ሌሚሶ ማጻፋ 22:23 - Geeshsha Maxaafa

²³ Ays giikko GODAY istta gishshas mootettana; istta bonqqidaytakka izi bonqqana.

ጋሞ ማጻፋ

²³ ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

ሌሚሶ ማጻፋ 22:23 ပူးပေါင်းရင်းမြစ်များ

ዬ ማጻፋ 103:6

GODAY naaqettidaytas xillo ooththeessinne suure pirda pirdees.

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ዬ ማጻፋ 12:6

GODAA qaalay izan walakay baynda muuruta; cooce taman laappunto paacetti geeyida bira mala.

ዬ ማጻፋ 140:12

GODAY hiyeesatas pirdizayssanne metotanchchatas mootettizayssa ta erays.

ዬ ማጻፋ 140:13

Xilloti tumuppe ne sunththaa galatana; suuretikka ne sinththan de7ana.

ዬ ማጻፋ 35:1

Abeet GODAWU! Tanara eqettizaytara neni eqetta; tanara olettizaytara neni oletta.

ዬ ማጻፋ 35:10

Ta kumeththa asateththay nena, «Abeet GODAWU! Qohettidayta qohizayta kusheppe ashshizay, hiyeesatanne metotanchchata bonqqizayta kusheppe naagizay hara ne malay oonee?» gaana.

ዬ ማጻፋ 43:1

Abeet Xoossawu! Ne taas pirda; Xoossa erontta kawoteththatara ne ta gishshas mootetta; Cimmiza asatappenne iita asatappe tana ashsha.

ዬ ማጻፋ 68:5

Xoossi ba geeshshasohon dishe aaway bayndaytas aawa; qasse am7etaska pirdiza daanna.

ኬሳ ማጻፋ 22:22

Azinay hayqqida am7eyonne aaway woykko aaya hayqqida naa waayisopite.

ኬሳ ማጻፋ 22:23

Intte istta waayisiin istti taakko waassiko tani istta waaso tumappe siyana;

ሌሚሶ ማጻፋ 21:7

Iitati suure ooso dosontta gishshas iitata istta makkallateththi dhayssana.

ሌሚሶ ማጻፋ 23:11

ays giikko istta ashshiza GODAY mino; izi istta gishshas nenara mootettana.

ኢሳያሳ ቲንቢቴ 33:1

Nees dhayontta dashe hara dhayssizayssoo! Nees aayye ana! Nena aaththi immontta dishin hara aaththa immizayssoo! Nees aayye ana! Neni dhayso aggida wode ne dhayana; neni aaththa imo aggida wode nena aaththi immana.

ኤርማሳ ቲንቢቴ 30:16

«Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ኤርማሳ ቲንቢቴ 50:34

Gido attiin istta wozzizay mino; iza sunththayka GODAA Ubbaafe Wolqqama Xoossaa; istti biittas shemppo immanaas keehi baaxetees; gido attiin Baabiloonen dizaytas shemppo dhayssees» gees.

ኤርማሳ ቲንቢቴ 51:36

Hessa gishshas GODAY, «Ne gishshas ta mootettana; ne halokka kessana; izi abbaanne pultto haaththata ta melissana.

ሚኪያሳ ቲንቢቴ 7:9

Ta iza qohida gishshas izi ta gishshas eqqana gakkanaassinne taas pirdana gakkanaas Xoossay hanqettikokka ta dandayana; izi tana poo7on kessana; tanikka iza xilloteth beyana.

ኢምባቆ ቲንቢቴ 2:8

Ne daro dere miish bonqqida gishshas hankko bonqqettonttayti nena bonqqana; ne asa suuth gussadasa; deraa, katamanne izan dizayta wursa dhayssadasa.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

1ሳሜላ ማጻፋ 24:12

«GODAY ne giddoninne ta giddon pirdo. Neni iita ooththida gishshas GODAY ne bolla halo kesso attiin ta ne bolla kushe woththike.

1ሳሜላ ማጻፋ 24:15

Ha7ikka nu giddon GODAY daanna gidi pirdo. Ta yo7oza xeellidi ta gishshas izi mootetto. Tanakka ne kusheppe kessi ekkidi ta tumateththaa izi qoncciso» gides.

1ሳሜላ ማጻፋ 25:39

Dawitikka Naabaaley hayqqidayssa siyida wode, «Naabaaley tana cayida gishshas taas halo kessidaynne tana ba aylleza iita ooththontta mala naagida GODAY galatetto; Naabaaley ooththida iita miish iza hu7en zaarides» gides. Hessafe guye Dawiti Abigaala iza machcho gidana mala oysha as kiittides.