deettes; he markabeti worqqa, bira, danggarsa zaale, qaaretanne geleshshota caani ekkidi heedzdzu layththafe issito Tarseese simmeettes.

ኣስቴሪ ማጻፋ 10:1

Kawo Arxekisisi ba haariza dere ubbaa bolla biidi abba lanqe gakkanaas dizayta bolla giira yeggides.

ዬ ማጻፋ 45:12

Xiroose asay izis imota ekki yaana; dureti nena aadashana.

ዬ ማጻፋ 68:29

Yerusalaamen diza ne Keeththa gishshas kawoti imota nees ekki yaana.

ዬ ማጻፋ 68:30

Maqqa giddon diza do7ata neni seera. Booratanne marata wude misatiza kawota neni laalla; istti gulbatidi bantta bira nees giirana mala ooththa; olettanaas yeemottiza asata laalla.

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኢሳያሳ ቲንቢቴ 42:4

Izi biitta bolla suure pirda ehana gakkanaas daaburenna; hidotakka qanxxenna; haruroti iza wogan ammanettana» gees.

ኢሳያሳ ቲንቢቴ 43:3

Gaasoykka tani GODAA ne Xoossay, Isra7eele Geeshshay nees dhale; Ta ne gishshas Gibxe wozzo immana; Tophphiyanne Seeba ne gishshas aaththa immana.

ኢሳያሳ ቲንቢቴ 43:6

Tani pudeha bagga, ‹Hamma› dugeha baggaka, ‹Yedda› gaana; ta attuma nayta haahoppe, ta macca naytakka biitta gaxappe,

ኢሳያሳ ቲንቢቴ 49:7

Kadhettidayssassinne kawoteththan ixettidayssas, dere haarizayta ashkara gidida nees, GODAY, Isra7eele ashshiza Geeshshay, «Kawoti nena be7idi dendi eqqana; kawo nayti nena be7idi nees ziggana; gaasoykka nena doorida GODAY, Isra7eele Geeshshay ammanettidaade» gees.

ኢሳያሳ ቲንቢቴ 60:3

Kawoteththati ne poo7okko, kawotikka ne wontta xalqqeko yaana.

ኢሳያሳ ቲንቢቴ 60:6

Gaamella marati, Midiyaameppenne Eefappe yida gaamella marati ne biittaa kammana. Worqqanne exaane ekkidi Saabappe yizayti GODAA galata awajjana.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

Maatosa 2:11

Keeththe gelidi guuththa naaza iza aayo Maaramira demmidinne gulbatidi izas goynnida; ba saaxine saaxine doydi worqqa, exaanenne karbbe geetettiza miish izas immida.