ዬ ማጻፋ 101:3 - Geeshsha Maxaafa

³ Tani ta ayfera iita miish xeellike; Xoossafe kare kezida asata ooso ixxays; tani isttara mulekka zuppetikke.

ጋሞ ማጻፋ

³ ታኒ ታ ኣይፌራ ኢታ ሚሽ ጼሊኬ፤ ጾሳፌ ካሬ ኬዚዳ ኣሳታ ኦሶ ኢጻይስ፤ ታኒ ኢስታራ ሙሌካ ዙፔቲኬ።

ዬ ማጻፋ 101:3 ပူးပေါင်းရင်းမြစ်များ

ኢዮቤ ማጻፋ 31:1

«Lo7o maccassako xeellada amottontta mala; tani ta ayfetara caaqo geladis.

ዬ ማጻፋ 119:113

Tani wozina ballata ixxays; gido attiin ne woga siiqays.

ዬ ማጻፋ 119:37

Paththontta miish xeellontta mala ta ayfeta naaga; ne qaala mala ta de7o ooraxissa.

ዬ ማጻፋ 125:5

Gido attiin kase ba geella oge simmizayta neni iita ooththizaytara issife gaththa qaxxaya; Isra7eeles saroy gido!

ዬ ማጻፋ 139:22

Ta istta mulera ixxays; istta tani ta morkketa mala qoodays.

ዬ ማጻፋ 14:3

Gido attiin ubbayka ogeppe kare ke7ida; ubbayka mulera go7onttaaz gidida; lo7o ooththizay ooninne deenna; haray atto issaadeyka deenna.

ዬ ማጻፋ 36:3

Iza doonappe ke7iza haasayay genenne wordo; aadho erateththinne lo7o ooso mulekka aggides.

ዬ ማጻፋ 39:1

Tani, «Inxarsan nagara ooththontta mala tani ta oge naagana; iita asati ta sinththan diza wode ta doona gordana» gadis.

ዬ ማጻፋ 40:4

GODAAN ammanettizay, otoranchchatakko simmonttay, wordanchchatakko xeellonttay anjjettidaade.

ዬ ማጻፋ 41:9

Haray attiin tani ammanettiza ta siiqo laggey, tanara issi maaddafe miday ta bolla toho denththides.

ዬ ማጻፋ 78:41

Istti zaari zaaridi Xoossa paaccida; Isra7eele Geeshshaa madunththida.

ዬ ማጻፋ 78:57

Istti beni bantta aawata mala makkallanchchatanne kaddizayta gidida; ammanththontta bokka tooman eqqida toora mala gidida.

ዬ ማጻፋ 97:10

GODAA dosizaytoo! Iita ixxite; izi baas ammanettizayta shemppo naagees; qasseka iitata kusheppeka ashshees.

ኬሳ ማጻፋ 20:17

«Asa keeth amottofa; asa machcho woykko iza aylle woykko iza aylleyo woykko iza boora woykko iza hare woykko izas diza ay miishshika amottofa» gides.

ኬሳ ማጻፋ 32:8

Tani istta azazida ogeppe istti eeson sher7i giichchida. Worqqa seerisidayssa mara misatissidi, baas eeqa xoossata medhdhidi izas goynnidanne yarshida. Qasseka, ‹Isra7eele asawu! Nuna Gibxe biittafe kessida nu xoossati haytantta› gida.

ሌሚሶ ማጻፋ 6:12

Womaleynne menxe iita asi yuuyi yuuyidi iita qaala haasayzay,

ሌሚሶ ማጻፋ 6:13

ba ayfera qim7otizay, ba tohon bessizay, ba biradhdhetankka malatizay,

ሌሚሶ ማጻፋ 6:25

Izi lo7eteththa ne wozinan amottofa; izi qim7oteththan oykettofa.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ኤራንቻታ ማጻፋ 6:9

Amon toylattanaappe ayfen be7oy kiya; hessika hadanne carko oykkanaas yedeththiza mala

ኢሳያሳ ቲንቢቴ 30:11

Hayssa ogaappe kichchite; ha wogga ogaappe haakkite; Isra7eele Geeshshaara nuna tiran gaththofte» gaana.

ኢሳያሳ ቲንቢቴ 33:15

Xilloteththan hemettizay, suure haasayzay, baleththon beettiza wodhe kadhizay, gubbo ekkenaappe ba kushe shiishshi ekkizay, as wodhana zuppetizayta zore siyanaappe ba hayth tuccizay, iita beyanaappe ba ayfe qilim7izay,

ኤርማሳ ቲንቢቴ 22:17

Gido attiin ne ayfeynne ne wozinay shempiday haa hee shocechchon demmiza go7an, xillota suuth gusson, asaa un7eththoninne gene oosonna» gees.

ሚኪያሳ ቲንቢቴ 2:2

Asa gade amottida mala oykkeettes; asa keeththika amottidi ekkeettes; ba lagge keeththinne biitta baleththon ekkeettes.

ዛካራሳ ቲንቢቴ 8:17

Issoy issaa qohanaas gene qoppofte; wordo markkattofte; ta haytantta ubbaa ixxays» gees GODAY.

Maatosa 5:28

Tani gidikko inttena hizgays; maccas amo ayfera xeellidaadey wuri ba wozinan izira laymatides.

ኦሮሜ ኣሳስ 12:9

Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite.

ጋላቲያ ኣሳስ 4:9

Ha7i gidikko Xoos erideta; qasseka Xoossan erettideta; histtiin qasseka guye simmidi gede go7ay baynda coo daabursiza timirteko waani simmidetii? Simmidi qasseka aylleteththa qambaran waaxettana koyeetii?

ዛሬ ማጻፋ 13:17

Piila miishshafe aykkoyka intte kushen beettofo; histtiko GODAY ba wolqqama hanqofe simmidi inttena maarana; izi inttes qadhettana; kase intte aawatas gelida qaala mala intte qooda darsana.

ዛሬ ማጻፋ 15:9

«Aco qanxxofe maariza laappunththa layththay gakkides» giidi metotanchcha intte ishata tal7e diggofte; hessa mala iita qofay intte wozinan geloppo; manqo gidida intte ishatas intte tal7ontta ixxiko istti pude Xoossaako waassiin inttes gome gidontta mala naagettite.

Ibirawe 10:39

«Nuni gidikko ammanidi attidayta bagga attiin gede guye undudi dhayzayta bagga gidokko» gides.

ኢያሶ ማጻፋ 23:6

«Minnite! Hadirsinne ushach goopite; Muse Woga Maxaafan xaafettida ubbaa naaganaassinne ooththanaas keehippe minettite.

2ጴጽሮሳ ኪታ 2:21

Istti xilloteththa oge shaakki eridaappe guye isttas imettida geeshsha azazozappe guye simmanaappe istti kase he xilloteththa ogeza erontta aggidaakko isttas lo7okkoshin.

1ዮሃኒሳ ኪታ 2:19

Istti nu giddofe kezida; gido attiin istti kasekka nu bagga gidettenna; istti nu bagga gididaakko nunara minni eqqana; gido attiin istti wuri nu bagga gidonttayssi erettana mala nuuppe shaakettida.

1ሳሜላ ማጻፋ 15:11

«Tani Sa7oole kawoththida gishshas modhettadis; gaasoykka izi tana kaalo aggidi guye simmida gishshassinne ta azazo polontta aggida gishshassa» gides. Sameeli keehi ceecidi omars kumeth GODAAKKO waassides.