ታይቦ ማጻፋ 31:28 - Geeshsha Maxaafa

²⁸ Wottadarata gishaappe di7ettida asaappe, miizatappe, haretappe dorsatappenne deyshatappe ichchashu xeetappe issino taas GODAAS dumma imota histti shaakkite.

ጋሞ ማጻፋ

²⁸ ዎታዳራታ ጊሻፔ ዲኤቲዳ ኣሳፔ፥ ሚዛታፔ፥ ሃሬታፔ ዶርሳታፔኔ ዴይሻታፔ ኢቻሹ ጼታፔ ኢሲኖ ታስ ጎዳስ ዱማ ኢሞታ ሂስቲ ሻኪቴ።

ታይቦ ማጻፋ 31:28 ပူးပေါင်းရင်းမြစ်များ

ሜቴ ማጻፋ 14:20

Qasse Ubbaafe Dhoqqa Xoossi, Ne morkketa ne kushen aaththi immidayssi galatetto» gides. Abraamey ubbaafe tammaafe issi kushe kessidi Malkexeedeqes immides.

1ታሪኬ ማጻፋ 18:11

Kawo Dawiti Eedoomeppe, Mo7aabeppe, Amoone asatappe, Filisxeemetappenne Amaaleeqe asatappe di7i ekkida biranne worqqa ha miishshatara issife gaththi GODAAS dummasides.

2ታሪኬ ማጻፋ 15:11

He wode di7i ehidayssafe 700 kormata, 7,000 dorsinne deysh GODAAS yarshida.

ኢሳያሳ ቲንቢቴ 18:7

He wode GODAAS Ubbaafe Wolqqama Xoossaas adussanne liiqo asaappe, matappe haahoppe yayyiza dereppe, wolqqamanne iza qaalay erettontta dereppe, shaafati shaakki biza kawoteththafe imotay yaana; medheteththa GODAY dizaso pude Xiyoone zuma bolla yaana.

ኢሳያሳ ቲንቢቴ 23:18

Gidikkoka iza demmida ubbaynne wodhey GODAAS dummatana; dagattennanne suuddenna; izi wodhey GODAA sinththan de7izaytas palahida kaththinne lo7o may7o gidana.

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ታይቦ ማጻፋ 18:21

GODAY, «Isra7eele asay taas ehiza asraatay wuri Lewe zarkketas gisha gido gaada ta immadis; hessika istti Gaytoteththa Dunkaane giddon ooththiza oosoza damoza gido.

ታይቦ ማጻፋ 18:26

«Neni Lewetas, ‹GODAY inttes gisha histti immiza asraata intte Isra7eele asaa kusheppe ekkishe intteka intte baggara he intte ekkidayssafe asraata kessidi GODAAS dumma yarsho histti shiishshite.

ታይቦ ማጻፋ 31:29

He intte taas GODAAS shaakkidayssa ta gishaza qeese El7ezeeres immite.

ታይቦ ማጻፋ 31:30

Hinko maabaras imettida gishaappe, asaappe, miizaappe, dorsatappe, deyshatappenne haretappe ichchash tammaafe issino Gaytoteththa Dunkaanen alaafeteththan ooththiza Lewetas immite.»

ታይቦ ማጻፋ 31:47

Hessa gishshas Musey ichchash tammaafe issino GODAY iza azazida mala Gaytoteththa Dunkaanen alaafeteththan ooththiza Lewe zarkketas immides.

Maatosa 22:21

Isttika izas, «Qeesaareyssa» gida. Izikka isttas zaaridi, «Qeesaareyssa Qeesaares, Xoossayssa Xoossas immite» gides.

ኢያሶ ማጻፋ 6:19

Biraynne worqqay wuri qasse xarqimalappenne biratappe oosettida miishshati ubbay GODAAS dumma gidida gishshas GODAA minjja keeth gelo» gides.

ኢያሶ ማጻፋ 6:24

Hessafe guye katamayonne izi giddon diza ubbaa taman xuuggida; gido attiin biranne worqqa, xarqimalappenne biratappe oosettida miishshata GODAA minjja keeththan woththida.

ኢያሶ ማጻፋ 9:27

He gallas Iyaasoy Geba7oone asata Isra7eele maabaraassinne GODAY dooridasohon eqqida yarshosozas istti hach gakkanaas mith mixanaassinne haath duuqqana mala ooththides.