ዬ ማጻፋ 6:4 - Geeshsha Maxaafa

⁴ Abeet GODAWU! Neni simmada tana ashsha; ne maaroteththa daron tana kessa ekka.

ጋሞ ማጻፋ

⁴ ኣቤት ጎዳዉ! ኔኒ ሲማዳ ታና ኣሻ፤ ኔ ማሮቴ ዳሮን ታና ኬሳ ኤካ።

ዬ ማጻፋ 6:4 ပူးပေါင်းရင်းမြစ်များ

ዬ ማጻፋ 116:4

He wode tani, «Abeet GODAWU! Hadara! Tana ashsha» gaada GODAA sunth xeygadis.

ዬ ማጻፋ 116:8

GODAY tana hayqoppe, ta ayfe afunththafe, ta tohokka dhupheppe ashshides.

ዬ ማጻፋ 120:2

Abeet GODAWU! Wordotiza metershatappenne cimmiza inxarsatappe tana ashsha.

ዬ ማጻፋ 121:7

GODAY iita ubbaafe nena naagana; ne shemppo heemmana.

ዬ ማጻፋ 13:2

Awude gakkanaas tani ta qofara baaxetanee? Awude gakkanaas ta wozinay ceecishe daanee? Ta morkketi ta bolla awude gakkanaas goobanee?

ዬ ማጻፋ 17:13

Abeet GODAWU! Denda. Ta morkketara eqettada istta shoca; ne mashshan iitatappe tana ashsha.

ዬ ማጻፋ 22:20

Tana mashshafe ashsha; ta shemppoyo wolqqama kanatappe ashsha.

ዬ ማጻፋ 25:7

Ta yelagateththa nagaranne mooro hassa7oppa; Abeet GODAWU! Ne gita kiyateththa malanne ne lo7eteththa keena tana qoppa;

ዬ ማጻፋ 69:13

Abeet GODAWU! Tani gidikko nena woossays. Abeet Xoossawu! Ne doorida wode ta woosa siya; ne mernaa siiqon ne ashshiza ashoza tana bessa.

ዬ ማጻፋ 74:10

Abeet Xoossawu! Ne morkketi awude gakkanawu ne bolla qilccanee? Istti ne sunththa mernaas kadhishe daanee?

ዬ ማጻፋ 79:5

Abeet GODAWU! Hayssi awude gakkanaas hananee? Neni mernaas hanqettanee? Ne qanaatey tama mala eexxishe de7anee?

ዬ ማጻፋ 80:14

Abeet Ubbaafe Wolqqama Xoossawu! Neni nuukko simma; salora duge xeellada nuna be7a; hanno woyne miththayo naaga.

ዬ ማጻፋ 86:13

Ays giikko ne tana bessida mernaa siiqoy keehi gita; neni ta shemppoyo duufoppe ashshadasa.

ዬ ማጻፋ 90:13

Abeet GODAWU! Ne hanqoy awude gakkana gam7anee? Simma! Ne aylletas qadhetta!

ኢሳያሳ ቲንቢቴ 38:17

Hekko ta meton ceecidayssi taas go7as gidides. Neni ta shemppo bashsha ollafe ne siiqon naagadasa; neni ta nagara ubbaa neeppe guye zaarada oladasa.

ዳኔላ ቲንቢቴ 9:18

Abeet Xoossawu! Ne hayththaa taakko zaarada ta woosaa siya; ne ayfe doy7ada nu dhayzayssanne ne sunththi xeygettida katamayo be7a; Nuni nena woossizay ne gita maaroteththaan ammanettidi attiin nu xilloteththan ceeqettidi gidenna.

ሚልካሳ ቲንቢቴ 3:7

«Intte kase intte aawata wodeppe doommidi ta azazotappe haakkideta; isttaka naagibeekketa; haa taakko simmite tanikka intteko simmana; Intte gidikko, ‹Nuni neekko waani simminoo?› geeta» gees Ubbaafe Wolqqama GODAA Xoossay.

ኤፌሶኔ ኣሳስ 1:6

Hessika ba dosizaade baggara coo mela nuus imettida bonchcho kiyateththi galatettana malassa.