ታይቦ ማጻፋ 26:65 - Geeshsha Maxaafa

⁶⁵ Hessi hessaththo haniday GODAY kase isttas, «Istti wurikka bazzo biittan hayqqana!» gida gishshassa; gido attiin Yoofine naa Kaalebeynne Nawe naa Iyaasoy attaafe ubbayka hayqqida.

ጋሞ ማጻፋ

⁶⁵ ሄሲ ሄሳ ሃኒዳይ ጎዳይ ካሴ ኢስታስ፥ «ኢስቲ ዉሪካ ባዞ ቢታን ሃይቃና!» ጊዳ ጊሻሳ፤ ጊዶ ኣቲን ዮፊኔ ና ካሌቤይኔ ናዌ ና ኢያሶይ ኣታፌ ኡባይካ ሃይቂዳ።

ታይቦ ማጻፋ 26:65 ပူးပေါင်းရင်းမြစ်များ

ዬ ማጻፋ 37:9

Iita ooththizayti dhoqalletti dhayana; gido attiin GODAAN hidota ooththizayti biitta laattana.

ኬሳ ማጻፋ 12:37

Isra7eele asay Eraamise geetettiza katamappe dendidi Sukoote geetettizaso gakkanaas bides. Asay naytanne maccassaa gujjontta qoodiin tohon hemettiza attuma asay 600,000 gidides.

ታይቦ ማጻፋ 14:26

GODAY Musessinne Aaroones hizgides,

ታይቦ ማጻፋ 14:32

Intte ahay gidikko hayssa ha bazzozan kundi attana.

ታይቦ ማጻፋ 14:35

Ta bolla dendida iita asata bolla tani hayssa ubbaa ooththana; hayssa bazzozan ubbatikka wuri wurana; ubbatikka hayqqana; tani GODAY hayssa yootadis› ga yoota.»

ታይቦ ማጻፋ 14:38

He biittayo biidi xomosi xeellida asata giddofe Nawe naa Iyaasoynne Yoofine naa Kaalebey xalla shemppora paxa attida.

ታይቦ ማጻፋ 27:3

«Nu aaway issi attuma naakka yelontta bazzo biittan hayqqides; izi GODAA bolla makkallida Qoore kaallizaytara issife zuppetibeenna; gido attiin izi ba nagara gaason hayqqides.

ታይቦ ማጻፋ 34:19

He ne ekkana asata sunththi hayssafe kaallizayssa; Yuhuda zarkkefe Yoofine naa Kaalebe,

ኦሮሜ ኣሳስ 11:22

Hessa gishshas Xoossa kiyateththinne iza menxe iitateththaa ane xeella; iza menxe iitateththi kundidayta bolla; iza kiyateththi qasse intte iza qadheteththa garsan diza wode gakkanaas xalala; hessi baynda aggiko intteka qanxxettana.

ዛሬ ማጻፋ 1:36

Yoofine naa Kaalebey xalla he biittayo gelana; izikka kumeththa wozinappe ammanetti beettida gishshas he izi be7ida biittayo izassinne iza zereththatas ta immana› gi caaqqides.

ኢያሶ ማጻፋ 5:4

Izi hessa ooththida gaasoykka Gibxeppe kezida asan layththay olas gakkida attuma asay wuri Gibxeppe kezidaappe guye bazzon oge bolla hayqqides.

ዩሁዳ ኪታ 1:5

Intte hessa ubbaaka kaseti erikkoka Goday ba dereza Gibxeppe kessidi ashshidayssanne hankko ammanonttayta guyeppe dhayssidayssa ta inttena akeekissana koyays.