ዬ ማጻፋ 61:4 - Geeshsha Maxaafa

⁴ Tani ne Dunkaanezan mernaas daana; ne qefe giddon kametta attana.

ጋሞ ማጻፋ

⁴ ታኒ ኔ ዱንካኔዛን ሜርናስ ዳና፤ ኔ ቄፌ ጊዶን ካሜታ ኣታና።

ዬ ማጻፋ 61:4 ပူးပေါင်းရင်းမြစ်များ

ዬ ማጻፋ 15:1

Abeet GODAWU! Ne Dunkaanezan gam7anay oonee? Ne geeshsha zumaa bolla nenara de7anay oonee?

ዬ ማጻፋ 17:8

Ne ayfe ciro mala tana naaga; ne qefeta giddon tana qotta.

ዬ ማጻፋ 23:6

Ne kiyateththinne ne maaroteththay ta de7o layththa ubbaan tana kaallana; tani GODAA keeththan mernaas daana.

ዬ ማጻፋ 27:4

Tani GODAA issi miish oychchays; hessika tani ta de7o layth ubbaan GODAA keeththan de7anaassa; tani GODAA bonchcho lo7oteththa be7anaassa; iza Keeththankka iza koyashe de7anaassa.

ዬ ማጻፋ 57:1

Abeet Xoossawu! Ne taas qadhetta; tana maara; ta shemppoya nenan zemppadus; bashshay aadhdhana gakkanaas tani ne qefeta garsan qotettana.

ዬ ማጻፋ 61:7

Izi Xoossa sinththan mernaas kawoto; ne mernaa siiqoninne ne tumateththan iza naaga.

ዬ ማጻፋ 62:7

Taas atoteththinne bonchchoy beettiday Xoossafe; izi ta qotetta attizasonne taas mino zaalla.

ዬ ማጻፋ 63:7

Neni tana maaddiza gishshas tani ne qefe kuwan uttada ufayssan yexxays.

ዬ ማጻፋ 90:1

Godawu! Neni nuus yeletappe yeleta gakkanaas shiiqi attizaso gidadasa.

ዬ ማጻፋ 91:1

Ubbaafe Dhoqqa GODAAN zemppi de7izay, ubbaa dandayza Xoossa kuwan aqees.

ዬ ማጻፋ 91:4

Izi ba wangotan nena kammana; iza qefeta garsan neni qotetta attana; iza ammaneteththay nees gondallenne zemppo gidana.

ዬ ማጻፋ 92:13

Istti GODAA keeththan tokettida; istti Xoossa Keeththa zago gakkanaas daayana.

ሌሚሶ ማጻፋ 18:10

GODAA sunththi mino gimbe mala; xillo asi hee woxxidi iitappe attees.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

Ibirawe 6:18

Xoossi ay wodekka wordotanaas dandayenna; izi laamettontta nam7u miishshatan nu sinththan diza hidotaa oykkanaas izakko shiiqida nuni gita minoteth demmana mala ooththides.

ዮሃኒሳ ኣጁታ 3:12

Xoonidaade tani ta Godaa Xoossaa Keeththan tuus ooththana; izi heeppe mulekka kezenna. Ta Godaa sunththinne ta Godaa katamaza sunththika ta iza bolla xaafana. Hanna katamaya saloppe ta Godaa achchafe wodhdhana ooraththa Yerusalaame; tanikka ta ooraththa sunththaa izaade bolla xaafana.

ኡሩቲ ማጻፋ 2:12

Neni ooththidayssa kushe GODAY nees zaaro. Neni iza qefe garsan attanaas yida GODAA Isra7eele Xoossay nees dakko immo» gides.