ዬ ማጻፋ 103:5 - Geeshsha Maxaafa

⁵ Golle kafoththo neni ooraxana mala izi ne amo ubbaa lo7o miishshan kunththana.

ጋሞ ማጻፋ

⁵ ጎሌ ካፎ ኔኒ ኦራጻና ማላ ኢዚ ኔ ኣሞ ኡባ ሎኦ ሚሻን ኩንና።

ዬ ማጻፋ 103:5 ပူးပေါင်းရင်းမြစ်များ

ኢሳያሳ ቲንቢቴ 40:31

Gido attiin GODAA hidota ooththizayti bantta wolqqa ooraxisseettes; istti golle mala piradhdhana; istti daaburontta woxxana; istti baana; argacettenna.

ዬ ማጻፋ 107:9

Ays giikko izi saamettidayta ushshi alisees; gafidaytakka lo7o miishshan kalssees.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

2ቆሮንቶሴ ኣሳስ 4:16

Hessa gishshas nu hidota qanxxoko; nuus kare bagga asateththay dhayi dhayi biikkoka nuus gaaththa bagga asateththay gallas gallas ooraxi ooraxi bees.

ዬ ማጻፋ 63:5

Asi lo7o kath mi kallidi ufayettiza mala ta shemppoya nenan ufayettana; tani ta inxarsan ufayssa yeththan nena galatana.

ዬ ማጻፋ 104:28

Neni isttas immida wode istti shiishsheettes; neni ne kusheppe yeggiin istti lo7o miish kalleettes.

ዬ ማጻፋ 23:5

Ta morkketa sinththan taas maadda giigsadasa; ta hu7e zayten tiyadasa; ta ushshi kunththa palahissadasa.

ዬ ማጻፋ 65:4

Neni dooridaadeynne nenara daana mala ne dubbushaakko shiishsha ekkidaadey anjjettidaade; ne geeshshasozappenne ne dunkaane anjjozappe nu kallana.

ሆሴኤ ቲንቢቴ 2:15

Kase izi woyne atakilteza ta izis zaarana; meto shoobba ta izis hidota penge histtana; heen iza Gibxeppe kezida gallas naateththan dashe yexxida mala yexxana.

ኢያሶ ማጻፋ 14:11

Gidikkoka ha7i taas diza minoteththay beni Musey tana kiittiza wode diza minoteththaa mala. Taas ha7ikka olettana baanaas beni wolqqaynne minoteththi dees.

ኢዮቤ ማጻፋ 33:25

hessa gishshas iza asateththay, qeeri naa asho mala zaari ooraxana; izas yelagateththa wode mala qasseka hanana.