ዬ ማጻፋ 103:3 - Geeshsha Maxaafa

³ Izi ne nagara ubbaa atto gees; izi ne harge ubbaafe nena paththees.

ጋሞ ማጻፋ

³ ኢዚ ኔ ናጋራ ኡባ ኣቶ ጌስ፤ ኢዚ ኔ ሃርጌ ኡባፌ ኔና ፓስ።

ዬ ማጻፋ 103:3 ပူးပေါင်းရင်းမြစ်များ

2ሳሜላ ማጻፋ 12:13

Hessafe guye Dawiti Naataanes, «Tani GODAA keeha qohadis» gides; Naataaney izas zaaridi, «GODAY ne nagara wursida gishshas ne hayqqaka;

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 130:8

Izi Isra7eele asaa istta nagara ubbaafe ashshana.

ዬ ማጻፋ 147:3

Wozinay meqqidayta izi koolees; istta madunththaaka izi paththees.

ዬ ማጻፋ 30:2

Abeet ta GODAWU! Neni tana maaddana mala ta neekko waassadis; nekka tana paththadasa.

ዬ ማጻፋ 41:8

«Iza iita hargey oykkides; izi he ichchidasoppe mulekka dendenna» geettes.

ዬ ማጻፋ 86:5

Abeet Godawu! Neni nuus kiyanne atto gizaade; nena woossiza ubbaas ne mernaa siiqo bessaasa.

ኬሳ ማጻፋ 15:26

Izi isttas, «GODAA intte Xoossay yootizayssa intte lo7eththi siyikko, iza ayfe sinththan lo7o ooththiko, intte iza azazo wozinan woththi naagikko, iza wogaakka ubbaa naagikko, tani Gibxe asaa bolla ehida hargefe issaaka intte bolla ehikke; gaasoykka tani inttena paththiza GODAA» gides.

ኬሳ ማጻፋ 34:7

Tani ta mernaa siiqoza shii yelet gakkanaas naagays; iitateth, makkallanne nagara atto gays. Gidikkoka moorizaade qaxxayontta aggike; aawata nagara gishshas naytanne nayta nayta, heedzdzanththo yeletanne oydanththo yeleta gakkanaas qaxxayays» gi awajjishe aadhdhides.

ኢሳያሳ ቲንቢቴ 33:24

Xiyoonen dishe, «Ta sakettadis» gaana asi deenna; heen de7iza asata nagaray atto geetettana.

ኢሳያሳ ቲንቢቴ 38:17

Hekko ta meton ceecidayssi taas go7as gidides. Neni ta shemppo bashsha ollafe ne siiqon naagadasa; neni ta nagara ubbaa neeppe guye zaarada oladasa.

ኢሳያሳ ቲንቢቴ 43:25

«Ta gishshas gaada ne qohoza dhayssizay tani tana; ne nagaraa ta qoppike.

ኢሳያሳ ቲንቢቴ 53:5

Gido attiin izi nu mooro gishshas cadettides; nu qoho gishshas liiqides; iza bolla wodhdhida qixaatey nuus saro ehides; iza madunththan nu paxidos.

ኤርማሳ ቲንቢቴ 17:14

Abeet GODAWU! Tana paththa; tanikka paxana; tana ashsha; tanikka attana; gaasoykka ta galatay nena.

ታይቦ ማጻፋ 12:13

Hessa gishshas Musey, «Xoossawu! Izo paththarkkii!» giidi pude GODAAKKO waassides.

ማርቆሳ ሚሺራቾ 2:5

Yesusi asata ammano be7idi tohoy silida addeza, «Ta naazoo! Ne nagaray atto geetettides» gides.

ኤፌሶኔ ኣሳስ 1:7

Xoossa aadho kiyateththa dureteththaafe dendoyssan Yesusa suuththan wozzettidi nagarappe nu maarettidos.

ያቆቤ ኪታ 5:15

Ammanon woossida woosay hargidaade paththana; Godaykka iza denththana; izi nagara ooththidaade gidikkoka Xoossi iza maarana.