ዬ ማጻፋ 106:3 - Geeshsha Maxaafa

³ Pirday geellattontta mala naagizaytinne ubba wode xillo ooththizayti anjjettidayta.

ጋሞ ማጻፋ

³ ፒርዳይ ጌላቶንታ ማላ ናጊዛይቲኔ ኡባ ዎዴ ጺሎ ኦዛይቲ ኣንጄቲዳይታ።

ዬ ማጻፋ 106:3 ပူးပေါင်းရင်းမြစ်များ

ዬ ማጻፋ 119:106

Ne xillo woga naaganaas tani caaqqida caaqoza minththana.

ዬ ማጻፋ 119:112

Ta hayqqana gakkanaas ne immida azazo polanaas qaala geladis.

ዬ ማጻፋ 119:20

Ta shemppoya ubba wode ne maara demmanaas keeha laamotadus.

ዬ ማጻፋ 119:44

Tani meri mernaaskka ne wogaas ubba wode azazettana.

ዬ ማጻፋ 15:2

Suure de7o de7izay, xillo ooththizay, ba wozinappe tuma haasayzay,

ዬ ማጻፋ 25:7

Ta yelagateththa nagaranne mooro hassa7oppa; Abeet GODAWU! Ne gita kiyateththa malanne ne lo7eteththa keena tana qoppa;

ኢሳያሳ ቲንቢቴ 64:5

Suure miish ufayssan ooththizaytanne ne oge qoppizayta neni maaddaasa; gido attiin nuni istta bolla pacey baynda nagara ooththida gishshas hekko neni nu bolla hanqettadasa; histtiin nuni waani attana dandayzonii?

ማርቆሳ ሚሺራቾ 3:35

Xoossa shene ooththizay wuri izi ta isha, ta michchonne ta aayo» gides.

ሉቃሳ ሚሺራቾ 11:28

Gido attiin izi, «Anjjettidayti Xoossa qaala siyidi azazettizayta» gides.

ሉቃሳ ሚሺራቾ 11:42

«Intteno Farsaawetoo! Inttes aayye ana! Aanugappenne xalotappe qasseka dumma dumma kaththafe tammaafe issino kesseeta; gido attiin tumu pirdanne Xoos dosanayssa aggi aadhdheeta; gidikkoka intte aggi aadhdhanaas bessenna; hankkoyssa aggontta intte ooththana bessizaytikka hayta.

ዮሃኒሳ ሚሺራቾ 13:17

Intte hayssa eridi ooson peyshshiko intte anjjettidayta.

ዮሃኒሳ ሚሺራቾ 15:14

Ta inttena azazizayssa ubbaa intte polikko intte ta laggeta.

ሃዋሬታ ኦሶ 24:16

Hessa gishshas Xoossa sinththaninne asa sinththan sidhey baynda hanoy taas daana mala ubba wode minnays.

ኦሮሜ ኣሳስ 2:7

Lo7o ooso aggontta ooththidi bonchcho sabanne mernaa de7o koyzaytas mernaa de7o immana.

ጋላቲያ ኣሳስ 6:9

Ane nu lo7o ooso ooththanaas azalloko; nu ufays qanxxontta aggiko wodey gakkishin gakkida kath nu maxana.

ዛሬ ማጻፋ 11:1

Hessa gishshas GODAA intte Xoossaa siiqite; izi inttefe koyza iza wogaa, maaraanne azazota ubba wode polite.

ዛሬ ማጻፋ 5:19

« ‹Kaysotoppa;

ያቆቤ ኪታ 1:25

Gido attiin bana geeshshiza lo7o wogaa xeelli be7idi izan minnizaadey ba siyidayssa ooththizaadeynne balonttaadey izi ba ooson anjjettidaade gidana.

ዮሃኒሳ ኣጁታ 22:14

He de7o miththa ayfe maanaassinne he katamayo izi pengera gelanaas bessizayti ba may7o meeccidayti anjjettidayta.

ዮሃኒሳ ኣጁታ 7:15

Hessa gishshas Xoossa algaa sinththan de7idi qammanne gallas iza keeththan izas ooththeettes; algaa bolla uttidayssi ba bonchchora beettidi isttas kuwaso gidana.