ዬ ማጻፋ 40:6 - Geeshsha Maxaafa

⁶ Neni yarshonne muxuwaata koyabeekka; xuuggiza yarshonne nagara yarshoka neni saamottabeekka; gido attiin siyana mala taas hayththata doyadasa.

ጋሞ ማጻፋ

⁶ ኔኒ ያርሾኔ ሙጹዋታ ኮያቤካ፤ ጹጊዛ ያርሾኔ ናጋራ ያርሾካ ኔኒ ሳሞታቤካ፤ ጊዶ ኣቲን ሲያና ማላ ታስ ሃይታ ዶያዳሳ።

ዬ ማጻፋ 40:6 ပူးပေါင်းရင်းမြစ်များ

ኢዮቤ ማጻፋ 33:16

He wode asi iza qaala siyana mala hayththa doyees; izi ba immiza seerankka daganththees.

ኢዮቤ ማጻፋ 5:9

Izi qooday baynda malalisiza miish, pilggiin gakettontta gita miish ooththees.

ዬ ማጻፋ 139:17

Abeet Xoossawu! Ne taas qoppiza qofay ay mala lo7oo! Izikka ay keena coraa!

ዬ ማጻፋ 139:18

Tani iza qoodikko aceppeka daro; ta ichcha beeggiza wode ha7ikka nenara de7ays.

ዬ ማጻፋ 50:8

Ne yarsho gishshassinne neni ubbato shiishshiza xuugettiza yarsho gishshas tani nena borikke.

ዬ ማጻፋ 51:16

Neni yarshon ufayettizaakko ta nees yarsho shiishshana; ne gidikko yarshon ufayettaka; xuugettiza yarsho yarshikokka neni ufayettaka.

ዬ ማጻፋ 71:15

Tani ay likke haasayanaakko erontta aggikokka gallas kumeth ta doonay ne xilloteththa gishshassinne ne atoteththa gishshas haasayees;

ኬሳ ማጻፋ 21:6

iza goday iza pirdiza asa sinth aaththo; hessafe guye keeththa penge woykko penge qosilaththaako iza efidi iza hayth goonththan lukko. Histtiko izi ba de7o layth ubbaan izas aylle gidana.

ኢሳያሳ ቲንቢቴ 1:11

«Intte yarsho daroy taas ay ooththanee? Hanno gakkanaas intte taas shiishshida xuugetti shiiqiza dharsho ashonne modhdho meheta asho kalladis; tani boora suuththan, dorsa suuththaninne deysha suuththan ufayettike.

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኢሳያሳ ቲንቢቴ 66:3

«Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ሆሴኤ ቲንቢቴ 6:6

Tani yarshofe aaththada maaroteth dosays. Xuugettiza yarshofe aaththada Xoos ero dosays.

ኣሞጼ ቲንቢቴ 5:22

Taman xuugettiza yarshonne kaththa yarsho intte taas shiishshikokka ta hessa inttefe ekkike; dhiikettida intte mehetappe intte taas issifeteththa yarshos shiishshiko ta iza ayfenka xeellike.

Maatosa 12:7

‹Tani yarsho gidontta maaroteth dosays› giza qaalay ay guussako intte erizaakko xillota bolla pirdeketakkoshin.

Maatosa 9:13

Hessa gishshas, ‹Intte biidi yarsho gidontta maaroteth dosays› giza qaalaa birsheth tamaarte. Nagaranchchata xeygana yadis attiin xillota xeyganaas yabeekke» gides.

1ሳሜላ ማጻፋ 15:22

Sameeli, «GODAA qaalas azazettiin iza ufayssizayssa mala GODAY xuugettiza kaththa yarshoninne hara yarshon ufayetti erizee? Hekko azazeteththi yarshofe, ezgi sissi dharsho handafe aadhdhees.