ታይቦ ማጻፋ 28:7 - Geeshsha Maxaafa

⁷ Koyro laaqqazara shiiqiza ushsha yarshoy issi litiro gidiza mino ushshu geeshshasozan GODAAS gussite.

ጋሞ ማጻፋ

⁷ ኮይሮ ላቃዛራ ሺቂዛ ኡሻ ያርሾይ ኢሲ ሊቲሮ ጊዲዛ ሚኖ ኡሹ ጌሻሶዛን ጎዳስ ጉሲቴ።

ታይቦ ማጻፋ 28:7 ပူးပေါင်းရင်းမြစ်များ

ኬሳ ማጻፋ 29:40

Koyro dharsho laaqqa issi kilonne bagga lo7o gistte dhiille issi litiro gum7ettida zayten munuqada yarsha; issi litiro woyne ushshu ushsha yarsho histtada yarsha.

ኬሳ ማጻፋ 29:42

«Ha xuugettiza yarshoy yiza yeleta ubbaan Xoossa Dunkaaneza pengen GODAA sinththan pacey baynda yarshettanaas koshshees. Tani inttenara gaagganaynne nees haasayanay heenkko.

ኬሳ ማጻፋ 30:9

Ha yarshizasozan hara digettida exaanekka, woykko xuugettiza yarsho, woykko kaththa yarsho yarshofa; ushsha yarshoka iza bolla tigoppa.

ኢሳያሳ ቲንቢቴ 57:6

Hanne zullen diza liiqo shuchchati nees eeqa xoossata; isttika ne qaadata; tumukka ne istta bolla ushsha yarsho gussadasa; kaththa yarshoka shiishshadasa; histtiin ha yo7ota gishshas ta co7u gaanee?

ኢዩኤሌ ቲንቢቴ 1:13

Intte intte Xoossa yarsho shiishshiza kath gidiin woykko woyne ushshi baynda gishshas intteno ta Godaa oosanchchata gidida qeesetoo! Ane haa yiidi maaqa may7idi kumeththa omars yeekkite. Intteno yarsho yarshizason ooththizaytoo! Intte, «Wuu! Wuy!» gi waassite.

ኢዩኤሌ ቲንቢቴ 1:9

GODAA Keeththan yarshos shiiqana kath gidiin woykko woyne ushshay baynda gishshas GODAAS ooththiza qeeseti yeekkeettes.

ኢዩኤሌ ቲንቢቴ 2:14

Oonee erizay GODAA intte Xoossay ba hanqoza zaaridi inttena anjjanaakko, intteka he wode GODAA intte Xoossas kaththa yarshonne ushsha yarsho shiishshandeta.

ሌዌታ ማጻፋ 1:9

He yarshoza shiishshizayssi he meheza qanththa ashozanne guye gedata haaththan meecco; qeesezi yarshoza ubbaa yarshizasoza bolla xuuggo; hayssa mala taman xuugettiza yarsho sawoy GODAA ufayssees.

ሌዌታ ማጻፋ 23:13

Izara issife wogara miththa zayten munuqettida nam7u kilo gidiza liiqo dhiille kaththa yarsho histti shiishshite; hessika iza sawoy GODAA ufayssiza xuugettiza yarsho gidana; izara issife issi litiro gidiza woyne ushshu imota shiishshite.

ታይቦ ማጻፋ 15:10

Hessaththoka ushsha yarshos nam7u litiro gidiza woyne ushshu shiishsha; hessika GODAA ufayssiza, sawizaazanne xuugettiza yarsho gidana.

ታይቦ ማጻፋ 15:5

Qasse xuugettiza yarshos woykko hara yarshos ehiza issi issi dorsa laaqqara issi litiro woyne ushsha yarsho shiishshite.

ታይቦ ማጻፋ 15:7

Ushsha yarshos issi litironne sayso gidiza woyne ushshu shiishsha; hessi wurikka lo7o GODAA sawizaazinne ufayssizaaz gidana;

ታይቦ ማጻፋ 28:14

Issi issi mirgora nam7u litiro gidiza woyne ushshu, dharshozara issi litironne sayso gidiza woyne ushshunne issi issi laaqqara issi litiro gidiza woyne ushshu yarshos shiishshite; hessika aginan aginan layth kumeth shiiqiza xuugettiza yarsho.

ታይቦ ማጻፋ 28:31

Hessa he yarshoza ubbaa ushsha yarshora, he gallas shiiqi xuugettiza yarshozanne kaththa yarshoza bolla gujjidi shiishshite; he yarsho meheti wosoy bayndayta gididayssa shaakki erite.

ታይቦ ማጻፋ 28:6

Hessika gallas gallas shiiqiza xuugettiza yarsho; hessa mala yarsho sawoy tana GODAA ufayssiza yarsho gididi koyro Siina zumaa bolla shiiqana mala wogay wodhdhides.

ታይቦ ማጻፋ 28:8

Omarsa wode nam7anththo laaqqaza koyroyssaththoka ushsha yarshoza gujjidi shiishshite; hessa sawoykka GODAA ufayssiza kaththa yarsho gidana.

ፒሊጲሲዮሴ ኣሳስ 2:17

Qasseka inttes Godaan diza ammanoy intte Xoossas shiishshida dumma yarsho mala ta shemppoy intte yarshora issife yarsho mala gukkizaakko inttenara tanikka ufayettana.