ሌሚሶ ማጻፋ 8:18 - Geeshsha Maxaafa

¹⁸ Dureteththinne bonchchoy ta matan deettes; wurontta aqotaynne injjey ta matanna.

ጋሞ ማጻፋ

¹⁸ ዱሬቴኔ ቦንቾይ ታ ማታን ዴቴስ፤ ዉሮንታ ኣቆታይኔ ኢንጄይ ታ ማታና።

ሌሚሶ ማጻፋ 8:18 ပူးပေါင်းရင်းမြစ်များ

ዬ ማጻፋ 112:3

Aqotaynne dureteththi iza keeththan dees; iza xilloteththayka mernaas de7ana.

ዬ ማጻፋ 36:6

Abeet GODAWU! Ne xilloteththay ubbaafe dhoqqa zumata mala; ne pirdayka ubbaafe ziqqa ciimma mala; neni asaakka do7aakka iitappe naagaasa.

ሌሚሶ ማጻፋ 11:4

Hanqo gallas dureteththi go7enna; gido attiin xilloteththi hayqoppe ashshees.

ሌሚሶ ማጻፋ 24:4

Eray de7ikko, keeththi al7oninne lo7o miishshan kumees.

ሌሚሶ ማጻፋ 3:16

Iza ushachcha kushen adussa layth, hadirsa kushen aqotanne bonchcho oykkadus.

Maatosa 6:33

Harappe sinththatidi Xoossa Kawoteththa xilloteth koyite; hayti wuri inttes gujettana.

ሉቃሳ ሚሺራቾ 10:42

Koshshizay gidikko issi miish xalla; Maaramakka lo7o exa dooradus; hessika izippe ekettenna» gides.

ሉቃሳ ሚሺራቾ 12:33

Inttes dizayssa bayzidi manqotas immite; kaysoy ekkonttason, bilay monttason, cimmontta korojon wurontta miish salon shiishshite.

2ቆሮንቶሴ ኣሳስ 6:10

Muuzoy nuna gakkikokka ubba wode ufayettoos; nuni manqoko shin daro manqota dure kessoos; nuus aykkoyka bayndayta shin wurikka nuus dees.

ኤፌሶኔ ኣሳስ 3:8

Ta qasse hankko ammaniza asaappe laafa gidikkoka oonikka zaway baynda Kirstoosa dureteth Ayzaabetas sabbakana mala Xoossa kiyateththan hayssi taas imettides.

ፒሊጲሲዮሴ ኣሳስ 4:19

Xoossi ba dureteththaa gina inttes koshshizayssa Godaa Yesus Kirstoosa baggara kunththana.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

ዮሃኒሳ ኣጁታ 3:18

Dure gidana ne koykko taappe taman paacettida worqqa shammana mala neni ne kalloteththaa yeellateth kammanaas booththa may7o may7ana malanne xeellanaaska dandayana mala ayfe dhale shammada ne tiyettana mala ta nena zorays.