ዬ ማጻፋ 11:1 - Geeshsha Maxaafa

¹ GODAY tani baqata attizaso; histtiin intte tana ays, «Neni kafo mala pude zuma bolla baqata» geetii?

ጋሞ ማጻፋ

¹ ጎዳይ ታኒ ባቃታ ኣቲዛሶ፤ ሂስቲን ኢንቴ ታና ኣይስ፥ «ኔኒ ካፎ ማላ ፑዴ ዙማ ቦላ ባቃታ» ጌቲ?

ዬ ማጻፋ 11:1 ပူးပေါင်းရင်းမြစ်များ

2ታሪኬ ማጻፋ 14:11

Hessafe guye Aasi GODAA ba Xoossaa, «Abeet GODAWU! Wolqqay baynda olanchchati wolqqama olanchchata xoonana mala maaddizay neeppe attiin haray baawa! Abeet GODAWU nu Xoossawu! Nuni nenan ammanettidi ha cora olanchchatara ne sunththan olettanaas yida gishshas nuna maadda. Abeet GODAWU! Neni nu Xoossaa; nena asi xoonenna» giidi woossides.

2ታሪኬ ማጻፋ 16:8

Tophphiya asatinne Liibiya asati, cora para-gaaretinne parati de7iza daro olanchchata gidettennee? Gido attiin neni GODAAN ammanettida gishshas GODAY istta ne kushen aaththi immides.

ናሂሚያ ማጻፋ 6:11

Gido attiin tani, «Ta mala asi baqati qotetti erizee? Ta mala asi ba shemppo ashshana giidi Xoossa keeth geli qotettana bessizee? Hayssaththo ubbaaka ta hanikke!» ga zaaradis.

ዬ ማጻፋ 16:1

Abeet GODAWU! Ta baqata attizasoy nena; ne ki7on tana qotta.

ዬ ማጻፋ 25:2

Abeet ta Xoossawu! Tani nenan ammanettays; tana yeellasoppa; ta morkketikka ta bolla ceeqettofetto.

ዬ ማጻፋ 31:14

Gido attiin GODAWU! Tani nenan ammanettada, «Neni ta Xoossa» gays.

ዬ ማጻፋ 56:11

tani he Xoossan ammanettiza gishshas babbike; asi tana ay ooththanee?

ዬ ማጻፋ 7:1

Abeet GODAWU! Ta Xoossawu neni taas qotettizaso; tana gooddiza ubbaafe neni tana ashsha.

ዬ ማጻፋ 7:2

Neni tana ashshontta aggiko, istti tana gaammo mala menththereththidi, ooninne ashshonttason puuzereththana.

ዬ ማጻፋ 9:10

Ne sunththa erizayti nenan ammanetteettes; ays giikko GODAWU! Neni nena koyzayta yegga aggabeekka.

ሌሚሶ ማጻፋ 6:5

Shankkanchchatappe genessi kessi ekki attiza mala, yarden oykettontta attida kafo mala nena ashsha.

ኤርማሳ ቲንቢቴ 48:14

«Intte, ‹Nuni mino olanchchata› gaanaas waani dandaydetii?

ሉቃሳ ሚሺራቾ 13:31

He wode Farsaawetappe issi issi asi yiidi, «Herdoosi nena wodhanaas koyza gishshas hayssafe denda kichcha» gida.

1ሳሜላ ማጻፋ 19:11

Sa7ooli Dawite keeth yuuyi aadhdhidi iza wodhana asata kiittides; Dawite machcha Milkoola gidikko, «Neni ne shemppo ashshanaas baqatontta aggiko wonto hayqqaasa» gaada minththa yootadus.

1ሳሜላ ማጻፋ 20:38

Izikka, «Elela! Woxxa! Eqqofa!» gi waassi yootides; naazikka yiishshata shiishshidi ba godaakko simmides.

1ሳሜላ ማጻፋ 22:3

Dawiti heeppe dendidi Mo7aabe deren diza Mixiphpha bides; Mo7aabe kawos, «Xoossi taas ooththanayssa ta erana gakkanaas ta aawaynne ta aaya haa yiidi ne achchan daana mala piqaade immarkkii!» gides.

1ሳሜላ ማጻፋ 23:14

Dawiti bazzon diza miixataninne Ziife bazzon zumbullata bolla de7ides; Sa7ooli iza ubbaa gallas kaalettees; gido attiin Xoossi Dawite izas aaththi immibeenna.

1ሳሜላ ማጻፋ 27:1

Dawiti gidikko ba wozinara, «Ha gallassatappe issi gallas Sa7oole kushen hayqoy taas attontta gishshas Filisxeeme dere baqatay tana ashshana; hessafe guye Sa7ooli tana Isra7eele garsafe gooddizayssa aggaagana; tanikka iza kusheppe kessa ekkana» gi qoppides.