ሌሚሶ ማጻፋ 12:13 - Geeshsha Maxaafa

¹³ Iita asi ba haasayda iita haasayan oykettees; xilloy gidikko metoppe kessi ekki attees.

ጋሞ ማጻፋ

¹³ ኢታ ኣሲ ባ ሃሳይዳ ኢታ ሃሳያን ኦይኬቴስ፤ ጺሎይ ጊዲኮ ሜቶፔ ኬሲ ኤኪ ኣቴስ።

ሌሚሶ ማጻፋ 12:13 ပူးပေါင်းရင်းမြစ်များ

ሜቴ ማጻፋ 48:16

iita miishsha ubbaafe tana ashshida kiitanchchay, ha nayta anjjo. Ta sunththaynne ta aawata Abrahaamenne Yisaaqa sunththay isttan xeygetto. Istti biitta bollan corattetto» gi anjjides.

2ሳሜላ ማጻፋ 4:9

Dawitikka Bi7eroote dere as Armoone nayta Erekaabessinne iza isha Ba7aanas, «Tana metoppe ashshida De7o Xoossay be7iin,

1ካዎታ ማጻፋ 2:23

Kawo Solomooney GODAAN caaqqidi, «Adoniyaasi hayssa oychchida gishshas tani iza wodhontta aggiko GODAY tana wodho!

ዬ ማጻፋ 34:19

Xillo as gakkiza metoy daro; gido attiin GODAY iza he ubbaafe ashshees.

ዬ ማጻፋ 34:20

GODAY iza minththi naagees; iza meqeththatappe issoyka meqqenna.

ዬ ማጻፋ 5:6

Wordo haasayzayta neni dhayssaasa. Suuth gussizaytanne cimmiza asata neni harasettaasa.

ዬ ማጻፋ 59:12

Istti bantta doonappe kessiza nagara gishshas, bantta inxarsaa qaala gishshas, istti qanggida qanggeththa gishshassinne wordotiza gishshas bantta otoreteththan oyketetto.

ዬ ማጻፋ 59:13

Ne hanqon istta dhayssa; istta mulera dippi histta; he wode Xoossi Yaaqoobe zereththa ayssizaadenne sa7a gaxa gakkanaas diza deraa haarizaade gididayssa asi ubbay erana.

ዬ ማጻፋ 64:8

Izi istti haasayda qaala istta bolla zaarana; isttaka bashshan gaththana; istta be7ida ubbay aamusidi hu7e qaaththana.

ሌሚሶ ማጻፋ 10:8

Aadho eranchchay azazo ero gi ekkees; lom7ulom7iza eeyati gidikko bashshaso beettes.

ሌሚሶ ማጻፋ 11:8

Xilloy metoppe attees; gido attiin metoy iita asa bolla gakkees.

ሌሚሶ ማጻፋ 15:2

Aadho eranchcha inxarsafe erateththi pulttees; gido attiin dogata doonappe eeyateththi pulttees.

ሌሚሶ ማጻፋ 18:21

Inxarsa bolla hayqoynne de7o wolqqay dees; izo dosizayti izi ayfe meettes.

ሌሚሶ ማጻፋ 21:23

Ba doonanne ba inxars naagiza asi bana boshappe naagees.

ሌሚሶ ማጻፋ 6:2

neni gelida qaalan oykettidaa gidikko, ne doonappe ke7ida qaalan ne oykettidaa gidikko,

ኤራንቻታ ማጻፋ 7:18

Issaa oykkidi hankkoyssaka yeddontta agoy lo7o; Xoossas yayyiza asi shikkalateth ixxees.

ዳኔላ ቲንቢቴ 6:24

Hessafe guye kase Daaneela wordora mootida asati ba machchetara, ba naytara oyketti yiidi gaammota ollan yegettana mala kawozi azaziin gaammota ollan istta yeggida; istti ollaan duge gakkontta dishin gaammoti puuzi yeggidi istta meqeththata nififi histti menththereththida.

Maatosa 27:25

Derey wuri, «Iza suuththi nu bollanne nu nayta bolla gakko» giidi zaarides.

2ጴጽሮሳ ኪታ 2:9

Histtiin hessi wurikka hessa mala gidikko Goday baas goynnishe diza asata paaceppe ashshanayssanne nagaranchchatakka wostti qaxxayanaakkonne pirda gallassas wostti istta naagidi gaththanaakko hessa izi erees guussa.