7 Abeet GODAWU! Tani nena xeygiza wode neni taas koya; taas qadhetta; tana siya.
7 ኣቤት ጎዳዉ! ታኒ ኔና ጼይጊዛ ዎዴ ኔኒ ታስ ኮያ፤ ታስ ቃታ፤ ታና ሲያ።
Tani Xoossa hizgana; ta bolla nees lancey diikko taas qonccisa attiin ta bolla pirdofa!
Ta GODAWU! Haa taakko xeellada taas zaaro imma; ta ayfe poo7isada, hayqoppe tana ashsha.
Ta yeeho yeththan laammadasa. Kayo may7oza taappe qaarada ufayssa may7o tana mayzadasa.
Ta shemppoya waayen daaburadus; ta layththayka ceecen wurides. Meto daron ta wolqqay cingides; ta meqeththatikka giddon seerida.
Abeet ta xillo Xoossawu! Tani xeygiza wode ne taas koya. Tani un7ettida wode, neni tana shempisadasa; taas qadhettada ta woosa siya.
Ta kawozo Xoossoo! Ta nena woossiza gishshas tana maadda gaada ta waassiza waaso ne siya.