ዬ ማጻፋ 5:10 - Geeshsha Maxaafa

¹⁰ Abeet Xoossoo! Istta bolla neni pirda; istta geney istta ekki bo. Istta nagaray daro; hessa gishshas neni istta goodda digga; ays giikko istti ne bolla geellattida.

ጋሞ ማጻፋ

¹⁰ ኣቤት ጾሶ! ኢስታ ቦላ ኔኒ ፒርዳ፤ ኢስታ ጌኔይ ኢስታ ኤኪ ቦ። ኢስታ ናጋራይ ዳሮ፤ ሄሳ ጊሻስ ኔኒ ኢስታ ጎዳ ዲጋ፤ ኣይስ ጊኮ ኢስቲ ኔ ቦላ ጌላቲዳ።

ዬ ማጻፋ 5:10 ပူးပေါင်းရင်းမြစ်များ

2ሳሜላ ማጻፋ 15:31

He wode, «Seeraa giddon Abeseloomera dizay Akxofeele» gi Dawites yootida; hessa gishshas Dawiti, «Abeet GODAWU! Akxofeele zoreza hada histtarkkii» gi woossides.

2ሳሜላ ማጻፋ 17:14

Abeseloomeynne Isra7eele asay kumeth, «Akxofeele zoreppe Arkke dere as Hushe zorey lo7ees» gida; GODAY Abeseloome bolla bash ehanaas lo7o gidida Akxofeele zorey ekettontta mala ooththides.

2ሳሜላ ማጻፋ 17:23

Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

2ታሪኬ ማጻፋ 25:16

Nabezi yooto bolla dishin kawozi, «Neni kawo zorana mala nuni nena dooridonii? Co7u giikkii! Hayqqana koyay?» gides. Histtiin nabezi co7u gi ekkidi, «Neni hayssa ooththida gishshassinne tani nena zoridayssa ne siyontta gishshas Xoossi nena dhayssana qachchidayssa tani erays» gides.

ኣስቴሪ ማጻፋ 7:10

Hessa gishshas Mardikiyoosa kaqqana giidi giigsida koca bolla efidi Haama kaqqida; hessafe guye kawoza hanqoy irxxides.

ዬ ማጻፋ 10:15

Gene asata wolqqa menththa; iita asata wolqqaka liiqisa; istti nam7anththo iita ooththontta mala istta ooso mala istta qaxxaya.

ዬ ማጻፋ 107:11

Gaasoykka istti Xoossa qaala bolla makkallidanne Ubbaafe Dhoqqa Xoossa zore kadhida.

ዬ ማጻፋ 17:13

Abeet GODAWU! Denda. Ta morkketara eqettada istta shoca; ne mashshan iitatappe tana ashsha.

ዬ ማጻፋ 31:18

Xilloza bolla otoron, kadheninne xalateththan haasayza gishshas wordanchchata doona duudisa.

ዬ ማጻፋ 35:26

Ta waayen ufayettizayti ubbay yeellatettonne kawuyetto; ta bollan otorettizayti yeellanne kawushshateth may7etto.

ዬ ማጻፋ 55:15

Iitateththi istta wozina giddon diza gishshas ta morkketa bolla qoppontta hayqoy gakko; shemppora paxa dishe moogettetto!

ዬ ማጻፋ 66:7

Izi ba wolqqan mernaas haarees. Kawoteththata ubbaaka ba ayfen xeellees; hessa gishshas makkallizayti iza bolla dhoqqu dhoqqu gooppetto.

ዬ ማጻፋ 71:13

Tana mootizayti yeellatidi dhayetto. Tana qohanawu koyzayti yeellanne kawushshateth may7etto.

ዬ ማጻፋ 79:12

Abeet Godawu! Nu shooroti nena qidhidayssa halo laappun kushe isttas zaara.

ኢሳያሳ ቲንቢቴ 1:2

GODAY, «Salotoo siyite! biittayee nekka ezga siya! Tani nayta yelada dichcha gaththiin istti ta bolla makkallida.

ኢሳያሳ ቲንቢቴ 1:20

Intte taas akkay gi makkalliko mashshay inttena maana; hayssa yootiday tana GODAA» gides.

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

ኤርማሳ ዚላስ 1:5

Izi nagaray daro gidida gaason GODAY izi bolla meto yeggides; izi morkketi izo haarida; izi naytikka morkketan di7ettida; izi morkketas duussi lo7ides.

ዳኔላ ቲንቢቴ 9:5

Nuni gidikko nagara ooththidos; nena qohidos; iita miish ooththidos; makkallidos; ne azazotappenne ne wogappe kare kezidos.

ዳኔላ ቲንቢቴ 9:9

Abeet GODAA nu Xoossawu! Nuni ne bolla makkallikokka neni maarizanne atto giza Xoossa.

ሆሴኤ ቲንቢቴ 9:7

Qaxxayana wodey gakkides; Pirda gallassika gakkides; hessa Isra7eele asay ero. Intte ooththida nagaray daro gidida gishshassinne intte morkketeththi gita gidida gishshas nabey eeya mala, Xoossa Ayanay iza bolla shempidaadey gooshsha mala qoodettides.

1ቆሮንቶሴ ኣሳስ 3:19

Hayssa ha dereza erateththi Xoossa achchan eeyateththa; kase Geeshsha Maxaafan, «Izi eranchchata istta gene ooso gaason zaaridi oykkana» geetetti xaafettides.

ዛሬ ማጻፋ 2:30

Kawo Sihooney qasse nuni iza derera aadhdhi baana mala koyibeenna; gaasoykka GODAA intte Xoossay hach intte be7izayssa mala iza intte kushen aaththi immanaas iza wozina muumisidi otoranchcha kessides.

1ሳሜላ ማጻፋ 25:29

Ay asikka ne shemppo dhayssanaas gooddikokka ta godaa shemppoy de7on dizayta issifeteththaa giddon GODAA ne Xoossaa matan saron naagettana. Gido attiin ne morkketa shemppo shuch yanbarshan caddiza mala caddana.

1ሳሜላ ማጻፋ 25:39

Dawitikka Naabaaley hayqqidayssa siyida wode, «Naabaaley tana cayida gishshas taas halo kessidaynne tana ba aylleza iita ooththontta mala naagida GODAY galatetto; Naabaaley ooththida iita miish iza hu7en zaarides» gides. Hessafe guye Dawiti Abigaala iza machcho gidana mala oysha as kiittides.