11 Abeet GODAWU! Ne sunththa gishshas tana ashsha; ne xilloteththan tana metoppe kessa.
11 ኣቤት ጎዳዉ! ኔ ሱን ጊሻስ ታና ኣሻ፤ ኔ ጺሎቴን ታና ሜቶፔ ኬሳ።
Abeet GODAWU! Ta keeha metotadis; Neni gida qaala mala tana shemppora paxa woththa.
Ta shemppoy kezana hanees; neni gida qaala mala tana ashsha.
Paththontta miish xeellontta mala ta ayfeta naaga; ne qaala mala ta de7o ooraxissa.
Tani ne woga naaganawu amottays; neni xilloteththan ta de7o ooraxissa.
Ne mernaa siiqon ta de7o ooraxissa; tanikka ne azazota naagana.
Tani meto giddon diikkoka neni tana naagaasa; ta morkketa hanqo bolla ne qese denththaasa; ne ushachcha kushen tana ashshaasa.
Abeet GODAWU! Ta woosa siya; ta shoobbizayssa ezga; neni xillonne ammanettizayssa gidida gishshas taas zaaro imma.
Abeet GODAWU! Ta nagaray keehi daro; gidikkoka ne sunththa gishshas atto ga.
Taas metoy darides; ta metozappe tana neni kessa.
Abeet GODAWU! Ne taas kuwa gidana mala ta neekko yadis; aydekka tana yeellasoppa; ne xilloteththan tana ashsha.
Xillo as gakkiza metoy daro; gido attiin GODAY iza he ubbaafe ashshees.
Ne xilloteththan tana kessa ekka; ne hayththa taakko yeggada tana ashsha.
Ne asay nenan ufayettana mala, ne nuna ooraxissikii!
Abeet GODAWU! Ta ne goobateththa gishshas siyadis. GODAWU ne oosoykka tana yashissides; neni ne ooso nu woden ooraththa; ne oosoti nu wodenkka erettana mala ooththarkkii! Hanqo wodekka maaroteth qopparkkii!