ዬ ማጻፋ 1:2 - Geeshsha Maxaafa

² Hessa mala asi GODAA wogan ufayettees; iza wogaa gallassinne qamma qoppees.

ጋሞ ማጻፋ

² ሄሳ ማላ ኣሲ ጎዳ ዎጋን ኡፋዬቴስ፤ ኢዛ ዎጋ ጋላሲኔ ቃማ ቆፔስ።

ዬ ማጻፋ 1:2 ပူးပေါင်းရင်းမြစ်များ

ሜቴ ማጻፋ 24:63

Issi gallassa omars Yisaaqi ba wozinan qoppidi demba kezidi yuuyishe izi dhoqqu gi xeelliza wode gaamellati yizayta be7ides.

ኢዝራ ማጻፋ 7:10

Izray ba de7o ubbaan Xoossa woga pilggi eranaas, ooththanaassinne Xoossa azazotanne wogata kumeththa Isra7eele nayta tamaarsanaas banateththaa aaththi immides.

ኢዮቤ ማጻፋ 23:12

Tani iza azazotappe ke7ikke; iza qaalaakka ta miza qumappeka aaththada ta wozinan naagadis.

ዬ ማጻፋ 104:34

Tani GODAAN ufayettiza gishshas ta wozina qofay iza ufaysso.

ዬ ማጻፋ 112:1

GODAY galatetto! GODAAS yayyiza asi, iza azazotakka polanaas ufayettiza asi anjjettidayssa.

ዬ ማጻፋ 119:1

Bantta ogen borey bayndaytinne GODAA wogga mala hemettizayti anjjettidayta.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ዬ ማጻፋ 119:35

Ne azazoy tana ufayssees; hessa gishshas ne ogen tana kaaleththa.

ዬ ማጻፋ 119:72

Daro shii birappenne worqqafe ne doonappe ke7ida wogay taas aadhdhees.

ዬ ማጻፋ 119:92

Ta metotida wode dhayaychchana shin ne wogay taas ufays gidides.

ዬ ማጻፋ 40:8

Abeet ta Xoossawu! Tani neni koyzayssa ooththanaas dosays; ne wogay ta wozina giddon dees» gadis.

ዬ ማጻፋ 88:1

Abeet GODAWU! tana ashshiza Xoossawu! Tani gallassinne omars ne sinththan yeekkays.

ኤርማሳ ቲንቢቴ 15:16

Abeet Ubbaafe Wolqqama GODAWU! tani ne sunththan xeygettida gishshas ne qaalay taakko yiin madis; histtiin ne qaalay taas pashkanne wozina ufays immides.

ሉቃሳ ሚሺራቾ 18:7

Xoossi qamma, gallassinne omars izakko waassiza doorettidaytas pirdenneyee? Tana ay metidee! giidi ba maado gam7isandee?

ሉቃሳ ሚሺራቾ 2:37

Layththay izis osppun tammanne oyddu layth gidana gakkanaas omarsinne gallas xoomashenne woossashe Xoossa Keeththafe shaakettontta am7eteththan gam7adus.

ኦሮሜ ኣሳስ 7:22

Tani ta gaaththara Xoossa wogaan ufayettays.

1ታሶሎንቄ ኣሳስ 2:9

Nu ishatoo! Nu dafeteththaanne nu daaburaa intte ereeta; oonaska tooho gidontta mala qammanne gallas nuus ooththishe Mishiraachcho qaalaa inttes yootidos.

1ጺምቶሳስ 4:15

Asi wuri ne dichchaa beyana mala ha yo7ota lo7eththa minththada dandayan pola.

2ጺምቶሳስ 1:3

Pacey baynda gallassinne qamma ne gishshas woosan qofsashe kase Aawati ooththida mala geeshsha wozinara ta goynniza Xoossaa ta galatays.

ኢያሶ ማጻፋ 1:8

Hayssi woga Maxaafay ne doonappe shaakettofo; iza giddon dizayssa ne lo7eththa naagettada polana mala gallas gidiin omars zaara zaara qoppa; ne hessaththo ooththiko ne qoppida ubbay nees suurananne hanana.

1ዮሃኒሳ ኪታ 5:3

Xoossa doso guussi iza azazo naago; iza azazoti deexo gidettenna.