ሌሚሶ ማጻፋ 1:7 - Geeshsha Maxaafa

⁷ Aadho erateththas koyroy GODAAS yashshateththa; eeyati gidikko aadho erateththinne seera kadheettes.

ጋሞ ማጻፋ

⁷ ኣ ኤራቴስ ኮይሮይ ጎዳስ ያሻቴ፤ ኤያቲ ጊዲኮ ኣ ኤራቴኔ ሴራ ካቴስ።

ሌሚሶ ማጻፋ 1:7 ပူးပေါင်းရင်းမြစ်များ

ኢዮቤ ማጻፋ 28:28

He wode asas, ‹Hekko erateth guussi Xoossas yashshateththa; akeeka guussi iitappe haako› gides.»

ዬ ማጻፋ 111:10

Aadho erateththas koyroy GODAAS yashshateththa; iza azazo ooththizaytas lo7o akeekay dees. GODAY mernaas galatetto!

ሌሚሶ ማጻፋ 1:22

«Intteno wozina pacetoo! Intte awude gakkanaas eeyateththa oge kaallanee? Qilccizaytoo! Intte qilccizayssan awude gakkanaas ufayetteetii? Eeyatoo! Erateththa awude gakkanaas ixxanee?

ሌሚሶ ማጻፋ 15:32

Seera ixxiza asi bana kadhees; seera ekkiza asi gidikko akeeka demmees.

ሌሚሶ ማጻፋ 15:33

GODAAS yashshi aadho erateth tamaarssees; bonchchettana koyida asi koyro bana kawushshanaas koshshees.

ሌሚሶ ማጻፋ 15:5

Eeyay ba aawa seera kadhees; gido attiin zore ekkizay ba akeekateththaa qonccisees.

ሌሚሶ ማጻፋ 18:2

Eeyay ba qofa qonccisanaaro xalla dosees; gido attiin hara asappe era ekkanaas dosenna.

ሌሚሶ ማጻፋ 2:5

he wode neni GODAAS yashshateth akeekana; Xoossaaka lo7eththada erana.

ሌሚሶ ማጻፋ 23:9

Eeyara haasayoppa; ays giikko ne aadho era haasaya izi kadhana.

ሌሚሶ ማጻፋ 9:10

Aadho erateththas koyroy GODAAS yashshateththa; Geeshshaza eroykka akeeka.

ኤራንቻታ ማጻፋ 12:13

Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ዛሬ ማጻፋ 4:6

Intte istta naagitenne polite; intte hessaththo ooththizaa gidikko intte ay keena aadho eranchchatanne akeekizayta hara dere asay inttena be7ana; istti ha azazota siyiza wode, ‹Tumukka ha gita kawoteththay aadho eranchchanne akeekanchcha dere› gaana.