ሌሚሶ ማጻፋ 4:4 - Geeshsha Maxaafa

⁴ Ta aaway tana tamaarsishe, «Ta qaala kumeththa wozinan oykka; ta azazotakka naaga; ne histtiko paxa de7ana.

ጋሞ ማጻፋ

⁴ ታ ኣዋይ ታና ታማርሲሼ፥ «ታ ቃላ ኩሜ ዎዚናን ኦይካ፤ ታ ኣዛዞታካ ናጋ፤ ኔ ሂስቲኮ ፓጻ ዴኣና።

ሌሚሶ ማጻፋ 4:4 ပူးပေါင်းရင်းမြစ်များ

ሜቴ ማጻፋ 18:19

Xilloteththinne suure ooso ooththidi GODAA oge naagana mala ba naytanne baappe guye ba soo asaa izi zorana mala tani iza dooradis; hessika GODAY Abrahaames immana gidayssa ubbaa polanaassa» gides.

1ታሪኬ ማጻፋ 28:9

«Ta naa Solomoone, ne aawaa Xoossaa era! Neni kumeththa wozinaninne lo7o qofan izas ooththa; GODAY wozina ubbaa pilggi xeellees; giddo qofa ubbaa izi erees; neni iza koykko izi nees beettana; gido attiin ne iza aggizaa gidikko izikka nena mernaas aggaagana.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ዬ ማጻፋ 119:144

Neni yootidayssi mernaaskka xillo; tani shemppora paxa daana mala ne taas akeeka imma.

ዬ ማጻፋ 119:168

Tani ne wogassinne ne yootida qaalas azazettana; ta oge ubbay ne sinththan qoncce.

ሌሚሶ ማጻፋ 22:6

Nayi waanidi de7ana bessizaakko tamaarsa; histtiko izi cimmidikka hessafe haakkenna.

ሌሚሶ ማጻፋ 23:26

Ta naazoo! Ne wozina ha taakko zaara; ne ayfeti ta ogeppe kare kezoppetto.

ሌሚሶ ማጻፋ 3:1

Ta naazoo! Tani nena tamaarsizayssa dogoppa; ta azazotakka ne wozinan woththa.

ሌሚሶ ማጻፋ 3:2

Istti ne layth adussana; ishalo de7onne saroteth nees gujjana.

ሌሚሶ ማጻፋ 7:2

Ne paxa de7ana mala ta azazota naaga; ta timirtezakka ne ayfe ciro mala naaga.

ኢሳያሳ ቲንቢቴ 55:3

Intte hayth doydi haa taakko shiiqite; intte shemppora paxa daana mala ta gizaa ezgi siyite; kase ta Dawitera caaqqida mino siiqon inttenarakka mernaa caaqo caaqettana.

ኤርማሳ ቲንቢቴ 38:20

Ermaasikka zaaridi, «Aykkoy baawa! Istti nena aaththi imettenna; ta nees yootiza GODAA qaalas azazetta; hessika nees lo7o gidana; ne shemppoyka attana.

ዮሃኒሳ ሚሺራቾ 12:50

Iza azazoy mernaa de7o gididayssa ta erays; hessa gishshas ta yootizay wuri Aaway taas yootidayssa» gides.

ኤፌሶኔ ኣሳስ 6:4

Yelidaytoo! Intteka intte nayta hanqeththofte; gido attiin intte nayta Godaa zoreninne seeran dichchite.

ዛሬ ማጻፋ 4:9

«Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite.

ዛሬ ማጻፋ 6:6

Hach ta nena azazida azazota wozinan woththa.

2ጺምቶሳስ 1:5

Qoodheppe qommon gidontta ne ammanoza ta qoppays; he ammanoykka koyro ne aayey aayin Loydininne qasseka ne aayeyin Ewonqen dees; ha7i qasse ne bolla dizayssaka ta eradis.

2ጺምቶሳስ 3:15

Ne guuththa naateththafe ha7i gakkanaas Yesus Kirstoosa ammanon atoteththi beettiza timirte immiza Geeshsha Maxaafata lo7eththa eradasa.

Ibirawe 5:9

Hessa baggara pacey bayndaade gidi beettidayssafe guye baas azazettizaytas ubbaas mernaa atoteththas gaaso gidides.

ዳናታ ማጻፋ 13:12

Maanuhey, «Neni yootida qaalay polettiza wode he yelettida naaza de7os koshshiza wogaynne izas sinththafe diza halchchoy aazee? Nuuppeka koyettizaazi aazee?» giidi oychchides.