ዬ ማጻፋ 1:3 - Geeshsha Maxaafa

³ Hessaadey goggiza haaththa achchan tokettidi, hayththika qokkontta woden woden ayfe ayfiza miththa mala; izi ooththiza ubbay izas hanees.

ጋሞ ማጻፋ

³ ሄሳዴይ ጎጊዛ ሃ ኣቻን ቶኬቲዲ፥ ሃይካ ቆኮንታ ዎዴን ዎዴን ኣይፌ ኣይፊዛ ሚ ማላ፤ ኢዚ ኦዛ ኡባይ ኢዛስ ሃኔስ።

ዬ ማጻፋ 1:3 ပူးပေါင်းရင်းမြစ်များ

ሜቴ ማጻፋ 39:23

GODAY Yooseefera gididi izi ooththiza ubbaa polisiza gishshas woyne keeththaa alaafey Yooseefe alaafeteththan diza ay miishshaska waanandeesha giidi hirgi erenna.

ሜቴ ማጻፋ 39:3

GODAYKKA izara de7izayssanne GODAY izi ooththidayssa ubbaa izas injjesidayssa Phixifaaray be7idi,

2ካዎታ ማጻፋ 18:7

GODAY izara diza gishshas izi ooththiza miish ubbay izas polettides; izi Asoore kawora eqettidi izas giira giirontta ixxides.

1ታሪኬ ማጻፋ 22:11

«Ha7ikka ta naazoo! GODAY nenara gido; izi nees immida hidota qaalaa mala GODAA ne Xoossaa keeth keexxanaassinne polanaas nena gaththo.

1ታሪኬ ማጻፋ 22:13

GODAY Muse baggara Isra7eeles immida wogaanne maaraa ne naagikko ubbayka nees injje gidana; aykkoy baa, yayyofa, minna, murtta, hidota qanxxofa.

2ታሪኬ ማጻፋ 31:21

Hizqiyaasi Xoossaa keeththas ooththida ooso ubbaan woganinne azazon xaafettidayssa mala Xoossaa ba kumeththa wozinappe koyida gishshas izas ubba miishshi injjetides.

2ታሪኬ ማጻፋ 32:23

Daro asati GODAAS imotaa qasse Yuhuda kawo Hizqiyaasasikka imota ekkidi Yerusalaame yida; he wodeppe doommidi kawoteththata ubbaa sinththan Hizqiyaasi dhoqqu dhoqqu gides.

ኢዮቤ ማጻፋ 14:9

Irxxa demmiko nam7anththo aacees; oorath tokettida miththa mala haggata kessees.

ኢዮቤ ማጻፋ 22:28

Ne qofay ubbay nees polettana; nees oge ubbay poo7o gidana.

ዬ ማጻፋ 128:2

Neni ne daabura ayfe maana; ne anjjettananne nees injjetana.

ዬ ማጻፋ 129:8

He ogera aadhdhizayti, «Xoossi wolqqa immo» buucizaytikka, «Xoossi anjjo» gooppetto.

ዬ ማጻፋ 92:14

Istti ceeggidikka ayfana; istti ubba wode cililida malanne minnida mala daana.

ዬ ማጻፋ 92:15

Istti, «GODAY likke; izi taas wogga zaalla; iza bolla wosoy deenna» gaana.

ኢሳያሳ ቲንቢቴ 27:11

Izi xeeray melidi meqqana; maccassatikka mixi eeththana; akeekay baynda dere gidida gishshas iza medhdhiday izas qadhettenna; ooththidayssika iza maarenna.

ኢሳያሳ ቲንቢቴ 3:10

Xillotas, «Xilloti ba lo7o ooso ayfe maana; hessa gishshas isttas lo7o gidana» ga yoota.

ኢሳያሳ ቲንቢቴ 44:4

Istti demban cilila maata mala, shaafa doonan diza miththa mala mokkana› gees.

