ሌሚሶ ማጻፋ 13:22 - Geeshsha Maxaafa

²² Lo7o asi baas naa nayta gakkanaas laatisees; nagaranchcha aqotay gidikko xillotas dagattees.

ጋሞ ማጻፋ

²² ሎኦ ኣሲ ባስ ና ናይታ ጋካናስ ላቲሴስ፤ ናጋራንቻ ኣቆታይ ጊዲኮ ጺሎታስ ዳጋቴስ።

ሌሚሶ ማጻፋ 13:22 ပူးပေါင်းရင်းမြစ်များ

ኢዝራ ማጻፋ 9:12

Hessa gishshas intte mino gidana mala he biittay ayfe maana malanne mernaas intte intte nayta laatissana mala intte macca nayta istta attuma naytas imofte; istta macca naytakka intte attuma naytas ekkofte; istti durettana malanne saron daana mala qaala gelopite› gi tamaarsida.

ዬ ማጻፋ 102:28

Nees ooththizayta nayti saroteththan daana; istta zereththayka ne sinththan minni eqqana.

ዬ ማጻፋ 112:2

Iza nayti biittan wolqqama gidana; suure asata yeletay anjjettana.

ዬ ማጻፋ 128:6

Izi nena nayta nayta gaththi besso! Isra7eeles saroy gido!

ዬ ማጻፋ 37:25

Tani kase yelaga shin ha7i cimadis; gido attiin xillo asi coo yegetti attishin, woykko iza zereththi kath woossi mishin tani mulekka be7a erikke.

ሌሚሶ ማጻፋ 17:6

Nayta nayti cimmida asatas kallachcha; yelidayti bantta naytas bonchcho.

ሌሚሶ ማጻፋ 28:8

Bessontta dishon ba aqota dagasiza asi he aqota hiyeesas kiyiza asas shiishshees.

ኤራንቻታ ማጻፋ 2:26

Xoossi bana ufayssiza asas aadho erateth, erateththinne ufays immees; gido attiin nagaranchchay Xoossa ufayssizaytas yeggi baana mala aqota dagasanaassinne ooththanaas wolqqa immees; hessika hadanne carko oykkanaas yedeththiza mala.