ዬ ማጻፋ 146:9 - Geeshsha Maxaafa

⁹ GODAY bete asata naagees. Am7etanne yi7o nayta maaddees; gido attiin iitata oge dhayssees.

ጋሞ ማጻፋ

⁹ ጎዳይ ቤቴ ኣሳታ ናጌስ። ኣምኤታኔ ዪኦ ናይታ ማዴስ፤ ጊዶ ኣቲን ኢታታ ኦጌ ይሴስ።

ዬ ማጻፋ 146:9 ပူးပေါင်းရင်းမြစ်များ

2ሳሜላ ማጻፋ 15:31

He wode, «Seeraa giddon Abeseloomera dizay Akxofeele» gi Dawites yootida; hessa gishshas Dawiti, «Abeet GODAWU! Akxofeele zoreza hada histtarkkii» gi woossides.

2ሳሜላ ማጻፋ 17:23

Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

ኣስቴሪ ማጻፋ 5:14

Iza machcheya Zosaaraynne iza laggeti ubbay, «Neni 50 wadha adussa koca esisa; histtada wonto wonttara Mardikiyoosi he kocaa bolla kaqettana mala kawozas yoota. Hessafe guye ufayettashe kawozara issife gibiraaso baandasa» gida. He qofazi Haama keehi ufayssiin kaqqanaasozakka giigsides.

ኣስቴሪ ማጻፋ 7:10

Hessa gishshas Mardikiyoosa kaqqana giidi giigsida koca bolla efidi Haama kaqqida; hessafe guye kawoza hanqoy irxxides.

ኣስቴሪ ማጻፋ 9:25

He maqqoy kawoza matan erettidaappe guye Haamay Ayhudata bolla maqettida iita maqqoy wuri guye simmidi iza bolla polettana mala izinne iza nayti miththa bolla kaqettana mala xuufen azazides.

ዬ ማጻፋ 10:14

Gido attiin Xoossoo! Neni metozanne waayezakka beyaasa; neni ubba wode maaddanaas giiga uttadasa; neni yi7ota maaddaasa; maadoy bayndaytikka bana nees sheedhdheettes.

ዬ ማጻፋ 145:20

GODAY bana siiqizayta ubbaa naagees; gido attiin iitata ubbaa dhayssana.

ዬ ማጻፋ 147:6

GODAY kadhettidayta bonchchees; gido attiin iitata kawushshees.

ዬ ማጻፋ 18:26

Geeshshataskka neni geeshsha; gido attiin geellatas neni geella.

ዬ ማጻፋ 68:5

Xoossi ba geeshshasohon dishe aaway bayndaytas aawa; qasse am7etaska pirdiza daanna.

ሌሚሶ ማጻፋ 15:25

GODAY otoranchchata keeththa laallees; gido attiin am7ey zawa naagees.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ኤርማሳ ቲንቢቴ 49:11

«Yelida aayanne aaway baynda ne garsan diza nayta ne aggaaga; ta istta dichchana; am7etikka tanan ammanettetto» gees.

ሆሴኤ ቲንቢቴ 14:3

Asoorey nuna ashshenna; nuni ola paratankka ammanettoko; hayssafe guye nuni nu kushen medhdhida eeqa xoossata, ‹Hayti nu xoossata› gookko. Manqoti neeppe qadheteth demmeettes» giite.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

1ቆሮንቶሴ ኣሳስ 3:19

Hayssa ha dereza erateththi Xoossa achchan eeyateththa; kase Geeshsha Maxaafan, «Izi eranchchata istta gene ooso gaason zaaridi oykkana» geetetti xaafettides.

ዛሬ ማጻፋ 16:11

Hessan intte intte attuma naytaranne intte macca naytara, intte attuma aylletaranne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay GODAA intte Xoossi ba sunththi xeygettana mala dooridason ufayettite.

ያቆቤ ኪታ 1:27

Xoossaa Aawaa sinththan iitateththi baynda lo7o ammanoy aayanne aaway hayqqida nayta, istta azinati hayqqida maccassata metotettishin maadonne hayssa alameza tunateththaafe bana naago.