ኢሳያሳ ቲንቢቴ 58:11

GODAY nena ubbatoo kaaleththana; away xuuggida biittan ne amo izi kunththana; ne meqeththatakka izi minththana. Neni haath alada atakiltesohonne mulekka to7ontta pultto mala gidana.

ኤርማሳ ቲንቢቴ 17:8

Izi haaththa lanqen tokettidi, ba xapho duge haaththan yeddida miththa mala. Awa seelaskka yayyenna; iza hayththay cililida mala daana; away darida layththika babbenna; ayfe imoppeka paccenna.

ሂዚቄላ ቲንቢቴ 17:8

Gido attiin hagga kessana mala, ayfe ayfana malanne lo7o woyne mith gidana mala iza matan daro haaththi dizason aradda biittan kase tokettides› gees.

ሂዚቄላ ቲንቢቴ 19:10

« ‹Ne aaya haaththa doonan tokettida woyne tura mala; goshsha gaden daro haaththi diza gishshas, daayida ayfida woyne tura misatadus.

ሂዚቄላ ቲንቢቴ 31:5

Haath kallida gishshas wora giddon diza mith ubbaafe, keehi aduqqides; iza haggati daayida; unquloti aduqqida.

ሂዚቄላ ቲንቢቴ 47:12

He shaafaa doonan ha baggaranne he baggara ayfe ayfiza daro dumma dumma qommo miththati mokkeettes. Istta bonccoy qoqofettenna; ayfizayssaka aggettenna. Xoossa Keeththafe keziza haaththi isttako goggiza gishshas istti aginan aginan ooraththa ayfe ayfana. Istti ayfida ayfey quma gidana; istta hayththatikka dhale gidana» gees.

ታይቦ ማጻፋ 24:6

Isttika micettida zulleta mala; qasseka shaafa doonan diza atakiltesohota mala; GODAY tokkida godare uuththa mala; woykko shaafa doonan diza Libaanoose ziga mala.

Maatosa 13:6

Gido attiin away awattiin shullidinne xapho yeddontta aggida gishshas melides.

Maatosa 21:19

Oge matan issi balase geetettiza mith be7idi gede izikko shiiqishin hayth xalalappe attiin ayfey bayndayssa be7idi, «Hiyappe guye ne bolla ayfey dooppo!» giin balase miththaya heerakka meladus.

Maatosa 21:34

Boney gakkishin woyne miththaza ayfe ekkanaas ba ashkarata gadeza goyizaytakko yeddides.

Maatosa 21:41

Isttika, «Heyta iitata daro waayisi wodhidi woyney tokettiza gadaappe bessiza woyne ayfe wodera izas immiza hara goshshanchchatas gadaa kirasana» gi izas zaarida.

ዮሃኒሳ ሚሺራቾ 15:6

Tanan bayndaadey qanxxettidi wora yegettida haggaa mala kare yegettidi heen melana; heyta mala haggati issi bolla shiiqidi taman yegettannanne eexxana.

ዛሬ ማጻፋ 28:8

GODAY ne kushey oykkida ubbaanne ne gootara ubbaa anjjana; qasse izi nees immida biittankka nena anjjana.

ዩሁዳ ኪታ 1:12

Hayti ha asati yeellay baynda layma hanora issi bolla intte diggisason beettiza wode inttes dhuphe gideettes; istti baas xalla qoppeettes; istti carkon biza iray baynda shaara mala; ayfey ayfiza woden ayfey baynda xaphoppe dhoqallettidi nam7uto melida miththa mala.

ዮሃኒሳ ኣጁታ 22:2

He shaafazi he katamays waanna ogeza giddo addan shaakki yeggidi aadhdhi bees; he shaafazas hadirsa baggaranne ushachcha baggara aginan aginan pacey baynda layththan tammanne nam7u agina kumeth ayfiza de7o miththi dees; he miththaa hayththay dere paththees.