ሌሚሶ ማጻፋ 28:1 - Geeshsha Maxaafa

¹ Iita asi oonikka yedeththontta baqatees; gido attiin xilloy gaammo mala wozina kumeththa.

ጋሞ ማጻፋ

¹ ኢታ ኣሲ ኦኒካ ዬዴንታ ባቃቴስ፤ ጊዶ ኣቲን ጺሎይ ጋሞ ማላ ዎዚና ኩሜ።

ሌሚሶ ማጻፋ 28:1 ပူးပေါင်းရင်းမြစ်များ

1ካዎታ ማጻፋ 1:49

Hessa siyidi Adoniyaasi xeygida imaththati ubbay dagammi dendidi laalettida.

2ካዎታ ማጻፋ 7:15

Isttika Yordaanoose shaafa gakkanaas istta kaalli bida. Aaraame asay eeson baqatishe yeggi bida may7onne miishshata ogey dizason dizason laalettidayssa demmida; he kiitettidaytikka guye simmidi ba be7idayssa kawozas yootida.

ናሂሚያ ማጻፋ 6:11

Gido attiin tani, «Ta mala asi baqati qotetti erizee? Ta mala asi ba shemppo ashshana giidi Xoossa keeth geli qotettana bessizee? Hayssaththo ubbaaka ta hanikke!» ga zaaradis.

ኢዮቤ ማጻፋ 15:21

Daganththiza giiris izi ba hayththan siyana; ubbaa miishshi saro misatidi izas beettiza wode iza dhayssiza miishshi iza bolla yaana.

ዬ ማጻፋ 112:7

Iita miishshi iza daganththenna; ays giikko iza wozinay hirgenna; GODAAN ammaneettes.

ዬ ማጻፋ 53:5

Xoossi ba asaa morkkizayta meqeththaa laallana; istti kase dagammi erontta dagama dagammana. Xoossi istta kadhida gishshas istti yeellatana;

ዬ ማጻፋ 53:6

Isra7eeles atoteththi Xiyooneppe yidaakko! Xoossi ba deraappe di7ettidayssa zaariza wode Yaaqoobe zareti ufayettana; Isra7eele asay ufayettana.

ኬሳ ማጻፋ 11:8

Ne sunththida daannati wuri taakko yiidi, ta sinththan gufanni ziggidi, ‹Kezada barkkii! Nena kaalliza asay wurikka bo!› gaana. Hessafe guye tani baana» gides. Musey daro hanqettidi iza sinththafe kezidi bides.

ሌሚሶ ማጻፋ 10:9

Suure asi hirgay baynda dees; geella oge biza asi gidikko ba mooron oykettana.

ሌሚሶ ማጻፋ 27:27

Attida deyshata maaththi neessinne ne soo asas, ne macca aylletaskka quma gidanaas kumi palahana.

ኢሳያሳ ቲንቢቴ 30:17

Intte zuma hu7en eqqida bandira mala zumbullata xeeran eqqida malata mala gidi intte attanaashe gakkanaas issi asa mandeththan 1,000 asi baqatana; ichchash asa mandeththan intte ubbay baqatana» gees.

ኢሳያሳ ቲንቢቴ 7:2

Aaraame dereynne Efreeme derey issi bolla gididi olas ke7idayssa Dawite zareppe kawotida kawoy siyida wode wora mith carkoy qaaththiza mala Akaaze wozinaynne deraa wozinay qaaxxides.

ኤርማሳ ቲንቢቴ 20:4

Gaasoykka GODAY, ‹Tani nenanne ne laggeta ubbaa dagamas aaththa immana; istti neni xeellishin bantta morkketa mashshan wurana; tani Yuhuda asaa ubbaa Baabiloone kawo kushen aaththa immana; izi istta di7idi Baabiloone efana; histtidi heen istta mashshan siifana.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ሌዌታ ማጻፋ 26:36

« ‹Intte bete biittan dizayti wurikka carkoy qaaththiza qonashe giiris siyidi dagaman piradhdhi baqatana mala ta ooththana; morkkey olason gooddiin woxxiza mala intte woxxana; ay morkkeyka intte achchan baynda intte dhuphetti kundana.

ሃዋሬታ ኦሶ 14:3

Phawuloosinne Barnabaasi Godaa gishshas xalateththara asas yootishe heen daro wode gam7ida; Godaykka istti yootiza qaalaa gita malataranne wolqqama ooson qonccisi markkattides.

ሃዋሬታ ኦሶ 4:13

Ayhudata duulata asaykka Phexroosinne Yohannisi hessaththo xali haasayzayssa be7idi istti tamaarontta as gididayssa eridi malalettidanne istti kase Yesusara dizayta gididayssa akeekida.

ዛሬ ማጻፋ 28:25

GODAY ne morkketa sinththan neni xoonettana mala ooththana; neni istta bolla issi ogera baanashin isttafe attanaas laappunasora baqatana; biitta bolla diza kawoteththati ubbay ne bolla gakkizayssa be7idi hirgan kokkorana.

ዛሬ ማጻፋ 28:7

Ne morkketi ne bolla meto gaththiza wode GODAY istta ne sinththan kundisana; istti ne bolla issi baggara yaana; gido attiin laappun ogera neeppe baqatana.

1ታሶሎንቄ ኣሳስ 2:2

Intteka erizayssa mala hayssafe kase Piliphisiyoosen nu waayenne meto be7idossinne cayettidos; gido attiin aynne mino waayey nuna gakkikokka Xoossa Mishiraachcho qaalaa inttes yootanaas nu Godaappe xalateth demmidos.