ዬ ማጻፋ 66:2 - Geeshsha Maxaafa

² «Xoossa sunththi bonchchetto!» giidi yexxite; bonchcho galata izas immite.

ጋሞ ማጻፋ

² «ጾሳ ሱን ቦንቼቶ!» ጊዲ ዬጺቴ፤ ቦንቾ ጋላታ ኢዛስ ኢሚቴ።

ዬ ማጻፋ 66:2 ပူးပေါင်းရင်းမြစ်များ

ናሂሚያ ማጻፋ 9:5

Iyaaso, Qadim7eele, Baane, Hashabinaye, Sherebiya, Hoddiya, Shebaaniyanne Pattaya geetettiza Lewe bagga asati, «Intte dendi eqqidi mernaa GODAA intte Xoossaa galatite; galatappenne anjjofe dhoqqu dhoqqu gida bonchchettida Xoossa sunththa sabbite» gida.

ዬ ማጻፋ 106:2

GODAY ooththida wolqqama ooso yootanaas, woykko iza galata ubbaa qonccisanaas dandayzay oonee?

ዬ ማጻፋ 107:15

Mernaa iza siiqozassinne izi asas ooththida malalisiza miishshatas istti GODAA galatetto.

ዬ ማጻፋ 107:22

Istti izas galata yarsho yarshetto; qasseka ufayssa yeththan izi ooththida ooso qonccisetto.

ዬ ማጻፋ 68:33

Beniisoppe doommidi diza salotappe bollara bizayssas yexxite; izi ba wolqqama cenggurssa guunththan yootishin ezgi siyite.

ዬ ማጻፋ 72:18

Malalisiza miish barkka ooththiza GODAY, Xoossay, Isra7eele Xoossay galatetto.

ዬ ማጻፋ 79:9

Abeet nuna ashshiza Xoossawu! Ne sunththa bonchcho gishshas nuna maadda; ne sunththa gishshas nuna ashsha; nu nagarakka atto ga.

ኢሳያሳ ቲንቢቴ 42:12

Istti bonchcho GODAAS immetto; iza galataykka harurotan awajjetto.

ኢሳያሳ ቲንቢቴ 49:13

Salotoo intte, ilili giite; biittayee neni ufayetta. Intteno Zumatoo ufayssan yexxite; gaasoykka GODAY ba deraa minththeththees; metotanchchatas qadhettees.

ኢሳያሳ ቲንቢቴ 6:3

Issoy issaara, «Geeshshawu, geeshshawu, geeshshawu Ubbaafe Wolqqama GODAA Xoossawu! Sa7a ubbay iza bonchchon kumides» gida.

ዮሃኒሳ ኣጁታ 5:13

Salonkka sa7a bollaka, biittafe garsankka, abba giddon diza medheteththa ubbaan, «Algaa bolla uttidayssassinne dorsaas galataynne dhoqqateththi, bonchchoynne wolqqay mernaappe mernaa gakkanaas izas gido!» gishin ta siyadis.