ዬ ማጻፋ 71:19 - Geeshsha Maxaafa

¹⁹ Abeet Xoossawu! Ne xilloteththay salo gakkides; Abeet Xoossawu! Neni gita miish ooththadasa; nena misatizay oonikka deenna.

ጋሞ ማጻፋ

¹⁹ ኣቤት ጾሳዉ! ኔ ጺሎቴይ ሳሎ ጋኪዴስ፤ ኣቤት ጾሳዉ! ኔኒ ጊታ ሚሽ ኦዳሳ፤ ኔና ሚሳቲዛይ ኦኒካ ዴና።

ዬ ማጻፋ 71:19 ပူးပေါင်းရင်းမြစ်များ

ዬ ማጻፋ 35:10

Ta kumeththa asateththay nena, «Abeet GODAWU! Qohettidayta qohizayta kusheppe ashshizay, hiyeesatanne metotanchchata bonqqizayta kusheppe naagizay hara ne malay oonee?» gaana.

ዬ ማጻፋ 57:10

Ne mernaa siiqoy pude salo gakkides; ne tumateththayka salo shaara gakkides.

ኢሳያሳ ቲንቢቴ 55:9

Saloti sa7appe dhoqqida mala, ta ogey intte ogeppe, ta qofaykka intte qofappe dhoqqees.

ኤርማሳ ቲንቢቴ 10:7

Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ኢሳያሳ ቲንቢቴ 40:25

Geeshshazi isttas, «Tana oonara giniseetii? Tanara ginattizay oonee?» gees.

ኢሳያሳ ቲንቢቴ 40:18

Histtiin intte Xoossaa oonara giniseetii? Ay mislera gaththi giniseetii?

ዬ ማጻፋ 86:8

Abeet Godawu! Ne malay xoossata giddon baawa; ne oosora ginattiza oosoykka deenna.

ዬ ማጻፋ 72:18

Malalisiza miish barkka ooththiza GODAY, Xoossay, Isra7eele Xoossay galatetto.

ኢዮቤ ማጻፋ 5:9

Izi qooday baynda malalisiza miish, pilggiin gakettontta gita miish ooththees.

ኬሳ ማጻፋ 15:11

«Abeet GODAWU! Eeqa xoossata giddon ne malay oonee? Geeshshateththan bonchchettizay, bonchchon babisizaynne, malalisiza miish ooththizay ne malay oonee?

ኢሳያሳ ቲንቢቴ 5:16

Gido attiin Ubbaafe Wolqqama GODAY, suure pirdan dhoqqu dhoqqu gaana; geeshsha Xoossay ba geeshshateththaa ba xilloteththan bessana.

ሌሚሶ ማጻፋ 15:24

Duge duufon woththiza oge bontta mala de7o ogey aadho eranchcha pude kaaleththawus.

ዬ ማጻፋ 139:6

Ne erateththay tana keehippe malalisees; tani akeekanaas dandayzayssafekka dhoqqees.

ሌሚሶ ማጻፋ 24:7

Eeya asi aadho erateththafe keehi haahon dees; duulata sinththan eqqidi haasayana dandayenna.

ዛሬ ማጻፋ 3:24

«Ubbaafe dhoqqa GODAWU! Ne gitateththaanne ne mino qeseza taas ne ayllezas beso doommadasa; neni ooththiza gitanne wolqqama oosota ooththiza hara GODAY Salonkka Sa7ankka deenna.

ዬ ማጻፋ 36:7

Abeet Xoossawu! Ne mernaa siiqoy ay keena al7o! Asay ne qefe giddon geemmi attees.