ሌሚሶ ማጻፋ 6:17 - Geeshsha Maxaafa

¹⁷ Otoreteththan xeelliza ayfe, wordotiza inxars, xillo asata wodhiza kushe,

ጋሞ ማጻፋ

¹⁷ ኦቶሬቴን ጼሊዛ ኣይፌ፥ ዎርዶቲዛ ኢንጻርስ፥ ጺሎ ኣሳታ ዎዛ ኩሼ፥

ሌሚሶ ማጻፋ 6:17 ပူးပေါင်းရင်းမြစ်များ

2ካዎታ ማጻፋ 21:16

Harappeka Minaasey Yuhuda asay Xoossa sinththan iita ooththana mala istti nagara oosisida nagaraappe harakka Yerusalaames ha gaxappe he gaxa gakkanaas xillo gidida daro asaa suuth gussides.

2ካዎታ ማጻፋ 24:4

Qasseka izi xillo suuth gussida gishshassa. Yerusalaameykka xillo suuththan kumana mala izi ooththida gishshas GODAY iza maaranaas koyibeenna.

ዬ ማጻፋ 10:4

Iita asi otoreteththan Xoossa koyenna; iza qofa ubbaan Xoossi deenna.

ዬ ማጻፋ 101:5

Geeman ba lagge zigirzayssa tani sirphi ooththana; otorettizayssinne ceeqettiza as tani co7u ga aggike.

ዬ ማጻፋ 131:1

Abeet GODAWU! Ta wozinay otorettibeenna; tani otoron xeella erikke; ta qofan bessontta gitateththas amottabeekke; ta wolqqafe bollara zaradhdhabeekke.

ዬ ማጻፋ 18:27

Ashketa ne ashshaasa; gido attiin otoranchchata kawushshaasa.

ዬ ማጻፋ 31:18

Xilloza bolla otoron, kadheninne xalateththan haasayza gishshas wordanchchata doona duudisa.

ዬ ማጻፋ 5:6

Wordo haasayzayta neni dhayssaasa. Suuth gussizaytanne cimmiza asata neni harasettaasa.

ዬ ማጻፋ 5:7

Gido attiin tani ne maaro daron ne keeththa gelana. Ne geeshsha Keeththaako simmada bonchchoninne yashshateththan nees goynnana.

ሌሚሶ ማጻፋ 1:11

Istti nena, «Ane haa ya; issife biidi suuth gussanaas zuggoos; xillotakka wodhanaas qotetti uttoos.

ሌሚሶ ማጻፋ 1:16

Gaasoykka istti iita miish ooththanaas woxxeettes; asaa suuth gussanaaskka jaameettes.

ሌሚሶ ማጻፋ 12:22

GODAY wordo haasaya harasettees; tumanchchatan gidikko ufayettees.

ሌሚሶ ማጻፋ 14:5

Ammanettiza markkay ubbato tuma markkattees; wordo markkay gidikko wordo markkattees.

ሌሚሶ ማጻፋ 16:5

GODAY otorettiza ubbaa shaatettees; istti qaxxayettontta attettenna.

ሌሚሶ ማጻፋ 17:7

Lo7o haasayay eeyas giigenna; wordo haasayay dere ayssizaades ay mala deexo!

ሌሚሶ ማጻፋ 21:4

Otoroynne hallacay iita asata bessiza malata; hessika nagara.

ሌሚሶ ማጻፋ 26:28

Wordotiza inxarsi ba qohida asata ixxawus; cimmiza metershika bash ehawus.

ሌሚሶ ማጻፋ 28:17

As wodhida asi hayqqana gakkanaas toylattishe dees; iza oonikka shiishshi ekkenna.

ሌሚሶ ማጻፋ 30:13

Otoron kumida asatinne as kadhidi xeelliza asati deettes.

ሌሚሶ ማጻፋ 6:16

GODAY ixxiza usuppun yo7oti deettes; laappunththaza keehi harasettees.

ኢሳያሳ ቲንቢቴ 1:15

Intte intte kushe woosas taakko micciko tani ta ayfe inttefe haraso zaarana; intte kushen suuththi kumida gishshas intte keehi woossikokka ta intte woosa siyikke.

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ኢሳያሳ ቲንቢቴ 3:16

GODAY, «Xiyoone maccassati otorettida; bantta qoodhe warxi histtishe, bantta ayfen som7i bessishe, bantta duca qaaththishe, bantta tohon diza sagayo giirissishe hemetteettes.

ኢሳያሳ ቲንቢቴ 3:9

Istta ayfesoy istta bolla markkattees; istti Sodoome asaa mala bantta nagaraa qottontta qonccen haasayeettes; istti bantta bolla iita miish ehiza gishshas isttas aayye ana!

ኤርማሳ ቲንቢቴ 26:15

Gido attiin hayssa intte siyida qaala ubbaa tani inttes yootana mala GODAY taas addafe yootida gishshas intte tana wodhikkoka intte xillo suuth gussidi intte intte hu7essinne hanno katamayn diza as ubbaa mooranchcha histtontta mala naagettite» gides.

ዮሃኒሳ ሚሺራቾ 8:44

Intte intte aawaa Xala7e nayta; intte aawaa amo polana koyeeta; izi kasekka shemppo wodhidaade. Iza achchan tumay dontta gishshas izi tuman eqqibeenna; izi ba hu7es wordanchchanne wordo aawaa gidida gishshas izi wordo haasaya baappe medhdhi ekkidi haasayees.

ዛሬ ማጻፋ 19:10

Intte hessaththo ooththiza gaasoykka intte izin daana mala GODAA intte Xoossay inttes xinxxo histti immiza biittayn xillo suuththi gukkontta malanne intteka suuththa acon oyshettontta malassa.

ዛሬ ማጻፋ 27:25

«Miishshan shamettidi xillo shemppo wodhiza ubbay qanggettidaade gido!» Derezi wurikka, «Amiin!» go.

1ጴጽሮሳ ኪታ 5:5

Hessaththoka intteno naateththatoo! Intte cimatas azazettite; intte wurikka ashketeth afala mala may7idi issoy issaas ooththite. «Xoossi otorizayta ixxees; ashketas qasse ba kiyateth immees» geetetti kase Geeshsha Maxaafan xaafettides.

ዮሃኒሳ ኣጁታ 22:15

Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.