ዬ ማጻፋ 20:1 - Geeshsha Maxaafa

¹ Neni metotida wode GODAY ne woosa siyo; Yaaqoobe Xoossa sunththi nena minththi esso.

ጋሞ ማጻፋ

¹ ኔኒ ሜቶቲዳ ዎዴ ጎዳይ ኔ ዎሳ ሲዮ፤ ያቆቤ ጾሳ ሱን ኔና ሚን ኤሶ።

ዬ ማጻፋ 20:1 ပူးပေါင်းရင်းမြစ်များ

ሌሚሶ ማጻፋ 18:10

GODAA sunththi mino gimbe mala; xillo asi hee woxxidi iitappe attees.

ዬ ማጻፋ 138:7

Tani meto giddon diikkoka neni tana naagaasa; ta morkketa hanqo bolla ne qese denththaasa; ne ushachcha kushen tana ashshaasa.

Ibirawe 5:7

Yesusi hayssa biittaa bolla diza wode iza hayqoppe ashshana dandayzayssako afunxxishe qaala dhoqqu histti woossides. Addafe ashketeththara izi azazettida gishshas iza woosaakka Xoossi siyides.

ዬ ማጻፋ 46:11

Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

ኢሳያሳ ቲንቢቴ 50:10

Intte giddofe GODAAS yayyizay, iza ayllaa qaalas azazettizay oonee? Hessaadey dhuman bizaa gidikkonne poo7oy izas baynda aggiko izi GODAA sunththan ammanetto; ba Xoossankka zemppo.

ዬ ማጻፋ 83:18

Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.

ዬ ማጻፋ 46:1

Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

ኤርማሳ ቲንቢቴ 30:7

He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ዬ ማጻፋ 60:11

Asappe gidida maadoy hada; hessa gishshas nu morkketa bolla nuus xoono imma.

ዬ ማጻፋ 114:2

Yuhuda asay Xoossas geeshsha as gidides; Isra7eele asaykka izas haarettides.

ዬ ማጻፋ 50:5

«Tanara yarshon caaqettida geeshshata taakko shiishshite» gees.

ዬ ማጻፋ 46:7

Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

ዬ ማጻፋ 18:2

GODAY taas zaalla; tani olappe naagettiza miixa; izi tana ashshizayssa; ta Xoossay tani izan geemetta attiza wogga zaalla. Izi taas gondalle; izi tana ashshiza kace; taas izi mino zemppo.

ዬ ማጻፋ 9:10

Ne sunththa erizayti nenan ammanetteettes; ays giikko GODAWU! Neni nena koyzayta yegga aggabeekka.

ዬ ማጻፋ 41:1

Hiyeesas qoppiza asi anjjettidayssa; meto gallas GODAY iza ashshees.