4 Erateththi paccidaytas akeeka, naateththatas erateththinne wozinamateth immizayta.
4 ኤራቴ ፓጪዳይታስ ኣኬካ፥ ናቴታስ ኤራቴኔ ዎዚናማቴ ኢሚዛይታ።
GODAY ashketa naagees; tani metotida wode izi tana ashshides.
Ne qaala birsheththay poo7o immees; akeekay paccidaytas akeeka immees.
Naateththi ba oge geeshshateththan wostti naaganaas dandayzee? Ne qaalay giza mala de7ikko dandayees.
GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.
Naytoo! Haa yiite; ta gizaaz siyite; tani inttena GODAAS yashshateth tamaarsana.
Ta naazoo! Suure pirdanne shaakki ero naaga; istti ne sinththafe haakkofetto.
Tani aadho erateththi akeekara days; erateththinne wozinamateththi ta miishshata.
Tana siiqizayta tani siiqays; minni koyzayti tana demmana.
«Ha7ikka ta naytoo! Tani gizayssa ezgite; ta oge naagizayti anjjettidayta.
Intteno akeekay paccidaytoo! wozinama gidite; intteno eeyatoo akeeka demmite.
Haysso yelagazoo! Ne naateteththa layththan ufayetta; ne naateteththa layththan ne wozinan ufayetta; ne ayfey xeellida ubbaanne ne wozinay amottida ubbaa pola; gido attiin ne ooththida ooso ubbaa gishshas Xoossi nena pirdas shiishshanayssa era.
Heen wogga ogey oosettana; izikka, «Geeshshateththa Oge» geetettana. Tunati he ogera beettenna; ogezi he ogera bizaytas xalla gidana; geellati he ogaara baana dandayettenna.
Intte istta naagitenne polite; intte hessaththo ooththizaa gidikko intte ay keena aadho eranchchatanne akeekizayta hara dere asay inttena be7ana; istti ha azazota siyiza wode, ‹Tumukka ha gita kawoteththay aadho eranchchanne akeekanchcha dere› gaana.
Panththateththa iita amoteththafe baqata; geeshsha wozinara Godaa xeygiza asatara xilloteth, ammano, siiqonne saroteth kaalla.
Hessaththoka yelaga attumasay barkka bana haarana mala ne istta zora.