ዬ ማጻፋ 16:7 - Geeshsha Maxaafa

⁷ Tana zoriza GODAA galatays; omars ta wozinay tana tamaarssees.

ጋሞ ማጻፋ

⁷ ታና ዞሪዛ ጎዳ ጋላታይስ፤ ኦማርስ ታ ዎዚናይ ታና ታማርሴስ።

ዬ ማጻፋ 16:7 ပူးပေါင်းရင်းမြစ်များ

ዬ ማጻፋ 119:148

Ne qaala yuushsha qoppashe omars kumeth ayfe qiphontta utta aqays.

ዬ ማጻፋ 119:55

Abeet GODAWU! Tani giddoth ne sunththaa qoppays; ne wogaakka naagays.

ዬ ማጻፋ 119:7

Ne xillo pirda tani tamaarda keena suure wozinappe nena galatana.

ዬ ማጻፋ 17:3

Neni qamman tana xomosadasa; ta wozina paaccadasa; ne paaccidaa gidikkoka ta bolla aykkoka demmabeekka. Ta inxarsay iita haasaybeenna.

ዬ ማጻፋ 22:2

Abeet ta Xoossawu! Gallas kumeth ta neekko waassishin ne siyabeekka; qamma ubbaankka neekko waasoppe shempabeekke.

ዬ ማጻፋ 42:8

GODAY ba mernaa siiqo gallas taas kiittees. Tanikka omars izas galata mazamure shiishshays; hessika ta de7o Xoossas shiishshiza woosa.

ዬ ማጻፋ 63:6

Tani ta hiixan dashe nena hassa7ays; omarsa kumeth ne ooso yuushsha qoppays;

ዬ ማጻፋ 73:21

Tani yiillotida wodenne ta wozinaykka madunxida wode,

ዬ ማጻፋ 73:24

Ne zoren tana kaaleththadasa; hessafe guye neni tana bonchchos efana.

ዬ ማጻፋ 77:2

Tani metotida gallas Xoossa koyays; omarsika shempontta ta kusheta izakko miccays; gidikkoka tani minettanaas dandayabeekke.

ዬ ማጻፋ 77:6

Ta yexxidayssa giddoth yuushsha qoppadis; tani wozinan akeekadis; ta ayanay tana denththeththiin,

ሌሚሶ ማጻፋ 8:14

Zoreynne lo7o pirday tayta; taas akeekaynne wolqqay dees.

ኢሳያሳ ቲንቢቴ 26:9

Ta shemppoya omarsi nena laamotawus; ta ayanay maalado nena koyawus; ne pirday biitta bolla yida wode sa7an de7iza asay xilloteth tamaarees.

ኢሳያሳ ቲንቢቴ 48:17

GODAY nena Wozzida Isra7eele Geeshshay, «Tani GODAA ne Xoossay, nena go7izaaz tamaarsizayssa, baanaas bessizaa ogera nena kaaleththizay tana.

ኢሳያሳ ቲንቢቴ 50:4

Ubbaa Haariza GODAY taas inxarsa erateth immides; hessa gishshas daaburanchchatas ta ay gaana bessizaakko ta erays; maalado maalado tana beegoththees; tamaarshe diza tamaare mala siyanaas ta hayth doyees.

ኤርማሳ ቲንቢቴ 12:2

Neni istta tokkadasa; histtiin xapho yeddida; diccidi ayfe ayfida. Istti nena doonappe yeggettenna; neni gidikko istta wozinappe haakon daasa.

ኤርማሳ ቲንቢቴ 17:10

Tani GODAY as ubbaas iza oge malanne iza ooso mala immanaas asaa wozina pilggayssinne iza kaha paaccays» gees.

ሉቃሳ ሚሺራቾ 6:12

He gallassatappe issi gallas Yesusi woossanaas zuma bolla kezidi omars kumeth Xoossaa woossishe aqides.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.