ሌሚሶ ማጻፋ 18:10 - Geeshsha Maxaafa

¹⁰ GODAA sunththi mino gimbe mala; xillo asi hee woxxidi iitappe attees.

ጋሞ ማጻፋ

¹⁰ ጎዳ ሱን ሚኖ ጊምቤ ማላ፤ ጺሎ ኣሲ ሄ ዎጺዲ ኢታፔ ኣቴስ።

ሌሚሶ ማጻፋ 18:10 ပူးပေါင်းရင်းမြစ်များ

ሜቴ ማጻፋ 17:1

Abraame layththi uddufun tammanne uddufun gidishin GODAY izas qonccidi, «Tani Ubbaa Dandayza Xoossa; ne ta sinththan suure hemetta.

ሜቴ ማጻፋ 32:11

Ta nena woossays; ta ishaa Eesawe kusheppe tana ashsha; gaasoykka izi yiidi tananne ta nayta aayeta istta naytara dhayssanaakko gaada babbadis.

2ሳሜላ ማጻፋ 22:2

«GODAY taas zaalla, taas miixanne tana ashshizaade.

2ሳሜላ ማጻፋ 22:3

Ta Xoossay ta geemettiza zaalla, taas gondallenne atoteththa kace; izi taas mino miixa; taas zempponne tana ashshizaade; ne tana makkallanchchatappe ashshaasa.

2ሳሜላ ማጻፋ 22:51

Izi kawozas gita xoono immees; ba tiyda Dawitesinne iza zereththas, ba mernaa kiyateth bessees.»

ዬ ማጻፋ 144:2

Izi tana siiqizanne genththiza Xoossa; izi taas miixanne tana ashshizayssa; izi ta gondallenne tani baqatada attizaso; kawoteththatakka izi taas haarisizayssa.

ዬ ማጻፋ 18:2

GODAY taas zaalla; tani olappe naagettiza miixa; izi tana ashshizayssa; ta Xoossay tani izan geemetta attiza wogga zaalla. Izi taas gondalle; izi tana ashshiza kace; taas izi mino zemppo.

ዬ ማጻፋ 20:2

Ba Keeththafe nees maado kiitto; Xiyooneppe maadoy yo.

ዬ ማጻፋ 27:1

GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ዬ ማጻፋ 91:14

GODAY, «Izi tana siiqida gishshas tani iza ashshana; izi ta sunththa erida gishshas tani iza naagana.

ዬ ማጻፋ 91:2

Tani GODAA, «Neni taas zemppo, miixanne tani nenan ammanettiza ta Xoossa» gaana.

ኬሳ ማጻፋ 6:3

tani Ubbaa Dandayza Xoossa gidada Abrahaames, Yisaaqassinne Yaaqoobes qonccadis shin tani, ‹GODAA› geetettiza ta sunththan tanateththaa istta erisabeekke.

ሌሚሶ ማጻፋ 14:26

GODAAS yayyiza asas mino miixay dees; iza naytaska baqati attiza sohoy dees.

ሌሚሶ ማጻፋ 29:25

Asas yayyizayssi izaades woximade gidees; gido attiin GODAAN ammanettiza asi saron de7ees.

ኢሳያሳ ቲንቢቴ 26:4

Mernaas GODAAN ammanettite; GODAY nuus mernaa Zaalla.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 9:6

Hekko nuus nay yelettides! Attuma naykka nuus imettides! Halaqateththi iza hashe bolla gidana; iza sunththi, «Malalisiza zoranchcha, Wolqqama Xoossa, Mernaa Aawa, Saroteththa Halaqa» geetettana.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኢምባቆ ቲንቢቴ 3:19

GODA Ta Xoossay taas wolqqa; ta tohota izi genessa toho mala minththo; izi tana dhoqqasohora hemeththana. Yexxizayta kaaleththizaades yeththa miishshan yexettida mazamure.

ዮሃኒሳ ኣጁታ 1:8

Kasekka, ha7ikka dizayssi buroppeka Yaanayssi ubbaa dandayza Godaa Xoossi, «Alfaynne Oomegay, Koyroynne Wurseththi tana» gees.

1ሳሜላ ማጻፋ 17:45

Dawiti Filisxeeme addezas, «Neni giththa mashsha, tooranne xinqa toora ekkada ta bolla yaasa; tani gidikko ne izara eqettida Isra7eele olanchchata Xoossan, Ubbaa Dandayza GODAA sunththan ne bolla bays.

1ሳሜላ ማጻፋ 30:6

Izara diza asay bantta attuma nayta gishshassinne bantta macca nayta gishshas yiillotidi iza shuchchan caddanaas zorettida; histtiin Dawiti keehi ceecides; gido attiin Dawiti GODAA ba Xoossaan minettides.