ዬ ማጻፋ 100:3 - Geeshsha Maxaafa

³ GODAY Xoossa gididayssa erite; nuna medhdhiday iza; nuni izayta; nuni iza asati izi heemmiza dorsa wudeta.

ጋሞ ማጻፋ

³ ጎዳይ ጾሳ ጊዲዳይሳ ኤሪቴ፤ ኑና ሜዳይ ኢዛ፤ ኑኒ ኢዛይታ፤ ኑኒ ኢዛ ኣሳቲ ኢዚ ሄሚዛ ዶርሳ ዉዴታ።

ዬ ማጻፋ 100:3 ပူးပေါင်းရင်းမြစ်များ

2ካዎታ ማጻፋ 19:19

Ha7ikka GODAWU nu Xoossawu! Neni xalla Xoossa gididayssa ha biittaa bolla diza kawoteththati erana mala iza kusheppe nuna ashsha» gi woossides.

1ታሪኬ ማጻፋ 16:14

Izi GODAY nu Xoossa; iza pirday ubbaa bollanna.

ኢዮቤ ማጻፋ 10:3

Hayssa likke ne tana metoththoyssi nees wogaa? Neni nerkka medhdhida asaa ne kadhanaas nees bessizee? Iita asata duulatay nena ufayssizee?

ዬ ማጻፋ 119:73

Tana ne kushey medhdhidessinne giigsides; ne azazo tani taamarana mala taas akeeka imma.

ዬ ማጻፋ 12:4

Istti, «Nuni nu inxarsan xoonana; nu doonay nuussa; nuus goday oonee?» geettes.

ዬ ማጻፋ 149:2

Isra7eele asati bana medhdhidayssan ufayettetto; Xiyoone asati ba kawozan keehippe ufayettetto.

ዬ ማጻፋ 46:10

Shempi uttite; tani Xoos gididayssa erite; kawoteththata bolla ta dhoqqu dhoqqu gaana; biitta bollaka ta dhoqqu dhoqqu gaana.

ዬ ማጻፋ 78:52

Gido attiin izi ba asaa dorsa mala kessi heemmides; wude mala bazzon kaaleththides.

ዬ ማጻፋ 79:13

He wode nuni ne deretinne nees wude dorsati mernaas galata nees immana; yeletappe yeleta gakkanaas neni nuus ooththida oosoza nu yootana.

ዬ ማጻፋ 95:3

Gaasoykka GODAY wolqqama Xoossa, xoossata ubbaa bollaka wolqqama kawo.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

ኤራንቻታ ማጻፋ 12:1

Meto gallassati yontta dishin neni, «Tana ufayssettenna» giza wodeti gakkontta dishin ne yelagateththa layththan nena Medhdhidayssa qoppa.

ኢሳያሳ ቲንቢቴ 63:11

Hessafe guye asay beni wodezanne Muse wode yuushshi qoppides; Ba dorsata heenththanchchatara ubbaafe kessidayssi izi awan dizee? Ba Geeshsha Ayana istta giddon woththidayssi ha7i awan dizee?

ኢሳያሳ ቲንቢቴ 63:19

Hekko beniisofe nuni neyta; gido attiin istta neni haarabeekka; istti ne sunththankka xeygettibeettenna.

ኢሳያሳ ቲንቢቴ 64:7

Oonikka woosan ne sunth xeygenna; nena oykkana paaccizaykka deenna; neni ne ayfeso nuuppe genththadasa; nu nagaray nuna dhayssana mala aggadasa.

ኤርማሳ ቲንቢቴ 10:10

Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ሂዚቄላ ቲንቢቴ 34:11

«Ubbaa Haariza GODAY, ‹Tani tarkka ta wudeta koyana; ta istta naagana.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

2ቆሮንቶሴ ኣሳስ 4:6

Kirstoosa sinththan Xoossi ba bonchcho erateththa poo7o nuus immanaas, «Poo7oy dhuman poo7o» gida Xoossi ba poo7o nu wozinan poo7isides.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

ዛሬ ማጻፋ 32:15

«Isra7eele asay ordidessinne makkallides. Daro miidi modhdhidessinne moollattides; bana medhdhida Xoossaa aggides; bana ashshidayssaka kawushshides.

ዛሬ ማጻፋ 32:6

«Intteno eeyatoo! Qasseka wozinay bayndaytoo! Intte GODAAS immiza zaaroy hayssee? Inttena medhdhida intte aaway iza gidennee? Inttena medhdhidi hayssas gaththiday iza gidennee?

ዛሬ ማጻፋ 4:35

GODAY iza xalla gididayssa intte erana mala hayssa izi inttena bessides; izappe attiin hara Xoossi deenna.

ዛሬ ማጻፋ 4:39

«Hessa gishshas salonkka sa7ankka GODAY izi xalla Xoos gididayssanne izappe hara Xoossi bayndayssa erite; intte wozinan woththite.

ዛሬ ማጻፋ 7:9

Hessa gishshas GODAA intte Xoossay mulera ammanettida Xoossaa gididayssa intte yuushshi qopite; izi ba caaqqida qaalaa naagees; iza dosizaytassinne iza azazo polizaytas ubbaas shii yeleta gakkanaas izi ba mernaa siiqo bessana.

1ጴጽሮሳ ኪታ 2:25

Intte dhayda dorsata mala toylattideta; ha7i gidikko intte shemppo heemmizayssakonne naagizayssako simmideta.

1ጴጽሮሳ ኪታ 2:9

Intte gidikko dhumappe gede daro malalisiza iza poo7okko xeygida malalisiza Xoossaa ooso awajjanaas doorettida yeletata, Kawo qeeseta, Xoossi inttena baas histtida intte dumma dereta.

1ጴጽሮሳ ኪታ 4:19

Hessa gishshas Xoossa shene mala waayettiza asati banateththaa ubbaa ammanettida bana medhdhidayssas hadara immidi lo7o ooso ooththontta aggofetto.

1ዮሃኒሳ ኪታ 5:20

Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.