ዬ ማጻፋ 68:2 - Geeshsha Maxaafa

² Cuway carkon laalettiza mala neni istta laalla; muqaadday taman seeriza mala, iitati Xoossa sinththafe seeri dhayetto.

ጋሞ ማጻፋ

² ጩዋይ ጫርኮን ላሌቲዛ ማላ ኔኒ ኢስታ ላላ፤ ሙቃዳይ ታማን ሴሪዛ ማላ፥ ኢታቲ ጾሳ ሲንፌ ሴሪ ዬቶ።

ዬ ማጻፋ 68:2 ပူးပေါင်းရင်းမြစ်များ

2ሳሜላ ማጻፋ 10:13

Hessafe guye Iyo7aabeynne izara diza ola asay Aaraame asaa olanaas gede sinth hordofides; Aaraame asay istta sinththafe baqatides.

2ሳሜላ ማጻፋ 10:18

Gido attiin istti Isra7eele sinththafe baqatida; Dawiti isttafe 700 para-gaare asatanne 40,000 tohon biza olanchchata wodhides. Hessaththo istti ola asaa azaziza Soobakekka caddi madunththida gishshas izi heen hayqqides.

ዬ ማጻፋ 22:14

Tani haaththa mala goggadis; ta meqeththati someppe someppe kolettida. Ta wozinay muqaadda mala ta giddon seerides.

ዬ ማጻፋ 37:20

Iita asati gidikko hayqqana; GODAA morkketi bazzo ciishsha mala qokkana; cuwa malakka coo dhayana.

ዬ ማጻፋ 76:7

Abeet Xoossawu! Neni yashshaasa! Ne hanqoy suullida wode ne sinththan oonee eqqanay?

ዬ ማጻፋ 80:16

Morkketi ne woyne qeexidi taman xuuggida; hessa gishshas neni istta ne hanqoza suulen dhayssa.

ዬ ማጻፋ 97:5

GODAA sinththan, sa7a ubbaa Godaa sinththan zumati muqaadda mala seerida.

ኢሳያሳ ቲንቢቴ 33:3

Ne cenggurssay dada mala guummiza wode derey baqatees; neni denda eqqiza wode kawoteththati laaletteettes.

ኢሳያሳ ቲንቢቴ 64:2

Qayxare tamay haath penttisiza mala, ne morkketa matan ne sunththi erettana mala wodhdha; kawoteththatakka ne sinththan kokkorssa.

ኢሳያሳ ቲንቢቴ 9:18

Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኤርማሳ ቲንቢቴ 46:15

Wolqqama gidida Aphphise geetettiza eeqa xoossay ays kundidee? GODAY iza sugi yeggida gishshas eqqana dandaybeenna.

ሆሴኤ ቲንቢቴ 13:3

Hessa gaason istti wontta maalado shaara mala coo tim7i gaana; maalado xaaza malakka coo wodhdhi dhayana; woykko bangga bukkiza baleppe gote carkoy efiza suulla mala gidana; woykko keeththafe kezidi beettishe coo dhayza cuwa mala gidana.

ሚኪያሳ ቲንቢቴ 1:4

Muqaadday tama be7idi seeriza malanne haaththi aafora duge goggiza mala he wode zumati iza toho garsan seerana; shoobbatikka phalqetti wodhdhana.

ታይቦ ማጻፋ 10:35

Caaqo Qaalaa Taabotay baana dendishin dendishin Musey, «GODAWU! Nekka denda; ne morkketi laalettetto; nena ixxizayti wurikka ne sinththafe kichchetto!» gees.