4 Neni de7o izas immana mala nena woossides; nekka izas de7onne adussa layth immadasa.
4 ኔኒ ዴኦ ኢዛስ ኢማና ማላ ኔና ዎሲዴስ፤ ኔካ ኢዛስ ዴኦኔ ኣዱሳ ላይ ኢማዳሳ።
Istta suuththaa acoy mernaas Iyo7aabe bollanne iza zereththa bolla gido; gido attiin Dawite bollanne iza keeththaa asaa bolla, iza zereththata bollanne iza kawoteththa araata bolla mernaas GODAA saroy gido» gides.
Gido attiin Kawo Solomooney anjjettana; Dawite kawoteththa araataykka GODAA sinththan mernaas minni daana» gides.
Yoodaheykka kawo naaza izi dizasohoppe kessidi iza hu7en kallachcha goxxides; caaqo qaala maxaafaakka izas immides; iza tiydi kawoththidayssa awajjides; hessafe guye derezi, «Kawoy 1,000 layth kawoto» guussan ba kushe baqqidi ba ufayssaa dhoqqa qaalan waassi erisides.
Tani nena galatana mala tana shemppora paxa woththa; ne wogay taas maado gido.
Ne wogay tana ufayssiza gishshas tani shemppora paxa de7ana mala taas qadhetta.
Ta GODAWU! Haa taakko xeellada taas zaaro imma; ta ayfe poo7isada, hayqoppe tana ashsha.
Qasseka Hermoone zumatappe duge Xiyoone Zumbullata bolla xokkiza xaaza mala; GODAY hessan anjjonne de7o mernaas azazides.
Kawoza sunththi mernaas minni de7o; arshey de7iza keena xeygettishe gam7o. Kawoteth ubbay iza baggara anjjetto; dere ubbay iza, «Ne anjjettidaade» gi anjjo.
Tani iza zareta mernaas minththa essana; iza kawoteththa araataakka salo mala mernaas minththa tokkana.
Tani iza layththaa adussana; ta ashshizaade gididayssa ta iza bessana» gees.
Izi GODAA keeththa keexxana; izi kawo mala bonchcho may7ana; ba kawoteththaa araatan uttidi haarana; qasseka izi ba araatan uttidi qeeseteththan ooththana; he nam7atikka saroteththaninne sigan ooththana» gees ga yoota.
Tani paxa days. Kase hayqqadiskoshin hekko tani hayssafe mernaas paxa daana; hayqo bollanne Si7oole bolla tani Godaa.