ዬ ማጻፋ 3:3 - Geeshsha Maxaafa

³ Gido attiin GODAWU! Neni ta yuushon gondalle. Tana bonchchisizaynne minththeththizay nena.

ጋሞ ማጻፋ

³ ጊዶ ኣቲን ጎዳዉ! ኔኒ ታ ዩሾን ጎንዳሌ። ታና ቦንቺሲዛይኔ ሚንዛይ ኔና።

ዬ ማጻፋ 3:3 ပူးပေါင်းရင်းမြစ်များ

ሜቴ ማጻፋ 15:1

Hessafe guye GODAA qaalay ajjuutan Abraamekko yiidi, «Abraame, babbofa! Tani nees gondalle; ne anjjoy keehi gita» gides.

ሜቴ ማጻፋ 40:13

Heedzdzu gallassata giddon kawoy nena denththidi izi nena kase ne diza alaafeteththan woththana; kase neni ushshu duuqqiza wode ooththida mala neni kawo wancaa iza kushen woththana.

2ካዎታ ማጻፋ 18:30

Qasseka Hizqiyaasi isttas, ‹GODAY nuna ashshanayssas sidhey deenna; hanna katamaya Asoore kawos aadhdha imettuku› giidi intte GODAAN ammanettana mala izi inttes yootidayssa ammani ekkofte.

2ካዎታ ማጻፋ 18:32

Hessika hananay tani inttena gede intte biittayo misatiza soho kaththinne woyne ushshi, daabboynne woyne atakiltey, wogara miththinne eessi dizasota inttena gelththana gakkanaassa; intte hayqo aggidi de7o doorite› gees. Hizqiyaasi nuna GODAY ashshana giidi inttena baleththiza gishshas intte izi gizayssa siyopite.

2ካዎታ ማጻፋ 25:27

Yuhuda kawo Iyo7aakiney di7ettida heedzdzu tammanne laappunththa layththan tammanne nam7anththo aginan nam7u tammanne laappunththa gallas Yori-Marodeeqey Baabiloonen kawotida layth Iyo7aakine qashoppe birshi yeddides.

ዬ ማጻፋ 110:7

Kawozi oge lanqen diza haaththa pulttofe uyidi, izi ba hu7e dhoqqu dhoqqu histtana.

ዬ ማጻፋ 119:114

Neni taas gondallenne baqata attizaso; tani ne qaala hidota ooththays.

ዬ ማጻፋ 18:2

GODAY taas zaalla; tani olappe naagettiza miixa; izi tana ashshizayssa; ta Xoossay tani izan geemetta attiza wogga zaalla. Izi taas gondalle; izi tana ashshiza kace; taas izi mino zemppo.

ዬ ማጻፋ 27:6

He wode tana dooddida ta morkketappe bollara dhoqqu dhoqqu gaana; tani iza Dunkaaneza sinththan ufayssa yarsho yarshana; tani GODAAS diixxananne yexxana.

ዬ ማጻፋ 28:7

GODAY taas wolqqanne gondalle; ta wozinay izan ammaneettes; hessan tani maadettadis; hessa gishshas ta wozinay izan ufayettees; tani iza yeththan sabbana.

ዬ ማጻፋ 4:3

GODAY xillo asata baas shaakki dumma woththidayssa intte erite; hessa gishshas tani GODAA xeygiza wode izi taas siyees.

ዬ ማጻፋ 62:7

Taas atoteththinne bonchchoy beettiday Xoossafe; izi ta qotetta attizasonne taas mino zaalla.

ዬ ማጻፋ 84:11

GODAY nuus arshenne gondalle; izi ayoteththaninne bonchchon nuna naagees; Suureteththan hemettizayta izi lo7o miish diggenna.

ኢሳያሳ ቲንቢቴ 45:25

Gido attiin Isra7eele zereth ubbay GODAAN xillana; bonchchoka demmana.

ኢሳያሳ ቲንቢቴ 60:19

«Hessafe guye gallas awa poo7oy nees koshshenna; omarsika aginay poo7enna; gaasoykka GODAY nees mernaa poo7o gidana; ne Xoossay nees bonchcho gidana.

ሉቃሳ ሚሺራቾ 2:32

Hayssika ubba deres geemettidayssa qonccisiza poo7o; ne dere Isra7eelesikka bonchcho» gides.

ዛሬ ማጻፋ 33:29

Isra7eele asawu! Intte ay mala anjjettida deree! GODAY ashshida intte malay oonee? Izi inttes gondallenne inttena maaddizayssa; izan intte xooniza giththa mashsha; intte morkketi intte sinththan gufannana; intteka istti goynnizasota laallana.

ዮሃኒሳ ኣጁታ 21:11

Izakka Xoossa bonchchon poo7isawus; izi poo7oza lo7eteththi qasse keehi bonchchettiza shuchcha malanne birille mala geeshshinne Iyasphide geetettiza inqqu mala.

ዮሃኒሳ ኣጁታ 21:23

Xoossa bonchchoy izis poo7iza gishshassinne Dorsazi izi poo7o gidida gishshas he katamays arshey woykko aginay poo7isanaas koshshenna.