ሌሚሶ ማጻፋ 22:29 - Geeshsha Maxaafa

²⁹ Ba ooson loohida as beyadii? Izi kawotas ooththeesippe attiin bessontta asatas ooththenna.

ጋሞ ማጻፋ

²⁹ ባ ኦሶን ሎሂዳ ኣስ ቤያዲ? ኢዚ ካዎታስ ኦሲፔ ኣቲን ቤሶንታ ኣሳታስ ኦና።

ሌሚሶ ማጻፋ 22:29 ပူးပေါင်းရင်းမြစ်များ

1ካዎታ ማጻፋ 11:28

Iyorba7aamey oosozas keehi hiillateththi diza naateththa asa; Solomooney ha naateththazi oosoza ay mala ooththizaakko be7idi gabbara ooththi aqiza Yooseefe qommota bolla alaafe ooththi shuumides.

Maatosa 25:21

Iza godaykka, ‹Lo7o ooththadasa; nenoo lo7o ammanettida ashkarazoo! Neni guuththa miishshan ammanettida as gidida gishshas ta nena daro miishsha bolla shuumana; gede ne godaa ufayssaso gela› gides.

ሌሚሶ ማጻፋ 12:24

Minni ooththiza asi dere haarees; azallay aylle gidees.

ሌሚሶ ማጻፋ 10:4

Azallateththi manqisees; minni oosoy gidikko duresees.

Maatosa 25:23

Godazikka, ‹Lo7eththadasa; haysso lo7onne taas ammanettida ashkarazoo! Neni guuththan ammanettidaade gidida gishshas ta nena daro miishsha bolla shuumays; gede ne Godaa ufayssaso gela› gides.

ኤራንቻታ ማጻፋ 9:10

Ne kushey ooththanaas demmidayssa ubbaa ne kumeththa wolqqan ooththa; ays giikko neni baana duufon oosoy, halchchoy, erateththinne aadho erateththi deenna.

ሜቴ ማጻፋ 41:46

Yooseefey Gibxe kawos ooththanaas doommiza wode izas layththay heedzdzu tamma. Qasse Yooseefey kawo sinththafe kezidi Gibxe biitta ubbaa yuuyi xeellides.

ኦሮሜ ኣሳስ 12:11

Godaas ooththana Ayanan xuugettizayta gidite attiin hessa he minoteththaafe guye goopite.

1ካዎታ ማጻፋ 10:8

Ubba wode ne sinththan eqqidi ne aadho erateththaa siyiza shuumetassinne ne oosanchchatas qaaday ay mala lo7oo!

2ጺምቶሳስ 4:2

Qaalaa sabbaka; nees giigiin woykko giigontta aggiin neni ne baggara giigetta utta; daro dandayara tamaarson asaa suurisa; hanqanne zora.

ሜቴ ማጻፋ 47:6

Histtiin Gibxe derey ne kushen dees gidennee; ha biittan ubbaafe aadhdhidi lo7izason ne aawaanne ne ishata woththa; istti Geeseme biittan detto. Istta giddofe dumma erateththi dizayta ne erizaa gidikko heyta ta meheta bolla shuuma» gides.

1ሳሜላ ማጻፋ 16:21

Dawiti Sa7oolekko yiidi izas haggazo doommides; Sa7oolikka iza keehi dosides; izikka Sa7oole gondalle tookkizaade gidides.

ሌሚሶ ማጻፋ 23:1

Neni dere haarizayssara kath maanaas uttida wode, ne sinththan de7izayssa lo7eththada akeeka.

ሜቴ ማጻፋ 41:38

Hessa gishshas kawoy isttas, «Nuni Xoossa Ayanara diza hayssa mala hara as oona demmanee?» gi oychchides.

1ሳሜላ ማጻፋ 17:31

Dawiti haasayda yo7oy Sa7oole hayththan wodhdhides; Sa7oolikka kiitti xeygides.

2ሳሜላ ማጻፋ 2:32

Iyo7aabeynne izara diza asay Asaheeley kundidasohoppe iza ahaa denththidi Beeteliheemen iza aawa duufon moogida. Hessafe guye omars kumeth hemettishe aqidi buro gadey wontishin Kebroone gakkida.

1ታሪኬ ማጻፋ 4:23

Istti kawo keeththa oosos urqqa medhdhizayta gididi kase Naxaamenne Gadeere geetettiza katamatan de7ida.

ዳኔላ ቲንቢቴ 1:4

He doorettidayti naateththinne kawo keeththan ooththanaas dandayza erateththi dizayta gidana mala, mala lo7ota, aadho erateththi dizayta, yuushshi qoppizayta, ubbaa eeson ekkizaytanne istta asateththa bolla borey bayndayta gidana mala qofsides; heyta qasse Baabiloone qaalaninne he dere qaalan xaafo woga tamaarsana mala azazides.

ዳኔላ ቲንቢቴ 1:19

Kawozikka istta ubbaa haasayssida wode istta giddofe Daaneelara, Hanaaniyara, Misha7eeleranne Azaariyaasara ginattiza asi beettibeenna; hessa gishshas istti kawoza sinththan ooththana mala doorettida.