ሌሚሶ ማጻፋ 15:9 - Geeshsha Maxaafa

⁹ GODAY iita asata oge shaatettees; gido attiin xilloteth kaallizayta dosees.

ጋሞ ማጻፋ

⁹ ጎዳይ ኢታ ኣሳታ ኦጌ ሻቴቴስ፤ ጊዶ ኣቲን ጺሎቴ ካሊዛይታ ዶሴስ።

ሌሚሶ ማጻፋ 15:9 ပူးပေါင်းရင်းမြစ်များ

ዬ ማጻፋ 1:6

Ays giikko GODAY xillota oge erees; gido attiin iitata ogey istta dhayon gaththees.

ዬ ማጻፋ 11:7

GODAY xillo gidida gishshas xilloteththa ooso dosees. Suure asati iza sinth beyana.

ዬ ማጻፋ 139:24

Ane tanan iitay de7ikko xeella; histtada mernaa ogera tana kaaleththa.

ዬ ማጻፋ 5:5

Ceeqettizayti ne sinththan eqqettenna; iita miish ooththiza ubbata neni ixxaasa.

ሌሚሶ ማጻፋ 15:10

Suure oge aggidi kare ke7idaade hanqoy naagees; seera ixxiza asi hayqqees.

ሌሚሶ ማጻፋ 21:21

Xilloteththinne siiqo kaallizaadey de7o, dureteththinne bonchcho demmees.

ሌሚሶ ማጻፋ 21:4

Otoroynne hallacay iita asata bessiza malata; hessika nagara.

ሌሚሶ ማጻፋ 21:8

Mooranchchati geella ogera hemetteettes; gido attiin geeshshati suure haneettes.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ሌሚሶ ማጻፋ 8:13

Godaas yashshateththi iita ixo; tani otoronne hallaca, menxe iitateththinne geella haasaya ixxays.

ኢሳያሳ ቲንቢቴ 26:7

Xillota ogey moole. Nenoo Suurezoo, neni xillota oge moolisaasa.

ኢሳያሳ ቲንቢቴ 51:1

«Intteno xilloteth kaallizaytoo, GODAA koyzayto siyite. Intte izappe phalqetti kezida zaallazanne intte booketti kezida ollaa xeellite.

ኢሳያሳ ቲንቢቴ 51:7

GODAY, «Intteno xilloteth erizaytoo, ta wogaa intte wozinan woththida asatoo ta gizaa siyite. Asay inttena kadhishin babbofte; istti inttena cayishin dagammofte.

ኤርማሳ ቲንቢቴ 44:4

Tanikka isttas, ‹Hayssa tana harassiza miish ooththofte!› gaada taas ooththiza nabeta isttako zaara zaara yeddadis.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ኢምባቆ ቲንቢቴ 1:13

Ne ayfeti iita xeellontta mala keehi geeshsha; neni qoho co7u ga xeellanaas dandayakka; histtiin as baleththizayta aazas co7u gadii? He asati baappe keehi xilliza asata dhayssishin ne aazas co7u gay?

Maatosa 7:13

«Xunththa pengera gelite; dhayoso efiza ogey gita; pengeyka aaho; daro asay he pengezara gelees.

ዛሬ ማጻፋ 7:13

Izi inttena siiqana; anjjananne qoodan darsana; qasseka izi intte aawatas caaqqida biittayn intte yelota, intte biittay immiza ayfeta, kaththaa, woynenne wogara zayte, intte mehetanne dorsa wudeta ubbaa darssidi anjjana.

1ጺምቶሳስ 6:11

Nenoo Xoossa asoo! Ne hessa ubbaafe baqata; xilloteth, Tumu Ayanan duus, ammano, siiqo, dandayanne ashketeth kaalla.

2ጺምቶሳስ 2:22

Panththateththa iita amoteththafe baqata; geeshsha wozinara Godaa xeygiza asatara xilloteth, ammano, siiqonne saroteth kaalla.