ዬ ማጻፋ 19:9 - Geeshsha Maxaafa

⁹ GODAAS yashshi geeshshateththa; izi mernaas eqqidi de7ana. GODAA pirday mulera tumanne xillo.

ጋሞ ማጻፋ

⁹ ጎዳስ ያሺ ጌሻቴ፤ ኢዚ ሜርናስ ኤቂዲ ዴኣና። ጎዳ ፒርዳይ ሙሌራ ቱማኔ ጺሎ።

ዬ ማጻፋ 19:9 ပူးပေါင်းရင်းမြစ်များ

ሜቴ ማጻፋ 22:12

«Naaza bolla ne kushe woththofa; iza aykkoka ooththofa; neni ne mexi issi naazakka tana diggontta gishshas neni Xoossas yayyiza as gididayssa tani ha7i eradis» gides.

ሜቴ ማጻፋ 42:18

Heedzdzanththo gallassan Yooseefey isttas, «Tani Xoossas babbiza asa; intte issi miish ooththiko intte shemppo ashsheeta.

1ካዎታ ማጻፋ 18:12

Tani neeppe shaaketta biza wode GODAA Ayanay nena denththidi awa efanaakko ta erikke; tani Akaabes yootidaappe guye izi nena demmontta aggiko tana wodhana; tani ne ashkaray naateththafe doommada GODAAS yayyiza asa.

ናሂሚያ ማጻፋ 5:15

Qasseka taappe kase dere ayssizayti ubbay deraa bolla gita tooho gididi gallas gallas mizaazinne uyizaazi izappe attiin bollarakka oyddu tammu saqile bira cigissida; haray attoshin istta aylletikka deraa bolla keehi godatidi waayisida; gido attiin tani Xoossas yayyiza gishshas hessaththo ooththabeekke.

ዬ ማጻፋ 10:5

Ubbaa miishshi izas kumees; ne wogay izas gelenna; otoranchchay ne wogappe haakkees; hessa gishshas ba morkketa bollan izi qilccees.

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

ዬ ማጻፋ 115:13

GODAAS yayyizayta ubbaa guuth gidiin gita izi anjjana.

ዬ ማጻፋ 119:1

Bantta ogen borey bayndaytinne GODAA wogga mala hemettizayti anjjettidayta.

ዬ ማጻፋ 119:106

Ne xillo woga naaganaas tani caaqqida caaqoza minththana.

ዬ ማጻፋ 119:111

Ne immida wogay taas mernaas laata; ta wozinay izan ufayettees.

ዬ ማጻፋ 119:142

Ne xilloteththay mernaas dees; ne wogaykka tuma.

ዬ ማጻፋ 119:39

Ne pirday suure gidida gishshas tani yayyiza kawushshateththafe tana naaga.

ዬ ማጻፋ 119:62

Ne xillo woga gishshas ta nena galatanaas giddoth dendays.

ዬ ማጻፋ 119:7

Ne xillo pirda tani tamaarda keena suure wozinappe nena galatana.

ዬ ማጻፋ 119:75

Abeet GODAWU! Ne pirday xillo gididayssanne neni tana qaxxayday ammaneteththan gididayssa tani erays.

ዬ ማጻፋ 12:7

Abeet GODAWU! Neni nuna saroteththan naaga; ha woden diza iita yeletappe mernaas ne nuna ashsha.

ዬ ማጻፋ 147:19

Izi ba qaala Yaaqoobe zereththas ba maaraanne wogaa Isra7eele asaas qonccisees.

ዬ ማጻፋ 36:1

Iita asi ba wozinan gene qoppees; iza giddon Xoossas yashshateththi deenna.

ዬ ማጻፋ 36:6

Abeet GODAWU! Ne xilloteththay ubbaafe dhoqqa zumata mala; ne pirdayka ubbaafe ziqqa ciimma mala; neni asaakka do7aakka iitappe naagaasa.

ኬሳ ማጻፋ 21:1

«Neni Isra7eele naytas immana wogay hayssa.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ኢሳያሳ ቲንቢቴ 45:19

Ta dhuma biittan geeman yootabeekke; Yaaqoobe zereththatas, «Tana coo hada koyite» gabeekke. Tani GODAY tuma haasayays; suure yo7o awajjays.

ሃዋሬታ ኦሶ 10:22

Isttika izas, «Nuni mato halaqa Qornoloosa matappe yidos; izikka Xoossas babbiza xillo asanne Ayhuda asa ubbaa matan daro bonchchettida asa; nekka iza soo baana malanne ne gizayssa izi siyana mala geeshsha kiitanchchay izas yootides» gida.

ኦሮሜ ኣሳስ 11:22

Hessa gishshas Xoossa kiyateththinne iza menxe iitateththaa ane xeella; iza menxe iitateththi kundidayta bolla; iza kiyateththi qasse intte iza qadheteththa garsan diza wode gakkanaas xalala; hessi baynda aggiko intteka qanxxettana.

ኦሮሜ ኣሳስ 2:2

Hayta malaata ooththiza asata bolla Xoossa pirday likke gididayssa nu eroos.

ዛሬ ማጻፋ 4:8

Tani hach intte sinththan woththiza ha azazoza mala suurenne likke gidida wogaynne maaray diza hara ay gita kawoteththi dizee?

ዮሃኒሳ ኣጁታ 15:3

Xoossa oosanchcha Muse yeththinne dorsaza mazamure, «Ubbaa Dandayza Godaa Xoossoo! Ne oosoy gitanne malalisizaaza; dere kawozoo! Ne ogey likkenne tuma.

ዮሃኒሳ ኣጁታ 16:7

Yarsho yarshizasozappe, «Ee wursa dandayza Godaa Xoossoo! Ne pirdati wurikka tumanne likke» giza qaala siyadis.

ዮሃኒሳ ኣጁታ 19:2

Iza pirday tumanne adda; iza biittaa ba laymateththan tunisida wogga gita laymayo izi ba pirdan qaxxaydes; izo qaxxaydi ba oosanchchata suuththaa halo kessides» gishin ta siyadis.

1ሳሜላ ማጻፋ 12:24

Intte gidikko GODAAS yayyite; kumeththa wozinappe ammaneteththan izas goynnite; izi inttes ooththida gita yo7ota balopite.