ዬ ማጻፋ 4:3 - Geeshsha Maxaafa

³ GODAY xillo asata baas shaakki dumma woththidayssa intte erite; hessa gishshas tani GODAA xeygiza wode izi taas siyees.

ጋሞ ማጻፋ

³ ጎዳይ ጺሎ ኣሳታ ባስ ሻኪ ዱማ ዎዳይሳ ኢንቴ ኤሪቴ፤ ሄሳ ጊሻስ ታኒ ጎዳ ጼይጊዛ ዎዴ ኢዚ ታስ ሲዬስ።

ዬ ማጻፋ 4:3 ပူးပေါင်းရင်းမြစ်များ

ዬ ማጻፋ 31:23

Intteno Xoossa asatoo! GODAA siiqite. GODAY izan ammanettizayta naagees; gido attiin otoranchchatas isttas bessiza qixaate immees.

ዬ ማጻፋ 34:15

GODAA ayfey xillotakko xeellees; qasse iza hayththi istta woosa ezgees.

ዬ ማጻፋ 49:3

Ta wozina qofay akeeka immees; Ta doonay aadho erateththa qaala haasayees;

ዬ ማጻፋ 50:5

«Tanara yarshon caaqettida geeshshata taakko shiishshite» gees.

ዬ ማጻፋ 56:9

Tani nena xeygiza wode ta morkketi guye simmeettes; Xoossi tanara dizayssa tani hessan erays.

ዬ ማጻፋ 6:8

GODAY tani yeekkiza yeeho siyida gishshas, intteno iita ooththiza ubbatoo! Taappe haakkite.

ዬ ማጻፋ 62:10

Bonqqan ammanettofte; kaysi shiishshida dureteththan hidota ooththofte. Inttes dureteththi darikkoka intte wozina iza bolla woththofte.

ኬሳ ማጻፋ 33:16

Neni nunara bontta ixxiko tananinne ne asaan neni sabettidayssa asay wuri wostti eranee? Biitta bolla diza hara asa ubbaafe tananne ne asaa dummasizay hara miishshi aazee?» gides.

ዮሃኒሳ ሚሺራቾ 15:16

Ta inttena dooradis attiin intte tana dooribeekketa; intte biidi daro ayfe ayfana mala intte ayfey eqqi daana mala ta inttena woththadis; hessa gishshas intte ta sunththan woossidayssa ubbaa ta Aaway inttes immana.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

2ጺምቶሳስ 2:19

Gido attiin, «Goday baas gidizayta erees.» Qasseka, «Godaa sunth xeygizay wuri iitappe haakko» giza maatamey iza bolla diza laamettontta Xoossaa yochchay laamettibeenna.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

2ጴጽሮሳ ኪታ 2:9

Histtiin hessi wurikka hessa mala gidikko Goday baas goynnishe diza asata paaceppe ashshanayssanne nagaranchchatakka wostti qaxxayanaakkonne pirda gallassas wostti istta naagidi gaththanaakko hessa izi erees guussa.